Sunday, April 14, 2024
- Advertisement -
- Advertisement -
ማኅበራዊየአመጋገብ ሥርዓትን ለማሻሻል የተጀመረው አገር አቀፍ ጥናት

የአመጋገብ ሥርዓትን ለማሻሻል የተጀመረው አገር አቀፍ ጥናት

ቀን:

ኢትዮጵያ ባለፉት አሠርት ዕድሜያቸው ከአምስት ዓመት በታች በሆኑ ሕፃናት ላይ የሚታየውን የመቀንጨር ችግር ለመቀነስ፣ በአጠቃላይ የምግብ ሥርዓቱ ጤናማ እንዲሆን በማድረግ ላይ መሻሻሎችን እያሳየች መሆኑ ይገለጻል፡፡  

ይሁን እንጂ አሁንም ያሉት የአመጋገብ ዘይቤና ክፍተቶች ለበሽታና ለሞት መንስዔ እየሆኑ መምጣታቸውም ይጠቀሳል፡፡ ይህ ዓይነቱንም ችግር ለመቅረፍ የሚያስችል ጥናት የተካተተበት ፕሮጀክት ተቀርፆ ወደ ሥራ መገባቱ ከሰሞኑ ተገልጿል፡፡

የኢትዮጵያ የኅብረተሰብ ጤና ኢንስቲትዩት የምግብ ሳይንስና ሥነ ምግብ ምርምር ዳይሬክቶሬት ከኢትዮጵያ ፖሊሲ ጥናትና ምርምር ኢንስቲትዩት ጋር በመተባበር ያዘጋጁት ይህ ፕሮጀክት ወደ ሥራ መግባቱን ነሐሴ 25 ቀን 2013 ዓ.ም. በስካይ ላይት ሆቴል በተከናወነው ዓውደ ጥናት ላይ ይፋ ሆኗል፡፡

- Advertisement -

Video from Enat Bank Youtube Channel.

በኢትዮጵያ ደረጃ የሚካሄደው የሥርዓተ ምግብ ጥናት የሚያተኩረው ዝቅተኛ ገቢ ባላቸውና ለአደጋ ተጋላጭ በሆኑ ሰዎች፣ በተለይም በሴቶችና ሕፃናት ላይ ሲሆን፣ በአመጋገብ ዘይቤ ላይ ያሉትን ክፍተቶች ይገመግማል፡፡ አዲስ ለወጣው ፖሊሲ ጭምር ግብዓት እንደሚሆን ተጠቅሷል፡፡

ለጥናቱ የቴክኒክ ድጋፍ በካናዳ ሚጊል ዩኒቨርሲቲና በኔዘርላንድ ዋይንግ ዩኒቨርሲቲ እንደሚደረግ፣ ጥናቱ በሚካሄድበት ወቅትም የሚያስፈልገውን ገንዘብ የካናዳ የልማት ድርጅት አንድ ሚሊዮን የካናዳ ዶላር ድጋፍ እንደሚያደርግ ማወቅ ተችሏል፡፡

ጥናቱ ከአመራረት እስከ መመገብ የሚደርሰውን የምግብ ዝግጅት ሒደታዊ ሰንሰለት እንደሚዳስስ፣ የኅብረተሰብ ጤና ኢንስቲትዩት የምግብ ሳይንስና ሥነ ምግብ ምርምር ዳይሬክተር መርሻ ተሰማ (ዶ/ር) ተናግረዋል፡፡  

በጥናቱም ማብቂያ ላይ አጥኚው ቡድን ለችግር ለተጋለጡና መካከለኛ ገቢ ላላቸው ሰዎች ጤናማና ገንቢ የሆኑ ምግቦችን ማቅረብ የሚያስችል የፖሊሲ ሐሳብ ይቀርባል ተብሎ ይጠበቃል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...