Monday, November 28, 2022
ሌሎች ዓምዶች
    - Advertisement -
    - Advertisement -
    ዜናኢትዮጵያ በእስራኤሉ ኩባንያ የተመሠረተባትን ክስ በሄግ ፍርድ ቤት ረታች 

    ኢትዮጵያ በእስራኤሉ ኩባንያ የተመሠረተባትን ክስ በሄግ ፍርድ ቤት ረታች 

    ቀን:

    በኢትዮጵያ መንግስት ላይ በሄግ ኔዘርላንድስ  ቋሚ የግልግል ዳኝነት ፍርድ ቤት ክስ የመሠረተው የእስራኤሉ ኩባንያ፣ እስራኤል ኬሚካል ሊሚትድ (ICL) በኢትዮጵያ መንግስት ተረታ። 

    መቀመጫውን በሄግ ኔዘርላንድስ  ያደረገው ቋሚ የግልግል ዳኝነት ፍርድ ቤት (Permanent Court of Arbitration) በትላንትናው ዕለት በመዝገብ ቁጥር PCA Case No. 2017-26 (ICL v. Ethiopia) የከሳሽ ኩባንያን (የ ICL ን) ክስ ሙሉ በሙሉ ውድቅ በማድረግ፣ ኢትዮጵያ እንድትከፍል ከተከሰሰችበት  የመቶ  ሚሊየኖች ዶላር ነፃ ተደርጋለች።  

    ICL ኢትዮጵያንና የማዕድን ሚኒስቴርን አጣምሮ  በዓለምአቀፍ ፍርድ ቤት የከሰሰው፣ ኢትዮጵያ ውስጥ በሚገኝ ሀብት ላይ ኩባንያው በውጭ ሀገር ለፈፀመው ግዢ የካፒታል ጌይን እና የተጨማሪ እሴት ታክስን እንዲከፍል የኢትዮጵያ  የገቢዎች ሚኒስቴር በመወሰኑ፣ የኢትዮጵያ መንግስት የዓለም አቀፍ ሕግን (የኔዘርላንድስንና የኢትዮጵያን የሁለትዮሽ የኢንቨስትመንት ጥበቃ ስምምነት) ጥሷል በሚል ነው። ከሳሹ ታክስ ተጣለብኝ ይበል እንጂ የኢትዮጵያ የገቢዎች ሚኒስቴር ታክሱን በወቅቱ ጥሎ የነበረው በሻጩ ኢትዮጵያዊ ኩባንያ በአላና ፖታሽ አፋር ላይ ነበር።

    ከታመኑ ምንጮች በተገኘው መረጃ መሰረት አራት ዓመታትን የፈጀው ዓለም አቀፍ ክርክር በኢትዮጵያ ሙሉ በሙሉ አሸናፊነት ተጠናቅቋል። የፍርድ ቤቱም ውሳኔ የተላለፈው በሙሉ ድምፅ ነው። ውሳኔው  ይግባኝ የማይባልበት ነው።

    በዓለም ታዋቂና ስመጥር የሆኑ  ዳኞች የሚገኙበትን ዓለም አቀፍ  ፍርድ ቤት በሰብሳቢ ዳኝነት የመሩት የተባበሩት መንግስታት ድርጅት ዓለም አቀፍ ፍርድ ቤት ፕሬዚዳንት የሆኑት የተከበሩ አሜሪካዊት ዳኛ ጆን ዳናሁዌ  ናቸው። ሁለቱ የቀኝና የግራ ዳኞችም እንዲሁ ከፍተኛ ስም ያላቸው የተከበሩ የዘርፉ ባለሙያዎች ናቸው፤ ፕሮፌሰር ሺያን መርፊ በአሜሪካ በጆርጅ ዋሽንግተን ዩኒቨርሲት ታዋቂ የህግ ፕሮፌሰርና   የተባበሩት መንግስታት ድርጅት የዓለምአቀፍ ሕግ ኮሚሽን አባል ሲሆኑ፤ ሚ/ር ሮበርት ስሚዝ ደግሞ በኒው ዮርክ በግል የግልግል ዳኛ በመሆን የበርካታ አስርት ዓመታት የስራ ልምድ ያላቸው ናቸው።

    በሄጉ የዓለም አቀፍ ፍርድ ቤት በነበረው የክርክር ሂደት ከሳሽ (ICL) ተወክሎ የነበረው ሗይት ኤንድ ኬዝ (White & Case) በሚባለው በዋሽንግተን ዲሲ በሚገኘውና ኸርበርት ስሚዝ ፍሪሂልስ (Herbert Smith Freehills) በሚባለው በኒው ዮርክ በሚገኘው ሁለት ዓለም አቀፍ የህግ ቢሮዎች ነው። ኢትዮጵያን በመወከል የተከራከረው ደግሞ በዋሽንግተን ዲሲ የሚገኘው አዲስ ሎው ግሩፕ ኤል ኤል ፒ (Addis Law Group LLP) (ALG) የተባለውና በኢትዮጵያውያንና በትውልደ ኢትዮጵያውያን የተመሰረተና የሚመራው ዓለም አቀፍ የህግ ቢሮ ነው። ኤ ኤል ጂ (ALG) ከዚህ ቀደም ኢትዮጵያን በበርካታ ዓለም አቀፍ የግልግል ዳኝነት ፍርድ ቤቶች በመወከል ለአሸናፊነት ያበቃት ዓለም አቀፍ የህ ቢሮ ነው።  ኢትዮጵያ በዓለም አቀፍ ፍርድ ቤት ከረታችባቸው ዓለም አቀፍ ክሶች መካከል ፔትሮትራንስ  በተሰኘ የውጭ ኩባንያ የተመስረተባት የ 1.4 ቢሊየን ዶላር ክስ የቅርብ ጊዜ ትውስታ ነው።

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...