Monday, September 26, 2022
ሌሎች ዓምዶች
    - Advertisement -
    - Advertisement -
    ዜናምርጫ በፈረንሣይ ለጋሴዮን አካባቢ

    ምርጫ በፈረንሣይ ለጋሴዮን አካባቢ

    ቀን:

    የባልደራስ ለእውነተኛ ዴሞክራስ (ባልደራስ) ሊቀመንበር አቶ እስክንድር ነጋ ምንም እንኳን በእስር ላይ የሚገኝ ቢሆንም፣ ፓርቲው ባደረገው ተደጋጋሚ ሕጋዊ ትግል የመወዳደር መብቱ ተከብሮ በዕጩነት የቀረበው ከምርጫ ጋር በተያያዘ በርካታ ችግሮች ከሚፈጠሩበት ፈረንሣይ አካባቢ ነው፡፡

    እስር ቤት ባይሆን ኖሮ ፈረንሣይ አካባቢ ድምፅ ይሰጥ የነበረ ቢሆንም፣ የምርጫውን ሒደት ግን የተከታተለው ምናልባት በቴሌቪዥን መስኮት ይሆናል፡፡

    ታሪካዊው ምርጫ 97 የውጤቱን መገለጽ ተከትሎ በተፈጠረ ችግረ በርካታ የአዲስ አበባ ከተማ ነዋሪዎች ለተቃውሞ አደባባይ መውጣታቸው የሚታወስ ሲሆን፣ በተለይ ደግሞ ፈረንሣይ አካባቢ የነበረው ተቃውሞ ከሁሉም የጠነከረ እንደነበር የሚታወስ ነው፡፡

    በወቅቱ ቅንጅትን ወክለው በአካባቢው የተወዳደሩት የአሁኗ የኢትዮጵያ ብሔራዊ ምርጫ ቦርድ ሰብሳቢ ወ/ሪት ብርቱካን ሚደቅሳ እንደነበሩም የሚታወስ ነው፡፡  ለዚህም ይመስላል ሰኞ ዕለት ከሌሎች የአዲስ አበባ አካባቢዎች በተለየ ሁኔታ ፈረንሣይ አካባቢ የነበረው የጥበቃ ሁኔታ የተለየና ጠንከር ያለ እንዲሆን ያደረገው፡፡

    የዚህ ዘገባ አጠናቃሪ በተዘዋወረባቸው የተለያዩ የአዲስ አበባ አካባቢዎች በተለይም መገናኛ፣ ቀበና፣ ሚኒልክ ሆስፒታል፣ ስድስት ኪሎ፣ አራት ኪሎና ፒያሳ አካባቢዎች ካስተዋላቸው አዲሱን መለዬ የለበሱ የአዲስ አበባ ፖሊሶች በተለየ ሁኔታ ፈረንሣይ አካባቢ የተሰማሩት የጥበቃ ኃይሎች በቅጡ የታጠቁና ለአድማ ብተና የተዘጋጁ ፌዴራል ፖሊሶችን ነው፡፡

    የፈረንሣይ ኤምባሲ አጥርን ጨርሰው በስተግራ ወደ ኢየሱስ የሚወስደው መንገድ (ታክሲ ተራው) አካባቢ በቅርብ ርቀት ሔልሜትና የእግር መሸፈኛ ያደረጉ ፌዴራል ፖሊሶች እዚህም እዚያም ተቀምጠው ለሚመለከት ታዛቢ፣ መንግሥት ‹‹የአበራሽን ጠባሳ ያየ በእሳት አይጫወትም›› ማለቱን የሚያስገነዝብ ይመስላል፡፡

    ከላይ ከተዘረዘሩት አካባቢዎች ውስጥ ከፈረንሣይ አካባቢ በስተቀር የነበሩት መደበኛ የከተማው ፖሊሶች ሲሆኑ፣ ምርጫውም በሁሉም የከተማው ክፍሎች ከተፈጠሩ መጓተቶች፣ ከተከሰቱ ችግሮች ተመሳሳይነት በስተቀር የተስተዋለ የተለየ ችግር ያልነበረ ሲሆን፣ በሥፍራው የሚወዳደሩት የብልፅግናው ስንታየሁ ወልደ ሚካኤል (ዶ/ር) እና የኢዜማው አንዱዓለም አራጌን ጨምሮ የሌሎች ፓርቲ ተወካዮችም የሚወዳደሩበት አካባቢ ነው፡፡

     

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...