Wednesday, February 28, 2024
- Advertisement -
- Advertisement -
ዜናበቤንሻንጉል ጉምዝ ክልል 24 ሰዎች መገደላቸው ተገለጸ

በቤንሻንጉል ጉምዝ ክልል 24 ሰዎች መገደላቸው ተገለጸ

ቀን:

የኢትዮጵያ ሰብዓዊ መብቶች ኮሚሽን (ኢሰመኮ) ከሐምሌ 3 አስከ 8 ቀን 2013 ዓ.ም. ባሉት ቀናት ውስጥ በቤንሻንጉል ጉምዝ ክልል 24 ሰዎች መገደላቸውን አስታወቀ፡፡

በመተከል ዞን፣ ቡለን ወረዳ በምትገኘው ኢማንጅ ቀበሌ ሐምሌ 3 እና 4 ቀን 2013 ዓ.ም. በተከሰተ ግጭት ቢያንስ 16 ሰዎች እንዲሁም፣ በከማሽ ዞን በምንጅጋ ወረዳ ሐምሌ 8 ቀን 2013 ዓ.ም. በደንቤ ቀበሌ ሌሎች ስምንት ነዋሪዎች በታጣቂ ኃይሎች መገደላቸውን አስታውቋል፡፡

ኮሚሽኑ የግድያ መረጃዎች ከደረሱት ጀምሮ ክትትል ሲያደርግና ከአካባቢው የፀጥታና አስተዳደር ኃላፊዎች ጋር ሲነጋገር እንደቆየ ዓርብ ሐምሌ 9 ቀን ባወጣው መግለጫ አስታውቋል፡፡

- Advertisement -

Video from Enat Bank Youtube Channel.

የኮሚሽኑ መግለጫ እንደሚያመላክተው የ15ቱ ሰዎች ግድያ ሐምሌ 4 ቀን 2013 ዓ.ም. የተፈጸመው፣ በታጠቁ ኃይሎች በተገደለ የኢማንጅ ቀበሌ ነዋሪ የቀብር ሥነ ሥርዓት እየተካሄደ ባለበት ወቅት በተከፈተ የአፀፋ  ጥቃት ላይ ነው፡፡

በከማሽ ዞን በምንጅጋ ወረዳ፣ ነዋሪዎች በታጣቂ ኃይሎች መገላቸውን ተከትሎ ሥጋት ያደረባቸው ከአራት ሺሕ ያላነሱ የቀበሌው ነዋሪዎች ተፈናቅለው ምጅንጋ (በሎይጂንጋፎይ) በተባለ ወረዳ ላይ ተጠልለው እንደሚገኙ አክሎ ገልጿል፡፡

ይሁን እንጂ የኢትዮጵያ ሰብዓዊ መብቶች ኮሚሽን ይህን መግለጫ እስካወጣበት ጊዜ ድረስ የመሣሪያ ድምፅ እየተሰማ እንደሆነና የፀጥታ ኃይሎች ወደ ቦታው ያልደረሱ መሆኑን ተፈናቃዮቹ ለኮሚሽኑ መግለጻቻን ተናግሯል፡፡

ኮሚሽኑ በክልሉ መንግሥትና በኮማንድ ፖስቱ ከተወሰዱ የማረጋጋትና የደኅንነት ዕርምጃዎች በተጨማሪ፣ በምጅንጋ ተጠልለው ለሚገኙ ነዋሪዎች በአፋጣኝ ጥበቃ እንዲደረግላቸው ሲል አሳስቧል፡፡

በተጨማሪም ኮሚሽኑ የክልሉን ሰላምና ደኅንነት በዘላቂነት ለመመለስ አጥፊዎችን በአፋጣኝ ለሕግ በማቅረብ፣ የነዋሪዎችን ሰላምና ደኅንነት በተሟላ መልኩ እንዲረጋገጥ ጠይቋል፡፡

በተደጋጋሚ ጊዜ በካማሺና መተከልን በመሳሰሉ የክልሉ አካባቢዎች ለሚከሰተው የሕዝቦች ሞትና መፈናቀል የጉምዝን ሕዝብ ነፃ አወጣለሁ በሚል በአካባቢው የሚንቀሳቀስ ጉሕዴን (የጉሙዝ ሕዝብ ዴሞክራሲያዊ ንቅናቄ) የሚባል ታጣቂ ቡድን በሌሎች ኃይሎች እየተደገፈ እንደሚያከናውነው የክልሉ መንግሥት ሲናገር ይደመጣል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...