Monday, October 3, 2022
ሌሎች ዓምዶች
    - Advertisement -
    - Advertisement -
    ዜናበአዲስ አበባ ምርጫ ጣቢያዎች የድምጽ አሰጣጥ ሂደቱ የተጓተተ ነው

    በአዲስ አበባ ምርጫ ጣቢያዎች የድምጽ አሰጣጥ ሂደቱ የተጓተተ ነው

    ቀን:

    በአዲስ አበባ በተለያዩ የምርጫ ጣቢያዎች ከፍተኛ ቁጥር ያለው መራጭ ከጠዋቱ 12 ሰዓት አንስቶ ድምጹን ለመስጠት ቢወጣም፣ የምርጫ ጣቢያዎች የተጓተተ አሰራር ነዋሪዎችን ሲያሰላች ተስተውሏል። 

    በየካ ምርጫ ክልል 28 ምርጫ ጣቢያ 7 ላይ በመራጮች ምዝገባ ወቅትም ቢሆን ከፍተኛ ህዝብ የተመዘገበ በመሆኑ ንዑስ ምርጫ ጣቢያ በዚህ ምርጫ ጣቢያ ሰባት ስር የተቋቋመ ቢሆንም፣ ለንዑስ ምርጫ ጣቢያው ከተመደቡ አምስት አስፈጻሚዎች መካከል የተገኘው እንዱ ብቻ በመሆኑ እስከ ሁለት ሰዓት ድረስ ድምጽ መስጠት አለመጀመሩን አስተውለናል።

    በምርጫ ጣቢያ 7 የተመዘገበው መራጭ ቁጥር 1700 ሲሆን በንዑስ ጣቢያ ደግሞ 481 መራጮች የተመዘገቡ ቢሆንም የምርጫ አስፈጻሚዎች ባለመገኘታቸው መራጮች ተሰልፈው ለመጠበቅ መገደዳቸውን አንዳንዶቹም ወደ መጡበት መመለሳቸውን የምርጫ ጣቢያው አስፈጻሚ አቶ አዲስ ዳምጤ ለሪፖርተር ገልጸዋል።

    በቦሌ ክፍለከተማ ወረዳ 6 የተገኙት የውሃ መስኖ እና ኤሌክትሪክ ሚንስትሩ ስለሺ በቀለ (ዶ/) ድምጻቸውን ሲሰጡ ተስተውለዋል።

    እርሳቸው በተወዳደሩበት የምርጫ ጣቢያ የተገኘው የመራጭ ቁጥር ከፍተኛ የነበረ ቢሆንም፣ በዚህ ምርጫ ጣቢያም የድምጽ አሰጣጥ ሂደቱ ፈጣን ባለመሆኑ መራጮች ተሰላችተው ይታያሉ። 

    በአንዳንድ የምርጫ ጣቢያዎች የነዋሪነት መታወቂያ ያልያዙ መራጮችን በጊዚያዊ የምርጫ መዝገብ ለማስተናገድ ሲያስቀምጡ ተስተውሏል።

    - Advertisement -

    ይመዝገቡ

    spot_img
    spot_img