Saturday, January 28, 2023
- Advertisement -
- Advertisement -
ዜና​​​​​​​ምርጫ በቢሾፍቱና በሞጆ ከተማ

​​​​​​​ምርጫ በቢሾፍቱና በሞጆ ከተማ

ቀን:

በኦሮሚያ ክልል በቢሾፍቱ ከተማ የሚገኙ የምርጫ ጣቢያዎችንና ከተማዋን ምን እንደምትመስል ከእሑድ ሰኔ 13 ቀን 2013 ዓ.ም. ጀምሮ ሪፖርተር ቅኝት ማድረግ ችሏል፡፡

በከተማዋ በምርጫው የተወዳደሩ ፓርቲዎች ብልፅግና፣ ኢዜማና አብን ቢሆኑም፣ የአብንም ሆነ የኢዜማ የፖለቲካ ፓርቲ ተወካዮች በቢሾፍቱ ከተማ በሚገኙ የምርጫ ጣቢያዎች አልተገኙም፡፡

ምርጫውም በተካሄበት ወቅት ብርድና ዝናብ ሳይሉ መራጮች ከጠዋቱ 12፡00 ሰዓት ጀምሮ እስከ ምሽት 1፡30 ድረስ ድምፃቸውን ሰጥተዋል፡፡

በደበሶ ቀበሌ በምርጫ ጣቢያ 04 ላይ 759 መራጮች የተመዘገቡ ሲሆን፣ ከዚህ ውስጥም 716 መራጮች እስከ ምሽቱ 1፡00 ሰዓት ድረስ ድምፃቸውን ሰጥተዋል፡፡ በዚህም የምርጫ ጣቢያ ከፍተኛ የሆነ ሠልፍ በመኖሩ ምክንያትና መራጮች ስለምርጫ አሰጣጡ በቂ የሆነ ግንዛቤ ባለማግኘታቸው የምርጫ አሳጣጡ ተጓቷል፡፡  

በምርጫ ጣቢያ 04-06-ሀ 759 መራጮች የተመዘገቡ ሲሆን፣ እስከ ከምሽቱ 12፡00 ሰዓት ባለው ጊዜ ውስጥ 695 መራጮች ድምፅ ሰጥተዋል፡፡ በዚህ የድምፅ መስጫ ጣቢያ የተወካዮች ምክር ቤት ድምፅ መስጫ ወረቀት ላይ የኮድ ስህተት (የቁጥር መደጋገም) በመከሰቱ፣ ለተወሰነ ደቂቃዎች በመራጮች ላይ መስተጓጎል ደርሶባቸዋል፡፡ በምርጫ ጣቢያ 01-ሀ2 – 2 -1 የቢሾፍቱ ከተማ ከንቲባ የጨፌ ኦሮሚያ ዕጩ ወ/ሮ ዓለም ፀሐይ ሽፈራው በዚህ ጣቢያ ላይ ከጠዋቱ 2፡00 ሰዓት ላይ ድምፃቸውን ሰጥተዋል፡፡

በቢሾፍቱ በአጠቃላይ 113 የምርጫ ጣቢያዎች እንደነበሩ 83,619 መራጮች መመዝገባቸውን ለማወቅ ተችሏል፡፡

ብልፅግና ለክልል ሦስት፣ ለሕዝብ ተወካዮች አንድ፣ ኢዜማ ለክልል አንድ፣ ለሕዝብ ተወካዮች አንድ፣ እንዲሁም አብን ለሕዝብ ተወካየች አንድ ዕጩዎችን አቅርበዋል፡፡

በከተማዋም ምርጫ ከመከናወኑ በፊትም ሆነ ከተከናወነ በኋላ ምንም ዓይነት የፀጥታ ችግር አልተፈጠረም፡፡

ከዚህ ጋር ተያይዞም በሞጆ ከተማ በተደረገው የምርጫ ሥርዓት በሞጆ ከተማ ቀበሌ 2 ምርጫ ጣቢያ 2ለ 1,008 መራጮች የተመዘገቡ ሲሆን፣ እስከ ቀኑ 9፡00 ሰዓት ባለው ጊዜ ውስጥ 800 መራጮች ድምፃቸውን ሰጥተዋል፡፡ የሞጆ ከተማ ከንቲባና የሕዝብ ተወካዮች ዕጩ ወ/ሮ መሠረት አሰፋም በዚያው የምርጫ ጣቢያ ከቀኑ 9፡00 ሰዓት ድምፃቸውን ሰጥተዋል፡፡

በሎሜ የሞጆ ምርጫ ክልል 165 የምርጫ ጣቢያዎች የነበሩ ሲሆን፣ 83,800 መራጮች ተመዝግበዋል፡፡ በሎሜ የሞጆ ምርጫ ክልል ብልፅግና 4 ዕጩዎችን ያቀረበ ሲሆን፣ ለክልል ሦስት ለሕዝብ ተወካዮች አንድ አቅርቧል፡፡

ኢዜማና አብን ሦስት ዕጩዎችን ያቀረቡ ሲሆን፣ ለሕዝብ ተወካዮች አንድ፣ ለክልል ምክር ቤት ሁለት አቅርበዋል በከተማው አጠቃላይ የምርጫ ሥርዓቱ ሰላም በተላበሰና በተረጋጋ ሁኔታ መራጮች ከጠዋቱ 12፡00 ሰዓት ጀምሮ ድምፃቸውን ሰጥተዋል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቅዱስ ሲኖዶስ ሦስቱን ጳጳሳት ስልጣነ ክህነታቸውን አንስቶ አወገዘ

የኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ፣ ሰሞኑን ጥር 14...

አቶ እየሱስወርቅ ዛፉ ከህብረት ባንክ ቦርድ አባልነት ለቀቁ

አንጋፋው የፋይናንስ ባለሙያ አቶ እየሱስወርቅ ዛፉ ከህብረት ባንክ ቦርድ...

አቶ በረከት ስምኦን ከእስር ተፈቱ

ከአራት ዓመታት በፊት በተከሰሱበት በከባድሙስና ወንጀል ስድስት ዓመታት ተፈርዶባቸው...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ...