Tuesday, October 4, 2022
ሌሎች ዓምዶች
    - Advertisement -
    - Advertisement -
    ማኅበራዊየትምህርት ጥራትን ለማስጠበቅና የ10,000 ትምህርት ቤቶችን ደረጃ ለማሳደግ 19.5 ሚሊዮን ፓውንድ መመደቡ...

    የትምህርት ጥራትን ለማስጠበቅና የ10,000 ትምህርት ቤቶችን ደረጃ ለማሳደግ 19.5 ሚሊዮን ፓውንድ መመደቡ ተጠቆመ

    ቀን:

    በቀጣይ አምስት ዓመታት 10,000 ትምህርት ቤቶች የደረጃ ማሳደግና የትምህርት ጥራት ማስጠበቅ ፕሮጀክት ተግባራዊ ለማድረግ፣ 19.5 ሚሊዮን ፓውንድ መድቦ እየሠራ መሆኑን ትምህርት ሚኒስቴር አስታወቀ፡፡

    ከሁሉም ክልሎችና ሁለቱ የከተማ መስተዳድሮች የተወጣጡ ባለድርሻ አካላት የተሳተፉበት የሁለት ቀን የውይይት በቢሾፍቱ ከተማ ነሐሴ 21 ቀን 2013 ዓ.ም. ሲጀመር የትምህርት ሚኒስቴር ዴኤታው አቶ ሚሊዮን ማቲዎስ በውይይቱ ላይ እንደገለጹት፣  ለፕሮጀክቱ ማስፈጸሚያ  የሚሆነው 19.5 ሚሊዮን ፓውንድ ድጋፍ  የተገኘው ከዓለም ባንክና ከእንግሊዝ ተራድኦ ድርጅት መሆኑን አስታውቀዋል፡፡

    በኢትዮጵያ ካሉት 40,000 በላይ ትምህርት ቤቶች ውስጥ 90 በመቶ የሚሆኑት ከደረጃ በታች መሆናቸውንጠቆሙት ሚኒስትር ዴኤታው፣ የትምህርት ተደራሽነትና ፍትሐዊ ሥርጭት ላይ አበረታች ውጤት ቢመዘገብም፣ ጥራቱን ማስጠበቅ ላይ መሠረታዊ ችግሮች መኖራቸውን ተናግረዋል፡፡

    ከደረጃ በታች የሆኑት ትምህርት ቤቶችግንባታ ይዘት፣ በግብዓት አደረጃጀትና አጠቃላይ በትምህርት ጥራት ማስጠበቅ ረገድ ችግር እንዳለባቸው አስረድተው፣ የትምህርት ቤቶችን ደረጃ ለማሳደግ በመምህራን አቅም ግንባታና በርዕሰ መምህርነት ሙያ ፕሮጀክት ተቀርፆ ተግባራዊ እየተደረገ መሆኑን አቶ ሚሊዮን ጠቀመዋል።

    ‹‹ለፕሮጀክቱ ውጤታማነት የክልል ትምህርት ቢሮዎች፣ አጋር አካላትና የምርምር ተቋማት የተቀናጀ ጥረት ማድረግ ይጠበቅባቸዋል፤›› ያሉት ሚኒስትር ዴኤታው፣ በትምህርት ቤቶች መሠረታዊ ለውጥ ማምጣት ካልተቻለ የሚፈጠረው ትውልድ የአገርን አደራ ለመረከብ እንደሚቸገር ገልጸዋል። ርዕሰ መምህራንና መምህራንምህርት ቤቶችን ለመለወጥ ወሳኝ ሚና እንዳላቸው ጠቁመው፣ ውጤት ለማምጣት መትጋት እንዳለባቸውም አሳስበዋል፡፡

    270 ትምህርት ቤቶች ላይ ደረጃ የማሳደግና የትምህርት ጥራት ለማምጣት በሙከራ እየተሠራ መሆኑ በውይይቱ ላይ ተጠቁሟል፡፡

    - Advertisement -

    ይመዝገቡ

    spot_img
    spot_img