Wednesday, June 12, 2024
- Advertisement -
- Advertisement -

ዜናየ53 የፖለቲካ ፓርቲዎች ሴት አባላት የጋራ ምክር ቤት መሠረቱ

የ53 የፖለቲካ ፓርቲዎች ሴት አባላት የጋራ ምክር ቤት መሠረቱ

ቀን:

በኢትዮጵያ የሴቶችን የፖለቲካ ተሳትፎ ለማሳደግ በብሔራዊ ምርጫ ቦርድ ተመዝግበው የሚንቀሳቀሱ 53 የፖለቲካ ፓርቲዎች ሴት አባላት የጋራ ምክር ቤት መሠረቱ፡፡

በብሔራዊ ምርጫ ቦርድ ተመዝግበው የሚንቀሳቀሱ የፖለቲካ ፓርቲዎች የሴቶች የጋራ ምክር ቤት የመሠረቱት ዓርብ ነሐሴ 28 ቀን 2013 ዓ.ም. ሲሆን፣ የምክር ቤቱ መመሥረት ሁሉም የፖለቲካ ፓርቲዎችና ደጋፊዎቻቸው በሴቶች የፖለቲካ ተሳትፎ ላይ እንዲሠሩ እንደሚያግዝ ተጠቁሟል።

የጋራ ምክር ቤቱ መሥራችና ሥራ አስፈጻሚ አባል ነቢሐ መሐመድ እንደተናገሩት፣ በቅርቡ በተካሄደው ስድስተኛው አገር አቀፍ ምርጫ ላይ በዕጩነት ከቀረቡ 9,505 ተወዳዳሪዎች መካከል የሴቶች ቁጥር 1,987 ብቻ ነው።

- Advertisement -

ይህ አኃዝ የፖለቲካ ፓርቲዎች ሴት ዕጩ ተወዳዳሪዎችን በማቅረብ ረገድ ሰፊ ክፍተት እንዳለባቸው የሚያመላክት መሆኑን ገልጸዋል። በመሆኑም የሴቶችን የፖለቲካ መስክ ተሳትፎና አመራር ሰጪነት ለማሳደግ ሁለንተናዊ ጥረት የሚያስፈልግ በመሆኑ፣ የጋራ ምክር ቤቱ መመሥረቱ ከፍተኛ አስተዋጽኦ እንደሚኖረው አስረድተዋል፡፡

ፓርቲዎች አባላት ሲመለምሉ ሴት ዕጩዎችን በሥራ አስፈጻሚነት የኃላፊነትርከን የማምጣት ተግባራትን ማከናወን እንደሚጠበቅባቸው ጠቁመው፣ የጋራ ምክር ቤቱ ሴቶች በተለይም በፖለቲካው መስክ ተሳትፏቸው የሚያጋጥሙ ችግሮችን በጋራመታገል የሚያስችል ዕድል እንደሚከፍትላቸው ያላቸውን እምነት አውስተዋል።

በምክር ቤቱ በአባልነትም ይሁን በሌሎች መስኮች መሳተፍ የሚችሉት በአገሪቱ ሕጋዊ ምዝገባ አካሂደው የሚንቀሳቀሱ 53 የፖለቲካ ፓርቲዎች ሴት አባላት ብቻ መሆናቸውንም አስታውቀዋል።

የጋራ ምክር ቤቱ በአገሪቱ በሕጋዊነት ተመዝግበው የሚንቀሳቀሱ የፖለቲካ ፓርቲዎች ሴት አባላት በግለሰብ ደረጃ የሚሳተፉበትና በፖለቲካው መድረክ እጅግ አነስተኛ የሆነውን የሴቶች ተሳትፎን ክፍተት ለመሙላት ጉልህ አስተዋጽኦ እንደሚያበረክት፣ በምሥረታው ላይ የተገኙት የኢትዮጵያ ብሔራዊ ምርጫ ቦርድ ምክትል ሰብሳቢ አቶ ውብሸት አየለ ተናግረዋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...