Friday, May 24, 2024
- Advertisement -
- Advertisement -

ማኅበራዊወጣቶች ጤናቸውን የሚከታተሉበት የዲጂታል ቴክኖሎጂ መተግበሪያ ይፋ ተደረገ

ወጣቶች ጤናቸውን የሚከታተሉበት የዲጂታል ቴክኖሎጂ መተግበሪያ ይፋ ተደረገ

ቀን:

ወጣቶችና አፍላ ወጣቶች ጤናቸውን በአግባቡ እንዲከታተሉ የሚችሉበት የዲጂታል ቴክኖሎጂ መተግበሪያ ይፋ ማድረጉን የጤና ሚኒስቴር አስታወቀ፡፡

ሚኒስቴሩ ይህንን ያስታወቀው ሰኞ መስከረም 10 ቀን 2014 ዓ.ም. በስካይ ላይት ሆቴል ‹‹ፈጠራ ለተሻለ የወጣቶችና አፍላ ወጣቶች ጤና አገልግሎት ተደራሽነት›› በሚል መሪ ቃል ከመስከረም 9 እስከ 14 ቀን 2014 ዓ.ም. ለአንድ ሳምንት ያህል የሚከናወነው መርሐ ግብር መጀመሩን ይፋ ባደረገበት ወቅት ነው፡፡

ወጣቶችን ከተለያዩ የጤና እክሎች ለመከላከል የዲጂታል ቴክኖሎጂን መተግበሪያ መጠቀም እንደሚያስፈልግ፣ ይህንንም ለመተግበር ሚኒስቴሩ ትኩረት ሰጥቶ እየሠራ መሆኑን፣ በጤና ሚኒስቴር የወጣቶችና የአፍላ ወጣቶች ጤና ቡድን አስተባባሪ አቶ ኢዮብ ጌታቸው አስረድተዋል፡፡

- Advertisement -

አብዛኛዎቹ ወጣቶች በተለያዩ የጤና ተቋማት ውስጥ የሚሰጡትን አገልግሎት በበቂ ሁኔታ እንደማያውቁ የገለጹት አስተባባሪው፣ ‹‹ይህንን ችግር ቀርፎ ወጣቶችን በዲጂታል ቴክኖሎጂ ለማሳተፍ እንዲሁም ዘርፉን ወደ ተሻለ ደረጃ ለማሳደግ መሥራት ገባል፤›› ብለዋል፡፡

የጤና ሚኒስቴር የጤና አገልግሎቱ አሰጣጥ ለወጣቶች የተመቻቸ እንዲሆን፣ እንዲሁም መረጃ በቀላሉ እንዲያውቁ ለማድረግ ‹‹የኔታ›› የተባለ መተግበሪያ ማዘጋጀቱን አቶ ኢዮብ አብራርተዋል፡፡

መተግበሪያው ወጣቶች ችግር ውስጥ ከመግባታቸው በፊትም ሆነ ከገቡ በኋላ ወደ ጤና ተቋማት ሄደው የሚመለከተውን የጤና ባለሙያ በማግኘት የምክርና የጤና አገልግሎት እንዲያገኙ ምቹ ሁኔታን የሚፈጥር መሆኑን ገልጸዋል፡፡

ከተለያዩ ተቋማት የተውጣጡ የፈጠራ ባለሙያዎች ጋር በመነጋገርና ሥራዎቻቸውን በመፈተሽ በኩል መንግሥት ትልቅ አስተዋጽኦ እየተወጣ እንደሚገኝም አክለዋል፡፡

ሚኒስቴሩ የ2014 ዓ.ም. የታቀዱ ዕቅዶችን መሬት አውርዶ ለመሥራት ቅድመ ዝግጅቱን ማጠናቀቁንም አስታውሰዋል፡፡

የትምህርት ሚኒስትር ዴኤታ ሁሪያ ዓሊ እንደገለጹት፣ በኢትዮጵያ የምርምር ታሪክ የዕድሜውን ያህል ውጤት ያላስመዘገበ በመሆኑ አገራዊ የምርምር ስትራቴጂ በአዲስ ዕይታ በመቃኘትና የምርምር መስኮችንም በትምህርት ውስጥ በማካተት ከተለያዩ ተቋማት ጋር በቅንጅት መሥራት ይገባል፡፡

አፍላ ወጣቶችና ወጣቶች በተፈጥሮ የማወቅ ጉጉት ያላቸው መሆናቸውን፣ ይሁን እንጂ ወደ ፈጠራው ዓለም ገብተው ራሳቸውን እንዲለውጡ የሚያበረታታቸው ሰው አለመኖሩ ትልቅ ችግር እንደፈጠረባቸው ሚኒስትር ዴኤታዋ ገልጸዋል፡፡

ወጣቶች የፈጠራ ንድፍ አውጪዎች ከመሆናቸው አንፃር፣ በችግር ወቅት ለማሰብና አዲስ ተጠቃሚ ወይም ምናባዊ መፍትሔዎችን በመፍጠር ትልቁን ድርሻ ስለሚወጡ የወጣቶች የጤና ሳምንት አንድ ማሳያ በመሆኑ ሁሉም ባለድርሻ አካላት ወጣቶችን በመደገፍ የበኩሉን እንዲወጣ ጥሪ አቅርበዋል፡፡

በኢትዮጵያ የጤና ሁኔታ መከታተያ፣ የታካሚዎች ምዝገባ፣ የመድኃኒት ማዘዣና መከታተያ፣ የሰው ኃይልና የፋይናንስ አስተዳደር፣ የጤና ዳታ መሰብሰብቢያና መተንተኛን በካርታ በማስቀመጥ ዘርፉን ማሳደግ እንደሚገባ በወቅቱ ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...