Sunday, June 23, 2024
- Advertisement -
- Advertisement -
- Advertisement -

ፌርማታ ፅሁፎች

ለሰሞኑ እንዲሆን ተደርጎ remix የተደረገ የከረመ ወግ

ትኩስ ፅሁፎች

በዕውቀቱ ሥዩም

ጎረቤቴ ቺስታ ግብፃዊ ነው፤ ኢትዮጵያ የህዳሴ ግድቡን ከገነባች እንግዲህ ተስፋ የለንም ብሎ አሜሪካ ውስጥ ጥገኝነት ጠይቆ በመኖር ላይ ይገኛል! እኔ ከወራት በፊትግድቡ ተሽጧልእሚለውን ቀደዳ አምኜ ጥገኝነት መጠየቄን የሰማ አይመስለኝም፡፡

ኑሮየ ለክፉ እሚሰጥ አይደለም፤ አውቶቡስ እነዳለሁ፣ በተረፈው ጊዜየ ዲሽ አጥባለሁ፤ የናሳውን ሳተላይት ዲሽ ማለቴ ነው፤ ግብጡ ግን መናእጢ ደሃ ነው (by the way “መናጢ ድሃማለት በጣም ከማጣቱ የተነሳ እጢ ሳይቀር የሚቸግረው ድሃ ማለት መሆኑን ስንቶቻቸን እናውቃለን?)፡፡ ስላሳዘነኝ እኔ በወር ሰማንያ ዶላር እምከፍልበትን ዋይፋይ እንዲጠቀም ፓስወርዱን ሰጠሁት፡፡ አንባቢ ሆይ! ለዚህ ደግነቴ ያገኘሁት ምላሽ ምን ይመስልሃል? ባለፈው መንገድ ላይ አግኝቶኝ እሳት ጎርሶ እሳት ለብሶ ባረብኛኢንቲ አዩኒብሎ ባረቀብኝ! የዛሬ ዓመት ወደ አሜሪካ ስበርር ለትራንዚት ዱባይ አምስት ሰዓት ስለተቀመጥሁ ዓረብኛ በመጠኑ እሰማለሁ፤ ምን ማለቱ መሰላችሁ: “ፊልም ላይ ተጥደህ እየዋልክ ኔትዎርኩን ስሎው እያደረግህብኝ ነው!” ማለቱ ነው ! ‘እረ ገለስ! ውፈር ተበገስ it is my Wi-Fi‘ ብየ ቀወጥኩት!

(በግብጽ የኢትዮጵያ አምባሳደር እንዳጫወቱኝ ግብፆችየሚል ቃል የላቸውም፤ ገማል ይላሉ እንጂ ጀማል አይሉም! ለዛ ነው ጀለስ” ማለት ሲገባኝገለስ” የሚለውን ቃል የተጠቀምኩኝ ! ለምሳሌ ባህር ዳርቻ አሸዋ ላይ በጀርባህ ተንጋለህ ተኝተህ፤ ደረትህን ለፀሐይ፥ ጉያህ ላይ ያለውን ፎጣ ደግሞ ለነፋስ ሰጥተህ ዘና ስትል፤ አንዲት ግብፃዊት  “ገላህ ያምራል ካለችህሙገሳ አይደለም፤ ሃራስመንት ነው!

በምነዳው አውቶቡስ ውስጥ እንደ ወያላ ሆኖ የሚሠራ ፈረንጅ አለ፤ ትናንት የተቃውሞ ሰልፈኞችን ኒውዮርክ አራግፈን ስንመለስ ያባይ ነገር ተነሳናግብፃውያን በፍቅር ዘፈን ውስጥ ሳይቀር ስለ ናይል እንደሚዘፍኑ ታቃለህ?” አለኝ፡፡አንተ በዚህ ትገረማለህ? የእኛ ዘፋኞችማ ግድቡ ከመሠራቱ ሃያ ዓመት አስቀድሞ ስለግድቡ ሲዘፍኑ ኖረዋል” ብየ መልሰኩለት፡፡ የነገርኩትን ሰምቶ አማትቦ ዞር ይላል ብየ ሳስብእስቲ እንዱን ዝፈንልኝብሎ አያፋጥጠኝም? ዞር ዞር ብየ አውቶቡሱ ውስጥ ሐበሻ አለመኖሩን ካረጋገጥኩ በሁዋላ የንዋይ ደበበን ዘፈን ተረርር አደረኩለት፤

ገዳም የፍቅር -Dam

ልቤ አንቺን አይከ-dam”

በነገራችን ላይ፣ ግድቡን ትተን ስለባልቦላው ማውራት የምንጀምርበትን ጊዜ አልናፈቃችሁም?! እንደኔ እንደኔ ግድቡ ሥራ ሲጀምር ለአንድ ዓመት ያህል ሕዝቡ ለመብራት መክፈል የለበትም! እንዲያውም በጊዜ መብራት አጥፍቶ የተኛ ሰው በወንጀል ቢጠየቅ ደስ ይለኛል!

የሰይጣን ጆሮ ይደፈንና ግድቡ ተርባይኑን ማንቀሳቀስ ቢያቀተው ወይም ተርባይኑን ለጥቂት ቢስተውስ? ወይ ደግሞ የግልገል ጊቤን አርአያ ተከትሎ ቢገግምስ? እኔ ጣጣ ያለው አይመስለኝም፤ ሌላው ቢቀር ሳልመን እናረባበታለን፤ በነገራቸን ላይ ሳለመን የፈረንጅ ሞጃ እሚበላው ምርጥ ያሳ አይነት ነው፤ በአሳ በሎች ግምገማ እንደሐረር ሰንጋ ይቆጠራል፤ ሳልመን የበላ ትውልድ ጭንቅላቱ ይሠራል፤ ጭንቅላቱ ከሠራ አጥብቆ ይመራመራል፤ ኤሌክትሪክ የሚያመነጭ ኑክሌር ይፈጥራል፡፡

ይህ በእንዲህ እያለ፣ ዓባይ በተነሳ ቁጥር “ዓባይ ማደርያ የለው ግንድ ይዞ ይዞራል” የሚለው እጅ እጅ እሚል ተረት መጠቀሱ የማይቀር ነው፡፡ የሆነው ሆኖ ከግድቡ ሙሌት በሁዋላ ግንዱ ለማን ይደርሳል? ዶክተር ዓብይ;- ሦስት ቦታ ተቆርጦ እንደ ቅርጫ እንካፈለው እንደማይል ተስፋ አለኝ! እዛው ግብፅ ፈልጣ ሩዝ ትቀቅልበት!

ከአበዛሁት አትፍረዱብኝ ! የአገር ፍቅር ሲበዛ ካቲካላ ነው! አናት ላይ ይወጣል!

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች