Monday, February 6, 2023
- Advertisement -
- Advertisement -
ስፖርትአሠልጣኝ ውበቱ አባተና ረዳቶቻቸው ለ35 ተጫዋቾች ጥሪ አደረጉ

አሠልጣኝ ውበቱ አባተና ረዳቶቻቸው ለ35 ተጫዋቾች ጥሪ አደረጉ

ቀን:

በኢትዮጵያ አስተናጋጅነት ዕድሜያቸው ከ23 ዓመት በታች የምሥራቅና መካከለኛው አፍሪካ አገሮች (ሴካፋ) የእግር ኳስ ሻምፒዮና ከሰኔ 23 እስከ ሐምሌ 11 ቀን 2013 ዓ.ም. ድረስ በባህር ዳር ዓለም አቀፍ ስታዲየም እንደሚከናወን ይጠበቃል፡፡ አሠልጣኝ ውበቱ አባተና ረዳቶቻቸው ዕድሜያቸው ከ23 ዓመት በታች ለሆኑ ተጫዋቾች ጥሪ አድርገዋል፡፡ በምርጫው ለመካተት የተቀመጠ ቅድመ ሁኔታ እንዳለም ፌዴሬሽኑ አስታውቋል፡፡

አሠልጣኝ ውበቱ አባተና ረዳቶቻቸው ጥሪ ካደረጉላቸው ተጫዋቾች መካከል በአብዛኛው በኢትዮጵያ ፕሪሚየር ሊግ ክለቦች የተያዙ ሲሆኑ፣ ከተጫዋቾቹ አንዳንዶቹ በክለቦቻቸው የመጫወት ዕድል ያልነበራቸው ናቸው በሚል ቅሬታ የሚቀርብባቸው እንዳሉ እየተነገረ ይገኛል፡፡ ለዋናው ብሔራዊ ቡድን ተመርጠው ኢትዮጵያን ለአፍሪካ ዋንጫ ያሳለፉ ልጆችም በምርጫው መካተታቸውን የሚናገሩ አሉ፡፡

ምርጫውን አስመልክቶ ፌዴሬሽኑ በማኅበራዊ ትስስር ገጹ እንደገለጸው፣ ጥሪ የሚደረግላቸው ተጫዋቾች በቅድሚያ የታደሰ የቀበሌ መታወቂያ፣ የልደት ምስክር ወረቀትና የታደሰ ፓስፖርት ሊኖራቸው ይገባል፡፡ ተጫዋቾች ማስረጃቸውን ሰኔ 4 ቀን 2013 ዓ.ም. ወሎ ሰፈር በሚገኘው የፌዴሬሽኑ ጽሕፈት ቤት በአካል ቀርበው መስጠት እንዳለባቸው ጭምር አስታውቋል፡፡

አሠልጣኝ ውበቱና ረዳቶቻቸው በምርጫው ያካተቷቸው ተጫዋቾች ፋሲል ገብረሚካኤል፣ አብዱልሀፊዝ ቶፊቅ፣ ዱሬሳ ሹቤላና ኃይለ ሚካኤል አደፍርስ ከሰበታ ከነማ፣ አብዱልከሪም ወርቁ፣ ያሬድ ታደሰና ፍቅሩ ውዴሳ ከወልቂጤ ከነማ፣ ብርሃኑ አሹሞ፣ አማኑኤል እንዳለና ይገዙ ቦጋለ ከሲዳማ ቡና፣ ኪሩቤል ኃይሉ፣ ናትናኤል ገብረጊዮርጊስና ዓለም ብርሃን ይግዛው ከፋሲል ከነማ፣ ኃይሌ ገብረተንሳይ፣ ሬድዋን ናስርና ዊሊያም ሰለሞን ከኢትዮጵያ ቡና፣ መናፍ አወልና ሰለሞን ውዴሳ ከባህር ዳር ከነማ፣ ብሩክ በየነ፣ ወንድምአገኝ ኃይሉና መስፍን ታፈሰ ከሀዋሳ ከነማ፣ ቸርነት ጉግሳ፣ ስንታዬሁ መንግሥቱና በረከት ወልዴ ከወላይታ ድቻ፣ አቡበክር ወልዴና ቤካም አብደላ ከጅማ አባ ጅፋር፣ አማኑኤል ተርፉ ከቅዱስ ጊዮርጊስ፣ አብዲሳ ጀማል ከሲዳማ ቡና፣ ሙዲን መላ ከድሬዳዋ ከነማ፣ ጸጋሰው ዴማሞ እና ደስታ ዋሚሾ ከሀድያ ሆሳዕና፣ ወልደአማኑኤል ጌቱ ከኢትዮ ኤሌክትሪክ፣ ኢያሱ ለገሰ ከአዲስ አበባ ከተማ አስተዳደር፣ ኤርምያስ በላይ ከአርባ ምንጭ ከነማና ታምራት ዳኜ ከኢትዮጵያ መድን ናቸው፡፡        

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...