Tuesday, October 4, 2022
ሌሎች ዓምዶች
    - Advertisement -
    - Advertisement -
    ኪንና ባህልየ‹‹ኑ ጭቃ እናቡካ›› ፌስቲቫል በመስቀል አደባባይ

    የ‹‹ኑ ጭቃ እናቡካ›› ፌስቲቫል በመስቀል አደባባይ

    ቀን:

    በልጅነት የዕቃቃ ጨዋታ አድማቂ ከሆኑት አንዱ ጭቃ ማቡካት ነው፡፡ በትንንሽ ጣቶች በቀዬው የተገኘውን አፈር በውኃ ለውሰው የሚሠሩት መጫወቻ አንዱ ምሳሌ ነው፡፡

    ሰው የተሠራበት አፈር ሰዎች በውኃ ለውሰው ቤታቸውንና የቤት ውስጥ መገልገያዎችን እየሠሩ ሲገለገሉበት ዘመናትን ተሻግረዋል፡፡ አሁንም እየተገለገሉበት ይገኛል፡፡ በሌላ በኩል ልጆች የራሳቸውን መጫወቻ በጭቃ እያበጁ ማደጋቸው እንደ አንድ ትውፊት ሆኖ ይታያል፡፡

    ጭቃ ማቡካትን በርካታ ኢትዮጵያውያን የኖሩበትና ከትውልድ ወደ ትውልድ እየተላለፈ የመጣ ነው፡፡

    ለቤት መሥሪያ፣ ለእንጀራ መጋገሪያ፣ ለወጥ መሥሪያ፣ ለቡና ማፍያ የሚሆኑ የሚያያዙት ከተለያዩ የአፈር ዓይነቶች ጋር ነው፡፡ እነ ምጣድ፣ ድስትና ጀበና ይጠቀሳሉ፡፡ የጭቃ ማቡካት አሁንም እየተተገበረ ይገኛል፡፡

    ጭቃ ማቡካትና ልጅነት

    ‹‹ጭቃ ማቡካትና ልጅነት የተሳሰሩ ናቸው፡፡ አንድ ሕፃን መዳህ ከጀመረበት ጊዜ አንስቶ ጭቃ ሲያገኝ ያቦካል፣ በርሱም ይጫወታል፡፡ የራሱን እሳቤ በልዩ ልዩ ቅርፃ ቅርፅ እየፈጠረ ይመራመራል፡፡ መልሶ ያፈርሰዋል ደግሞም ያቦካዋልልጅነት እንዲህ እንዲህ እያለ ነው ያለፈው፤›› ይላል አንድ ስለ ጭቃና ልጅነት ትስስር የሚያወጋ መጣጥፍ፡፡

    በቀደመው ጊዜ የነበረው ይህ የጭቃ ትውፊት፣ ከቅርብ ዘመናት ወዲህ በተለይ ከዋና ዋና ከተሞች እየራቀ የሄደበትን ገጽታ ዳግም ነፍስ ለመዝራት ከሰባት ዓመት በፊት የተቋቋመው ሪዝቫን አዲስ ትሬዲንግ ኃላ/የተ/የግ/ማ በትጋት እየሠራ መሆኑ ይናገራል፡፡

    ሕፃናትን ማዕከል ያደረገ ልጆች ባህላቸውንና ትውፊታቸውን አውቀው እንዲያድጉና ተተኪ እንዲሆኑ ለማድረግ የወጠኑት ሠዓሊዋ ወ/ሮ ሐመረ ሙሉጌታ ናቸው፡፡ እሳቸው ለሪፖርተር እንደገለጹት፣ ጭቃ እያቦኩ መጫወትን በልጆቻቸው ነው የጀመሩት፡፡ ከዚያምአካባቢያቸው ባሉ ልጆች፣ በመቀጠልም በየትምህርት ቤቶችና በመገናኛ ቦታዎች በተለያዩ ዝግጅቶች ላለፉት ሰባት ዓመታት ሕፃናትንና ታዳጊዎችን በዕረፍት ቀናቸው በዓይነትና በይዘት የተለያዩ ትምህርቶችንና ክህሎቶችን ሲያስተምሩ ቆይተዋል፡፡

    የ‹‹ኑ ጭቃ እናቡካ››

    የዘንድሮው የመስቀል አደባባይ መሰናዶ

    ዘንድሮ ለአራተኛ ጊዜ ‹‹ኑ ጭቃ እናቡካ›› ፌስቲቫልን ጥቅምት 6 ቀን 2014 ዓ.ም. በመስቀል አደባባይ ለማካሄድ መዘጋጀቱን ተቋሙ አስታውቋል፡፡

    እንደመሥራቿ ወ/ሮ ሐመረ ሙሉጌታ ገለጻ፣ በመስቀል አደባባይ ከጠዋቱ 3፡00 ሰዓት ጀምሮ እስከ 11፡00 ሰዓት ድረስ በሚዘልቀው ልዩ የሕፃናት ፌስቲቫል አንድነት የሚታይበት፣ ሕፃናት የሚተጋገዙበት፣ የሚረዳዱበት፣ እንዲሁም የሚማሩበት ይሆናል፡፡

    ‹‹ይህ ፕሮግራም በዓይነቱ የተለየና ዓመታዊ ፌስቲቫል ልጆች፣ ታዳጊዎች፣ ወጣቶችና አዋቂዎች የሚሳተፉባቸው የልጅነት ጨዋታዎችንና ተፈጥሯዊ መዝናኛዎችን፣ ጭቃ እያቦኩ የሚጫወቱበት የተለያዩ የጥበብ ሥራዎች ለታዳሚዎች የሚቀርቡበትና ሌሎች አዝናኝ ዝጅግቶችን ያቀፈ ድንቅ ቀን ይሆናል፤›› የሚሉት ወ/ሮ ሐመረ ናቸው፡፡

    በዚህ ዝግጅት ተሳታፊዎች የሚሠሩትን ረዥሙን ቅርፅ በዓለም ድንቃ ድንቅ መዝገብ ላይ እንዲሰፍር ጥረት እንደሚደርግ የገለጹት ወ/ሮ ሐመረ፣ ፌስቲቫሉ በየዓመቱ የሚደረግና በአፍሪካ ትልቁ የጭቃ ፌስቲቫል ለማድረግም ታልሟል ብለዋል፡፡

    ባለፉት ሰባት ዓመታት በአዲስ አበባ በሚገኙ የተለያዩ አካባቢዎች ትምህርት ቤቶች፣ ፌስቲቫሎችና ዝግጅቶች ላይ የራሱን የተለየ አቀራረብ በመቅረፅ ሕፃናትና ታዳጊዎችን በጨዋታ እንዲማሩና ባህላቸውን እንዲያውቁ እያደረገ ይገኛል፡፡

    ባለፉት ዓመታት ከተደረጉት የጭቃ ፌስቲቫሎች መካከል በአዲስ አበባ 17/19 ፓርክና በአንድነት ፓርክ የተደረጉት ተጠቃሾች ናቸው፡፡ በቤተሰብ ማዕከልነትም የሚያገለግለው ‹‹ኑ ጭቃ እናቡካ›› የልጅነት ማዕከል በየካ ክፍለ ከተማ ወረዳ 8 ሃያ ሁለት ማዞሪያ አካባቢ አገልግሎት እየሰጠ መሆኑን ኃላፊዋ ተናግረዋል፡፡

    የኑ ጭቃ እናቡካ! መርሐ ግብር በተለያዩ ክልሎች በመዘዋወር ልጆች በራሳቸው ማንነት አካባቢያቸውን በመቃኘት በተፈጥሮ እንዲጫወቱ ማድረግና ሐሳቡን በሕፃናቱ ልቦና ውስጥ የማስረፅ ሥራ እንደሚሠራም ተቋሙ አስታውቋል፡፡ 

    - Advertisement -

    ይመዝገቡ

    spot_img
    spot_img