Sunday, June 23, 2024
- Advertisement -
- Advertisement -
ዜናሰማንታ ፓወር የሕወሓት ኃይሎች ጥቃት መፈጸማቸውን እንዲያቆሙና የአማራና የኤርትራ ኃይሎችም ከትግራይ ክልል...

ሰማንታ ፓወር የሕወሓት ኃይሎች ጥቃት መፈጸማቸውን እንዲያቆሙና የአማራና የኤርትራ ኃይሎችም ከትግራይ ክልል እንዲወጡ አሳስቡ

ቀን:

የአሜሪካ መንግሥት ተራድኦ ድርጅት ዩኤስኤይድ ኃላፊ ሰማንታ ፓወር በሕዝብ ተወካዮች ምክር ቤት በአሸባሪነት የተሰየመው የሕዝባዊ ወያኔ ሓርነት ትግራይ (ሕወሓት) ኃይሎች በአማራና አፋር ክልሎች ጥቃት መፈጸማቸውን እንዲያቆሙ፣ የአማራና የኤርትራ ኃይሎችም ከትግራይ ክልል እንዲወጡ አሳስቡ፡፡

ከሁለት ሳምንት በፊትኢትዮጵያ ስላለው ጦርነትና የሰብዓዊ ዕርዳታ አቅርቦት ጉዳይ ለመነጋገር መጥተው የነበሩት ኃላፊዋ፣ የአሜሪካ መንግሥት ኢትዮጵያውያንን ለማጋዝ ቁርጠኛ እንደሆነ ሐሙስ ነሐሴ 13 ቀን 2013 ዓ.ም. ባወጡት መግለጫ አስታውቀዋል፡፡

ፓወር በትግራይ ክልል ጦርነት ከተቀሰቀሰ በኋላ ባለፉት ዘጠኝ ወራት ውስጥ ለመጀመርያ ጊዜ የዕርዳታ ድርጅቶች በሚሊዮን ለሚቆጠሩ ዕርዳታ ፈላጊዎች የሚያቀርቡት ምግብ ሊያልቅባቸው እንደሆና ዩኤስኤይድን ጨምሮ  የበርካታ ድርጅቶች የምግብ መጋዘኖች ባዶ መሆናቸውን ገልጸዋል፡፡

የሰብዓዊ ዕርዳታ አቅርቦት ውስን መሆኑን በመጥቀስ የተከሰተው ዕጥረት የአቅርቦት ችግር ሳይሆን የኢትዮጵያ መንግሥት የዕርዳታ አቅርቦት ወደ ትግራይ ክልል እንዲገባ ባለመፍቀዱና በማደናቀፉ እንደሆነ ገልጸዋል፡፡

በርካታ የዕርዳታ ምግብ የጫኑ ተሸከርካሪዎች፣ በአፋር ሰመራና በሌሎች አካባቢዎች ቆመው እየጠበቁ  ቢሆንም ለአንድ ወር ያክል የተወሰነው ጭነት ብቻ ወደ ትግራይ መግባት መቻሉን በመግለጫቸው አስታውቀዋል፡፡

የዕርዳታ ፈላጊዎችን የምግብ ፍጎት ለማሟላት እ.ኤ.አ. ከሐምሌ 2021 ጀምሮ  በየቀኑ 100 ያክል ሕይወት አድን ምግብ የጫኑ ተሸከርካሪዎች ወደ ትግራይ ክልል መግባት የነበረባቸው ቢሆንም 320 ተሸከርካሪዎች ወይም እንዲገባ ከሚጠበቀው ውስጥ ሰባት በመቶ ብቻ መግባቱን ጠቁመዋል፡፡

በትግራይ ክልል 900 ሺሕ ዜጎች በረሃብ እየተሰቃዩ እንደሆነና ከአምስት ሚሊዮን በላይ ዜጎች ደግሞ የሰብዓዊ ዕርዳታ አቅርቦት እንደሚፈልጉ አስታውቀዋል፡፡

በመሆኑም በትግራይ ክልል በሚሊዮን የሚቆጠሩ ዜጎችን የሰብዓዊ ቀውስ ለመታደግ የኢትዮጵያ መንግሥት በአፋጣኝ  የሰብዓዊ የዕርዳታ አቅርቦት ወደ  ክልሉ እንዲቀርብ የኢትዮጵያ መንግሥት በአስቸኳይ እንዲፈቅድ ጠይቋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...