Wednesday, February 28, 2024
- Advertisement -
- Advertisement -
ዜናበትግራይ ክልል የምግብ ዕርዳታ ለተዋጊዎች ተሰጥቷል መባሉን የአሜሪካ ተራድኦ ድርጅት አስተባበለ

በትግራይ ክልል የምግብ ዕርዳታ ለተዋጊዎች ተሰጥቷል መባሉን የአሜሪካ ተራድኦ ድርጅት አስተባበለ

ቀን:

‹‹የዕርዳታ ምግብ ለሕወሓት ተዋጊዎች እንዴት እንደ ደረሰ ሁሉም ሊመልሱት የሚገባ ጥያቄ ነው›› አቶ ሬድዋን ሁሴን

የአሜሪካ መንግሥት የተራድኦና የልማት ድርጅት  (USAID)፣ የምግብ ዕርዳታ ለተዋጊ ወታደሮች እንዲደርስ አድርጓል በማለት የሚሰነዘሩ ውንጀላዎችን እንደማይቀበል አስታወቀ።

ተቋሙ ሰኞ ነሐሴ 17 ቀን 2013 ዓ.ም. ባወጣው መግለጫ እንዳስታወቀው፣ በተለያዩ አካባቢዎች የሚያቀርበውን የምግብ ዕርዳታ ሥርጭት እንደሚከታተልና በዚህም ዕርዳታው ለተቸገሩ ነዋሪዎች እንጂ ለተዋጊ ወታደሮች አለመሰጠቱን እንደሚያረጋግጥ አስታውቋል።

- Advertisement -

Video from Enat Bank Youtube Channel.

በመሆኑም የምግብ ዕርዳታ ሆነ ተብሎ ለወታደሮች ተሰጥቷል የሚል ውንጀላን ሙሉ በሙሉ እንደማይቀበል ገልጿል።

ነገር ግን ግጭት ባለባቸው አካባቢዎች የሚቀርብ የምግብ ዕርዳታን፣ በግጭቱ የሚሳተፉ ወታደሮች ከተረጂዎች እንደሚሰርቁ (እንደሚነጥቁ) የሚታወቅ እውነታ እንደሆነ ጠቁሟል።

ተቋሙ ይህንን መግለጫ ለማውጣት ምክንያት የሆነው ሰሞኑን በመከላከያ ሠራዊት የተማረከ አንድ የሕወሓት ተዋጊ ጦር አባል፣ ለተረጂዎች የሚቀርብ አልሚ ምግብ በእጁ በመገኘቱ ምክንያት በተለያዩ የሚዲያ ተቋማት ስሙ በመነሳቱ ነው። 

የውጭ ጉዳይ ሚኒስትር ዴኤታ አቶ ሬድዋን ሁሴን ለትግራይ ክልል ተረጂዎች የሚቀርብ የምግብ ዕርዳታ በሕወሓት ወታደሮች እጅ ላይ በተደጋጋሚ መገኘቱን ገልጸውይህንን ጉዳይ ከድርጅቱ ጋር ማገናኘት ግን ትክክል እንዳልሆነ በትዊተር ገጻቸው ላይ አሳስበዋል።

ነገር ግን የዕርዳታ ምግብ በተማረኩ በሕወሓት ታጣቂዎች እጅ በተደጋጋሚ በመገኘቱ፣ የዕርዳታ ምግቡ እንዴት በታጣቂዎቹ እጅ ሊገባ ቻለ የሚለው ጥያቄ በአካባቢው የሚንቀሳቀሱ ሁሉም የተራድኦ ድርጅቶች ሊመልሱት የሚገባ እንደሆነ አስታውቀዋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...