Monday, July 22, 2024
- Advertisement -
- Advertisement -
ዜናየፌዴራል ፍርድ ቤቶች ምርጫ በሚካሄድበት ዕለት በከፊል ክፍት ሆነው እንደሚውሉ ተገለጸ

የፌዴራል ፍርድ ቤቶች ምርጫ በሚካሄድበት ዕለት በከፊል ክፍት ሆነው እንደሚውሉ ተገለጸ

ቀን:

የፌዴራል ፍርድ ቤቶች ስድስተኛው አገራዊ ምርጫ በሚካሄድበት ሰኔ 14 ቀን 2013 ዓ.ም. ከምርጫ ጋር የተያያዙና አጣዳፊ የፍርድ ቤት ውሳኔ የሚጠይቁ ጉዳዮችን ለማስተናገድ በከፊል ክፍት እንደሚሆኑ ጠቅላይ ፍርድ ቤት አስታወቀ፡፡

የፌዴራል ፍርድ ቤቶች ማለትም የፌዴራል መጀመርያ ደረጃ ፍርድ ቤት፣ የፌዴራል ከፍተኛ ፍርድ ቤትና የፌዴራል ጠቅላይ ፍርድ ቤት፣ በምርጫና በፖለቲካ ፓርቲዎች አዋጅ ከምርጫ ጋር የተያያዙ አለመግባባቶችን ለመዳኘት በተሰጣቸው ኃላፊነት መሠረት፣ ከምርጫ ጋር የተያያዙ ጉዳዮችን የሚመለከቱ በየደረጃው 26 ችሎቶችን አደራጅተው በነፃነትና በገለልተኝነት ዳኝነት እየሰጡ መቆየታቸውን የገለጸው ፍርድ ቤቱ፣  በተመሳሳይም አገራዊው ምርጫ በሚካሄድበት ቀን የፍርድ ቤትን ውሳኔ የሚሹ፣ ከምርጫ ጋር የተያያዙ የወንጀልና የፍትሐ ብሔር ጉዳዮችን ለማስተናገድ በከፊል ክፍት ሆነው እንደሚውሉ ጠቁሟል፡፡

በፌዴራል መጀመርያ ደረጃ ፍርድ ቤት በሁሉም ምድብ ችሎቶች ድሬዳዋ ምድበ ችሎትን ጨምሮ፣ የምርጫ ችሎቶችና አራዳ ምድብ ችሎት፣ የጊዜ ቀጠሮ ችሎት አገልግሎት ይሰጣሉ፡፡ በፌዴራል ከፍተኛ ፍርድ ቤት በልደታ ምድብ ችሎትና በአራዳ ምድብ ችሎት ለምርጫ ጉዳዮች የተደራጁ ችሎቶች ክፍት ሲሆኑ፣ በተመሳሳይ በፌዴራል ጠቅላይ ፍርድ ቤት ሁለት የምርጫ ጉዳይ ችሎቶች ዝግጁ ሆነው የሚጠብቁ መሆናቸውም ተገልጿል፡፡

በሌላ በኩል በፌዴራል ከፍተኛና መጀመርያ ደረጃ ፍርድ ቤት በምርጫ ቀን ቀጠሮ ያላቸው ባለጉዳዮች በማግሥቱ ማክሰኞ ሰኔ 15 ቀን 2013 ዓ.ም. የሚስተናገዱ ሲሆን፣ ለፌዴራል ጠቅላይ ፍርድ ቤት ለባለጉዳዮች የሚስተናገዱበት ተለዋጭ የቀጠሮ ቀናት በፍርድ ቤቱ ዌብሳይት ላይና በአጭር የጽሑፍ መልዕክት (SMS) እንደሚገለጽ አስታውቋል፡፡

ፍርድ ቤቶች የሚቀርቡላቸውን ከምርጫ ጋር ተያያዥነት ያላቸውን ጉዳዮች በነፃነትና በገለልተኝነት ለመዳኘት ያላቸውን ዝግጁነት በመግለጽ ሕዝቡ ተረጋግቶ እንዲመርጥ፣ ችግር ሲያጋጥምም ወደ ፍርድ ቤት እንዲያቀርብና የፍርድ ቤት ውሳኔን እንዲያከብር የፌዴራል ጠቅላይ ፍርድ ቤት መልዕክቱን አስተላልፏል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...