Sunday, January 29, 2023
- Advertisement -
- Advertisement -
ዜናተመድ በዕርዳታ ሠራተኞች ላይ የደረሰው ጥቃት በገለልተኛ ወገን እዲጣራ ጠየቀ

ተመድ በዕርዳታ ሠራተኞች ላይ የደረሰው ጥቃት በገለልተኛ ወገን እዲጣራ ጠየቀ

ቀን:

የተባበሩት መንግሥታት ድርጅት (ተመድ) በተለያዩ አካባቢዎች በተፈጸሙ ጥቃቶች በሠራተኞቹ ላይ የደረሰው ሞትና ጉዳት፣ በገለልተኛ ወገን እንዲጣራ ጥያቄ አቀረበ፡፡ 

የተባበሩት መንግሥታ ደርጅት (ተመድ) የሰብዓዊ ዕርዳታ ማስተባበሪያ ጽሕፈት ቤት ባለፉት ስድስት ወራት በትግራይ ክልል በነበረው ግጭት፣ በሌሎች አካባቢዎች ማንነታቸው ባልታወቁ የታጠቁ ኃይሎች ላይ በሚደረገው ዘመቻ፣ እንዲሁም ድንገተኛ ጥቃትና የፀጥታ ችግር ምክንያት በኢትዮጵያ የሰብዓዊ ዕርዳታ አቅርቦት እየተወሳሰበ መምጣቱን አስታውቋል፡፡

ተመድ እ.ኤ.አ. ከጥር 2021 ጀምሮ በኢትዮጵያ የነበረውን የስድስት ወራት የሰብዓዊ ድጋፍ አቅርቦት እንቅስቃሴ ሪፖርት ይፋ አድርጓል፡፡

በሪፖርቱ መሠረት በተገለጸው ጊዜ ውስጥ በኦሮሚያ፣ በቤኒሻንጉል ጉምዝ፣ በትግራይ፣ በአማራ፣ በአፋር፣ በደቡብና በሶማሌ ክልሎች የተለያዩ አካባቢዎች የእርስ በርስና የጎሳ ግጭት በዕርዳታ ሠራተኞች ላይ እንግልትና ሞት ደርሷል ብሏል፡፡ ከዚህ በተጨማሪ በዕርዳታ ሠራተኞች ላይ በሚደረግ ገደብ ምክንያት ለዕርዳታ ፈላጊዎች ማድረስ የነበረበትን አቅርቦት ለማቅረብ፣ ከፍተኛ የሆነ መሰናክል ተፈጥሮበት እንደነበረ አስታውቋል፡፡

በስድስት ወራት ውስጥ ቢያንስ 1,427 ያህል የተለያዩ ክስተቶች እንዳጋጠሙ፣ ከእነዚህ ውስጥ 127 በተመድ ሠራተኞቹ ላይ የደረሱ መሆናቸውን ገልጿል፡፡ ስድስት የሰብዓዊ ዕርዳታ ሠራተኞች መገደላቸውን ጠቅሶ፣ መንግሥት የደረሰውን እንግልትና ጥቃት በገለልተኛ ወገን እንዲያጣራ ሲል ጠይቋል፡፡

በስድስት ወራት ውስጥ የፀጥታ ችግር፣ ውጣ ውረድ የበዛበት ተቋማዊ ማነቆና የእንቅስቃሴ ገደብ፣ የዕርዳታ ሠራተኞችን ደኅንነት በከፍተኛ ሁኔታ አደጋ ውስጥ እንደከተቱ አስታውቋል፡፡

የዕርዳታ አቅራቢ ድርጅቶች አምቡላንስን ጨምሮ በርካታ ተሽከርካሪዎች፣ እንዲሁም የዕርዳታ መጋዘኖች መሣሪያ በታጠቁ አካላት መዘረፍና በዕርዳታ ሠራተኞች ላይ የተከፈተው የስም ማጥፋት ዘመቻ፣ በዕርዳታ አቅራቢ ድርጅቶች ላይ ከፍተኛ መደናገጥ እንደፈጠረና ገለልተኝነታቸውን ጥያቄ ውስጥ እንዳስገባ ጠቁሟል፡፡

በአፋርና በሶማሌ ክልሎች አዋሳኝ አካባቢዎች በጎሳዎች መካከል በነበረው ግጭት፣ በአማራ ክልል ውስጥና ከክልሉ ውጪ በነበሩ ግጭቶች፣ እንዲሁም በቤኒሻንጉል ጉምዝ፣ በኦሮሚያ፣ በትግራይ፣ እንዲሁም በሌሎች አካባቢዎች በተፈጠሩ ግጭቶች ምክንያት የውኃ፣ የጤና፣ የትምህርትና የሌሎች መሠረተ ልማቶች አገልግሎት ተደራሽነት ላይ ውስንነት እንደተፈጠረ ተመድ በሪፖርቱ አመላክቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...