Friday, September 30, 2022
ሌሎች ዓምዶች
    - ማስታወቂያ -
    - ማስታወቂያ -

    በ600 ሚሊዮን ብር ወጪ ለሐዋሳ ኢንዱስትሪ ፓርክ ሠራተኞች መኖሪያ ቤት ሊገነባ ነው

    - ማስታወቂያ -

    ተዛማጅ ፅሁፎች

    በሐዋሳ ኢንዱስትሪ ፓርክ ውስጥ በሚገኙ ኩባንያዎች ሥር ተቀጥረው ለሚያገለግሉ ሠራተኞች በ600 ሚሊዮን ብር ወጪ የመኖሪያ አፓርትመንቶች ግንባታ በይፋ ተጀመረ፡፡

    የመኖሪያ አፓርትመንቶቹን ለመገንባት የተመረጠው ኩባንያ ‹‹ኮርነር ስቶን ዴቨፕሎፕመንት ግሩፕ›› የተባለ መቀመጫውን በአሜሪካ ያደረገ ትልቅ የሪል ስቴት ተቋም ነው፡፡

    በሐዋሳ ኢንዱስትሪ ፓርክ የሚገነባውን የመኖሪያ ቤቶች ፕሮጀክት ለማስጀመርም ባለፈው ማክሰኞ መስከረም 4 ቀን 2013 ዓ.ም. የመሠረት ድንጋይ የማስቀመጥ ሥነ ሥርዓት መከናወኑን ከኩባንያው ያገኘነው መረጃ ያመለክታል፡፡

    በሐዋሳ ኢንዱስትሪ ፓርክ ከሚገነቡት የመኖሪያ አፓርትመንቶች 13 ሕንፃዎችን የሚይዝ ሲሆን፣ ለ6,500 የኢንዱስትሪ ፓርኩ ሠራተኞች መኖሪያነት እንደሚውልም ከኩባንያው ያገኘነው መረጃ ያመለክታል፡፡

    ኩባንያው አፓርትመንቶቹን ለመገንባት የሚያስፈልገውን 600 ሚሊዮን ብር ከጀርመን የልማት ባንክ ይዞ መምጣቱንም ለማወቅ ተችሏል፡፡

    የመኖሪያ አፓርትመንቶቹ ግንባታ ከሚያካትታቸው የመዝናኛ አገልግቶችና አረንጓዴ ሥፍራዎች በተጨማሪ በኢንዱስትሪ ፓርኩ የሚሠሩ ሴት ሠራተኞችን ማዕከል ያደረጉ ተጨማሪ አገልግሎቶች እንደሚኖሩትም ታውቋል፡፡

    በዚህም መሠረት ትምህርት ለኢትዮጵያ ከተሰኘ ፕሮጀክት ጋር በማስተሳስር በየመኖሪያ ክፍሎቹ በሚገጠሙ ቴሌቪዥኖች አማይነት የሥነ ተዋልዶ፣ የውጭ ቋንቋና የሒሳብ አያያዝ ትምህርቶች ለነዋሪ ሠራተኞቹ በቪዲዮ እንደሚቀርብም ታውቋል፡፡

    በኢትዮጵያ በተለያዩ አካባቢዎች በተገነቡ ኢንዱስትሪ ፓርኮች ለ83,738 ሠራተኞች የሥራ ዕድል የፈጠሩ መሆኑን የኢንዱስትሪ ፓርኮች ኮርፖሬሽን መረጃ ያመለክታል፡፡

    በተጠናቀቀው 2013 ዓ.ም. ከሁለቱም ኢንዱስትሪ ፓርኮች 247.9 ሚሊዮን ዶላር ገቢ መገኘቱንም ኮርፖሬሽኑ ከጥቂት ሳምንታት በፊት አስታውቋል፡፡

    በተጠናቀቀው ዓመት ከኢንዱስትሪ ፓርኮቹ ይገኛል ተብሎ በዕቅድ ተይዞ የነበረው 400 ሚሊዮን ዶላር ቢሆንም፣ በተለያዩ የኢትዮጵያ ክፍሎች በተፈጠሩ አለመረጋጋቶች ዕቅዱን ማሳካት እንዳልተቻለ መረጃው ያመለክታል፡፡

    በ2014 የበጀት ዓመትም ከሁሉም ኢንዱስትሪ ፓርች በጥቅሉ ከ500 ሚሊዮን ዶላር በላይ ገቢ ለማመንጨት መታቀዱንም የኮርፖሬሽኑ መረጃ ያመለክታል፡፡ 

    - Advertisement -spot_img

    የ ጋዜጠኛው ሌሎች ፅሁፎች