Sunday, April 21, 2024
- Advertisement -
- Advertisement -
ስፖርትበፓራሊምፒክ ታሪክ የመጀመርያዋ ባለወርቅ ኢትዮጵያዊቷ ትዕግሥት ገዛኸኝ

በፓራሊምፒክ ታሪክ የመጀመርያዋ ባለወርቅ ኢትዮጵያዊቷ ትዕግሥት ገዛኸኝ

ቀን:

ኢትዮጵያ በቶኪዮ ፓራሊምፒክ ጨዋታዎች በፓራአትሌቲክስ በመካከለኛ ርቀት የልዕልናዋን ማኅተም በልጇ ትዕግሥት ገዛኸኝ አማካይነት በወርቅ ያተመችበት ዕለት ቅዳሜ ነሐሴ 22 ቀን 2013 ዓ.ም.፡፡

በቶኪዮ 2020 ፓራሊምፒክ ጨዋታዎች ኢትዮጵያ ለመጀመርያ ጊዜ የነገሠችው በ1,500 ሜትር በጭላንጭል በሚያዩ አትሌቶች መካከል በተደረገ የፓራ አትሌቲክስ ውድድር ነው፡፡

የአፍሪካ ሻምፒዮኗ ትዕግሥት የራሷን ምርጥ ሰዓት 4፡23.24 በማስመዝገብ በአንደኛነት ስታሸንፍ፣ ተከትላት የገባችው አሜሪካዊቷ ሊዛ ኮሮሶ ናት፡፡ ቱኒዚያዊቷ ሶማያ ቡሰይድ በሦስተኛነት አጠናቃለች፡፡

- Advertisement -

Video from Enat Bank Youtube Channel.

በቶኪዮ ፓራሊምፒክ ድረ ገጽ እንደተዘገበው፣ በዚሁ የፓራሊምፒክ ጨዋታ የእጅ ጉዳት ባላቸው 1500 ሜትር ፍፃሜ ገመቹ አመኑ 5 በመውጣት ዲፕሎማ አግኝቷል፡፡ ገመቹ አመኑ ያስመዘገበው ጊዜ 03:56:04 የግሉ ምርጥ ሰዓት ነው። ከአንደኛ እስከ ሦስተኛ የወጡት ሩሲያዊው ኢራማቹክ አሌክሳንደር፣ ቡልጋሪያዊው ስቶያኖቭ ሪስቲያን እና ዑጋንዳዊው ኢሞንግ ዴቪድ ናቸው፡፡

በጭላንጭል የሚያዩ ወንዶች በተወዳደሩበት የ1,500 ሜትር ሩጫ ደግሞ በሪዮ ኦሊምፒክ የብር ሜዳሊያ ተሸላሚ የነበረው ታምሩ ደምሴ በሰባተኛነት በመፈጸም ዲፕሎማ አግኝቷል፡፡ ውድድሩን የሩሲያው አንቶን ኩሊያቲን፣ የቱኒዚያው ሮይ ጄባብሊና የአውስትራሊያው ጃርይድ ክሊፎርድ ተከታትለው በመግባት አሸንፈዋል፡፡ እስከ ማክሰኞ ምሽት በነበረው የደረጃ ሰንጠረዥ ኢትዮጵያ በትዕግሥት የወርቅ ሜዳሊያ 51ኛ ደረጃን ይዛለች፡፡

ኢትዮጵያ ለመጀመርያ ጊዜ በፓራሊምፒክ የተሳተፈችው በቴልአቪቭ 1968 ፓራሊምፒክ ሲሆን፣ ውጤታማ መሆን የጀመረችው ደግሞ በ2012 እና በ2016 በተካሄዱት የለንደንና የሪዮ ፓራሊምፒክ ነው፡፡ በለንደን ወንድዬ ፍቅሩ፣ በሪዮ ታምሩ ደምሴ በ1,500 ሜትር ሩጫ የብር ሜዳሊያ ማግኘታቸው ይታወሳል፡፡

የቶኪዮ ፓራሊምፒክ ነሐሴ 30 ቀን ይጠናቀቃል፡፡                                                                                          

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰው መሆን ምንድን ነው? ቅርስና ማኅበራዊ ፍትሕ

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...