Thursday, July 25, 2024
- Advertisement -
- Advertisement -
ዜናኤርትራ አሜሪካንን ለተመድ የፀጥታው ምክር ቤት ከሰሰች

ኤርትራ አሜሪካንን ለተመድ የፀጥታው ምክር ቤት ከሰሰች

ቀን:

የኤርትራ መንግሥት የአሜሪካ ፕሬዚዳንት ጆ ባይደን አስተዳደር ሕወሓትን በመደገፍ በአካባቢው የውስጥ ጉዳይ ጣልቃ እየገባ ነው በማለት፣ ለተባበሩት መንግሥታት ድርጅት (ተመድ) የፀጥታው ምክር ቤት ከሰሰ፡፡

የኤርትራ የውጭ ጉዳይ ሚኒስትር ኡስማን ሳልህ ለፀጥታው ምክር ቤት በላኩት አጭር ደብዳቤ፣ የባይደን አስተዳደር በአካባቢው ጣልቃ በመግባትና በማስፈራራት ተጨማሪ ግጭቶችንና አለመረጋጋትን እያስከተለ ነው ማለታቸውን ዓለም አቀፍ ሚዲያዎች ዘግበዋል፡፡

ላለፉት 20 ዓመታት ሕወሓትን የደገፉት የአሜሪካ የተለያዩ አስተዳደሮች፣ በትግራይ ክልል ለተፈጠረው ጦርነት ተጠያቂ መሆናቸውን ያስታወቁት የውጭ ጉዳይ ሚኒስትሩ፣ በቅርቡ በትግራይ ክልል ለተካሄደው ጦርነት ኤርትራን በወንጀለኝነት አሜሪካ መፈረጇ መሠረተ ቢስ መሆኑን አክለዋል፡፡

የፕሬዚዳንት ባይደን አስተዳደር ጣልቃ ገብነትና ማስፈራራት ተጨማሪ ግጭቶችንና አለመረጋጋትን የማስከተል ፍላጎት ግልጽ ዓላማ፣ የሕወሓት አገዛዝ ዘመን ቅሪቶችን ወደ ሥልጣን ለመመለስ ነው ሲሉ የውጭ ጉዳይ ሚኒስትሩ በደብዳቤያቸው አመላክተዋል፡፡

የሕወሓት ቡድን ራሱን እንደገና ለማስታጠቅና የጠቅላይ ሚኒስትር ዓብይ አህመድ (ዶ/ር) መንግሥት ለመጣል ድብቅ ዕቅዱን ለማሳካት ሐሰተኛ መረጃ እያሠራጨ ነው ያሉት የውጭ ጉዳይ ሚኒስትሩ፣ የፀጥታው ምክር ቤት በአሜሪካ የሚፈጸመውን ኢፍትሐዊነት ለማረም ተገቢ ዕርምጃዎችን መውሰድ ይኖርበታል ብለዋል፡፡

የአሜሪካ የውጭ ጉዳይ መሥሪያ ቤት በኤርትራና በኢትዮጵያ መንግሥታት ባለሥልጣናትናወታደራዊ ኃላፊዎች ላይ የጣለውን የቪዛ ዕገዳ በተመለከተ፣ ውሳኔው በአንድ ወገን ፍላጎት ብቻ የተፈጸመ የማስፈራራትናጣልቃ ገብነት ማሳያ መሆኑን አስታውቀዋል፡፡

ጥቅምት 4 ቀን 2013 ዓ.ም. ምሽት በሰሜን ዕዝ የአገር መከላከያ ሠራዊት ላይ የሕወሓት ኃይሎች ጥቃት መሰንዘራቸውንና ከፍተኛ ጉዳት ማድረሳቸውን በማስታወቅ፣ ጠቅላይ ሚኒስትር ዓብይ የውጊያ ትዕዛዝ ከሰጡ በኋላ በተካሄደው ጦርነት፣ የኤርትራ ወታደሮች ድንበር አልፈው በመግባት በውጊያው መሳተፋቸው ይታወሳል፡፡

የኤርትራ ወታደሮች ትግራይ ክልል ውስጥ ፈጽመውታል በተባለው የጅምላ ግድያና የሰብዓዊ መብት ጥሰት ምክንያት በተደጋጋሚ የኤርትራ መንግሥት የተወነጀለ ሲሆን፣ ጠቅላይ ሚኒስትር ዓብይ በፓርላማ ባደረጉት ንግግር የኤርትራ ወታደሮች ከትግራይ ክልል እንዲወጡ ከፕሬዚዳንት ኢሳያስ አፈወርቂ ጋር ስምምነት ላይ መድረሳቸውን መግለጻቸው አይዘነጋም፡፡ እስካሁን ድረስ የኤርትራ ወታደሮች መቼ እንደሚወጡ የታወቀ ነገር የለም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...