Monday, June 24, 2024
- Advertisement -
- Advertisement -
ስፖርትበአፍሪካ የሴቶች ሻምፒዮና ማጣሪያ ንግድ ባንክ በድል ጀምሯል

በአፍሪካ የሴቶች ሻምፒዮና ማጣሪያ ንግድ ባንክ በድል ጀምሯል

ቀን:

በአፍሪካ የሴቶች ሻምፒዮና ማጣሪያ ጨዋታ ላይ ኢትዮጵያን የወከለው የኢትዮጵያ ንግድ ባንክ እግር ኳስ ክለብ ጨዋታውን በድል ጀምሯል፡፡ በታሪክ ለመጀመሪያ ጊዜ እ.ኤ.አ ሰኔ 2020 ላይ እንዲጀመር በአኅጉራዊው ተቋም ካፍ ሥራ አስፈጻሚዎች ወሳኔ ላይ የተደረሰበት ውድድሩ፣ በዞን ማጣሪያ ውድድሮች የሚካሄድ ሲሆን የሴካፋ ዞን ማጣሪያ በኬንያ አስተናጋጅነት እየተከናወነ ይገኛል፡፡

የኢትዮጵያ ሴቶች ፕሪሚየር ሊግን በበላይነት ማጠናቀቅ የቻለው የኢትዮጵያ ንግድ ባንክ እግር ኳስ ክለብ፣ በኬንያው ቅድመ ማጣሪያ ጨዋታ ምድብ ሁለት ላይ ይገኛል፡፡ ንግድ ባንክ በምድብ ሁለት ከደቡብ ሱዳኑ ጆይን ስታርስ፣ ከኬንያው ቪህጋ ኩይንስ እንዲሁም ከዛንዚባሩ ኒው ጄኔሬሽን ጋር ተደልድሏል፡፡

ከነሐሴ 22 እስከ ጳጉሜን 4 ቀን 2013 ዓ.ም. በኬንያ አስተናጋጅነት በሚሰናዳው በዚህ ውድድር ላይ ዘጠኝ የሴካፋ ዞን አገሮች ክለቦች ተካፋይ ናቸው፡፡

ንግድ ባንክ በመጀመሪያ ምድብ ጨዋታ የኬንያውን ቪህጋ የገጠመ ሲሆን 4ለ2 በሆነ ውጤት ረቷል፡፡ በጨዋታው የንግድ ባንኳ መዲና አወል ሦስት ጎሎችን አስቆጥራ ሀትሪክ ስትሠራ፣ ሎዛ አበራ ቀሪዋን አንድ ጎል ማስቆጠር ችላለች፡፡

በታሪክ ለመጀመሪያ ጊዜ በተሰናዳው በዚህ የአፍሪካ ሴቶች ሻምፒዮና ላይ ከየዞኑ የተወጣጡ አሸናፊዎች፣ በግብፅ በሚሰናዳው ውድድር ላይ ተካፋይ ይሆናሉ፡፡ ከ54 የአፍሪካ አገሮች ውስጥ 32 አገሮች በቅድመ ማጣሪያው በስድስት ዞን ተካፍለው ውድድሩን ያከናውናሉ፡፡ ውድድሩን በበላይነት ያጠናቀቀ ክለብ፣ የመጨረሻዎቹን ስምንት ክለቦች ተቀላቅሎ በሻምፒዮናው ተካፋይ ይሆናል፡፡

ኢትዮጵያን የወከለው የኢትዮጵያ ሴቶች ፕሪሚየር ሊግ ዋንጫን በመሰብሰብ የሚታወቀው ንግድ ባንክ፣ በተለይ በአገር ውስጥ ልምድ ያካበቱ ተጫዋቾችንና ከአገር ወጪ ልምድ ማካበት የቻለችውን ሎዛ አበራን ማቀፍ መቻሉ በሻምፒዮናው ትልቅ ግምት ተስጥቶታል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...