Tuesday, April 16, 2024
- Advertisement -
- Advertisement -
ዜናጋዜጠኛ ተስፋለም ወልደየስ ከእስር ተፈታ

ጋዜጠኛ ተስፋለም ወልደየስ ከእስር ተፈታ

ቀን:

የኢትዮጵያ ኢንሳይደር ድረገጽ መሥራችና ዋና አዘጋጅ ጋዜጠኛ ተስፋለም ወልደየስ ከሦስት ቀናት እስር በኋላ መስከረም 25 ቀን 2014 ዓ.ም. ተፈታ፡፡

ጋዜጠኛ ተስፋለም መስከረም 22 ቀን 2014 ዓ.ም. ከመስቀል አደባባይ ወደ ባምቢስ በሚወስደው መንገድ በስተግራ ከቅዱስ እስጢፋኖስ ቤተ ክርስቲያን በስተጀርባና ከአፍሪካ ኢኮኖሚክ ኮሚሽን መሥሪያ ቤት ፊት ለፊት በሚከበረው የኢሬቻ በዓል ላይ ተገኝቶ በድረገጹ ካስተላለፈው ተንቀሳቃሽ የምስል ዘገባ ጋር በተያያዘ በፀጥታ ሰዎች ተይዞ ለጊዜው የተወሰደበት ቦታ እንዳልታወቀ በተለያዩ ድረገጾች ላይ መዘገቡ ይታወሳል፡፡

መስከረም 24 ቀን 2014 ዓ.ም. በፀጥታ ኃይሎች ተይዞ መታሰሩ የታወቀ ቢሆንም፣ በዕለቱ በነበረው የመንግሥት ምሥረታ ሥነ ሥርዓት ምክንያት ፍርድ ቤት አለመቅረቡንም ለማወቅ ተችሏል፡፡

- Advertisement -

Video from Enat Bank Youtube Channel.

ጋዜጠኛ ተስፋለም የታሰረበት ምክንያት በድረገጾች ተገምቶ ከተገለጸው ባለፈ በምን ምክንያት እንደታሰረ፣ ምን ዓይነት ምርመራ እንደተካሄደበትና በምን ሁኔታ ከእስር እንደተፈታ ለማወቅ ሪፖርተር ጋዜጠኛውን አግኝቶ ማብራሪያ ለመጠየቅ በግል ስልኩም ሆነ በአድራሻው ለማግኘት ያደረገው ጥረት አልተሳካም፡፡ በተመሳሳይ ሁኔታ ከፌዴራል ፖሊስም ማብራሪያ ለማግኘት የተደረገው ጥረት አልተሳካም፡፡

በ2012 ዓ.ም. በሕዝብ ተወካዮች ምክር ቤት ፀድቆ በሥራ ላይ የዋለው የመገናኛ ብዙኃን አዋጅ ቁጥር 1238/2013 ጋዜጠኛ በሠራው ሥራ ሊጠየቅ ቢችልም፣ ከሳሽ አካል ማስረጃዎችን አጠናቅሮ ክስ ከሚመሠርት በስተቀር ተጠርጣሪው ጋዜጠኛ ታስሮ ምርመራ እንደማይካሄድበት ደንግጓል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...