Monday, September 26, 2022
ሌሎች ዓምዶች
    - Advertisement -
    - Advertisement -
    ዜናከኢትዮጵያ ለቀው እንዲወጡ የተወሰነባቸው ሰባት የተመድ የሥራ ኃላፊዎች ከአገር መውጣታቸው ተገለጸ

    ከኢትዮጵያ ለቀው እንዲወጡ የተወሰነባቸው ሰባት የተመድ የሥራ ኃላፊዎች ከአገር መውጣታቸው ተገለጸ

    ቀን:

     

    የኢትዮጵያ መንግሥት 72 ሰዓታት ውስጥ ከኢትዮጵያ ግዛት ለቀው እንዲወጡ የወሰነባቸው ሰባት የተባበሩት መንግሥታት ድርጅት (ተመድ) ከፍተኛ የሥራ ኃላፊዎች፣ ከኢትዮጵያ ለቀው መውጣታቸውን የመንግሥታቱ ድርጅት አስታወቀ።

    የተመድ ቃል አቀባይ የሆኑት ፋርሃን ሃቅ ሰኞ መስከረም 24 ቀን 2014 ዓ.ም. ለጋዜጠኞች በሰጡት መግለጫ፣ ከኢትዮጵያ ለቀው እንዲወጡ በኢትዮጵያ መንግሥት የታዘዙት በአዲስ አበባ የሚገኙ የተመድ የሰብዓዊርዳታና የሰብዓዊ መብት ኤጀንሲዎች ከፍተኛ የሥራ ኃላፊዎች፣ ለደኅንነታቸው ሲባል ከኢትዮጵያ ለቀው እንዲወጡ መደረጉን ተናገረዋል።

    የኢትዮጵያ መንግሥት በሰባቱ የተመድ የሥራ ኃላፊዎች ላይ ‹‹ፐርሶና ነን ግራንታ›› በሚባል የሚታወቀውን የቬና ኮንቬንሽን አንቀጽ በመጠቀም ከአገር እንዲወጡ ያዘዘ ቢሆንም፣ የኢትዮጵያ መንግሥት የተመድ የሥራ ኃላፊዎችን ከአገር ለማባረር የተጠቀመው የቪዬና ኮንቬንሽን ድንጋጌ በመንግሥታት መካከል የሚኖርን ዲፕሎማሲያዊ ግንኙነት የሚገዛ እንጂ፣ በተመድ ላይ ተፈጻሚነት እንደማይኖረው አስታውቀዋል።

    ይህ የቆየ የተመድ አቋም መሆኑን የተናገሩት ቃል አቀባዩ፣ ለሰባቱ የተመድ የሥራ ኃላፊዎች ደኅንነት ሲባል ግን ከኢትዮጵያ እንዲወጡ መደረጉን ገልጸዋል።

    የሠራተኞቹን ደኅንነት የሚያሠጋ ክስተት ተፈጥሮ እንደሆነ እንዲያብራሩ የተጠየቁት ቃል አቀባዩ፣ የአገሪቱ መንግሥት ከአገር እንዲወጡ የወሰነባቸውን ሠራተኞች ደኅንነት የማረጋገጥ ኃላፊነት ቢኖርበትም፣ ለሰባቱ ሠራተኞች ደኅንነት ማረጋገጫ ባለመኖሩ ቅድሚያ ለሠራተኞቹ ደኅንነት ሲባል እንዲወጡ መደረጉን ገልጸዋል።

    የደኅንነት ችግር ከተፈጠረ በኢትዮጵያ የሚገኙ ሌሎች የተመድ ሠራተኞች የደኅንነት ጉዳይ በምን ሁኔታ ላይ እንደሚገኝ ተጨማሪ ማብራሪያ የተጠየቁት ቃል አቀባዩ፣ የተቀሩትራተኞች የደኅንነትጋት እንደሌለባቸውና በተመደቡበት ኃላፊነት እንደሚቀጥሉ ተናግረዋል።

    ከአገር እንዲወጡ የተባሉት ሠራተኞች እንዲወጡ የተደረገው ወዴት እንደሆነና በአሁኑ ወቅት የት እንደሚገኙ የተጠየቁት ቃል አቀባዩ፣ ቀደም ብለው ከሰጡት የሚጣረስ ምላሽ ሰጥተዋል።

    ለደኅንነታቸው ሲባል ከአገር እንዲወጡ ተደርገዋል ያሏቸውራተኞች መካከል አንዳንዶቹ ከአገር እንዲወጡ ከመወሰኑ አስቀድሞም ከኢትዮጵያ ውጭ እንደነበሩ ገልጸዋል።

    ዲፕሎማቶችን ከአገር የማባረር መብትን ለመንግሥታት የሚሰጠው የቪዬና ኮንቬንሽን ድንጋጌ፣ ተመድን እንደማይመለከት ተቋሙ ቢገልጽምየተመድ የይግባኝ ችሎት ውሳኔ የሰጠባቸው መዝገቦች ግን ተቋሙ ይህንን የቪዬና ኮንቬንሽን ድንጋጌ እንደሚቀበል ያሳያሉ። 

    ከኢትዮጵያ ግዛት ለቀው እንዲወጡ ትዕዛዝ ከወጣባቸው የተመድ የሥራ ኃላፊዎች መካከል አንዷ በኢትዮጵያ የዩኒሴፍ ተወካይ የሆኑት ሚስ አደል ኮድር ሲሆኑበኢትዮጵያ የተመድ የሰብዓዊ ጉዳዮች ማስተባበሪያ ጽሕፈት ቤት ተጠባባቂ ምክትል አስተባባሪ የሆኑት ሚስ ጋዳ አል ጣሂር ሙዳዊ፣ በኢትዮጵያ የተባበሩት መንግሥታት የሰብዓዊ አገልግሎት አስተባባሪና ቋሚ ተጠሪ ጽሕፈት ቤት የሰላምና ልማት አስተባባሪ የሆኑት ሚስተር ኪዌሲ ሳንስክሎቴም ትዕዛዝ ወጥቶባቸዋል። 

    ከተገለጹት በተጨማሪምየተባበሩት መንግሥታት የሰብዓዊ ጉዳዮች ማስተባበሪያ ጽሕፈት ቤት ምክትል ዋና ኃላፊ ሚስተር ሳኢድ ሞሐሙድ ሔርሲ፣ በኢትዮጵያ የሰብዓዊ አገልግሎት ጉዳዮች ጽሕፈት ቤት የሰብዓዊ ድጋፍ ምክትል አስተባባሪ የሆኑት ሚስተር ግራንት ሊቴ፣ የዚሁ ተቋም ከፍተኛ ኮሚሽነር ቢሮ ባልደረባ የሆኑት ሶኒ ኦኒግ ቡላ እና የተመድ የሰብዓዊ ጉዳዮች ማስተባበሪያሕፈት ቤት ኃላፊ ሚስ ማርሲ ቪጎዳ ትዕዛዝ የወጣባቸው ናቸው።

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...