Wednesday, September 27, 2023
- Advertisement -
- Advertisement -
የሳምንቱ ገጠመኝየ ሳ ም ን ቱ ገ ጠ መ ኝ

የ ሳ ም ን ቱ ገ ጠ መ ኝ

ቀን:

የፌስቡክ መንደር ውስጥ የአገር ጉዳይ ወጎችን ስቃርም፣ የኢትዮጵያና የምዕራባውያንን ሰሞነኛ ውጥረት አስመልክቶ ለተጻፈ አንድ መልዕክት የተሰጠ አንድ ምላሽ ቀልቤን ቢስበው እንዲህ አቀረብኩት፡፡ ይህ ስሙ በአህፅሮተ ቃል የተጻፈ ሰው የሰጠውን በሳል አስተያየት በትምህርተ ጥቅስ ውስጥ አድርጌ ስላቀረብኩት እስኪ ተከታተሉት፡፡ ‹‹ወንድሜ ዓለም እየተመራች ያለችው አንተ እያሰብክ ባለው መንገድ እንዳይመስልህ። ምዕራባውያን ዓለምን እየዘወሯት ያለው አንተ በማታውቀው ሥውር መንገድ ነው። ይህም ሥውር ቅኝ አገዛዝ (ዘመናዊ በሚባለው) ሥርዓት ነው። ይህን የሚያስፈጽሙ ተቋማትም በሥነ ሥርዓት ተዋቅረው ሥራቸውን እየሠሩ ይገኛሉ። አንዳንዶቹ ተቋማት ፍፁም ላንተ የቆሙ መስለው የተደራጁ ናቸው። በተቋማቱ ውስጥ ተቀጥረህ ብትሠራም ምናልባት ልትጠረጥር ትችላለህ እንጂ አይገባህም። ጎበዝ መረጃ አነፍናፊ ከሆንክ እውነቱ ይገለጥልሀል። ይህን ስለሚያውቁ እነሱ አስቀድመው በሥልጠናና በተለያዩ መንገዶች አዕምሮህን በቁጥጥር ሥር ያውሉታል። ከዚያ የእነሱ ተባባሪ እንድትሆን ትደረጋለህ። ምክንያቱም የሚነግሩህ ሳይንስ ነው፣ ሎጂክ ነው። በቃ ምሁር አይደለህ በሎጂክ ትቀፈደዳለህ።

 

በዚያ ላይ ዶላሩ ደግሞ አለ። እናም በእኛና በእነሱ መሀል ያለውን ልዩነት በደንብ እንድታየውም ያደርጉህና እናስ ሲሉህ የሁኔታዎችን ውስብስብነት ትረዳና ወደፊት እንጂ ወደኋላ አትልም። ተባባሪ ሆንክ ማለት ይህ ነው። ያኔ አለማወቅን የመሰለ ነገር የለም ትል ይሆናል። ወጥመድ ውስጥ ገብተሀል።ለም በእነሱ ቁጥጥር ሥር እንዳለች ይገባህና ይዞርብሀል። እንግዲህ ያለኸው በቅኝ ግዛት ሥር ነህ እያልኩ ነው።

ከእነሱ መንገድ ውጭ የምትንቀሳቀስ ከሆነ ነገር ታበላሻለህና ደቁሰው መስመራቸው ውስጥ ይከቱሀል። ሲደቁሱህ ታዲይ ሕጋዊነትን ተላብሰው ስለሆነ ማንም አይጠይቃቸውም። አንተ ግን ልትጮህ ትችላለህ፣ የሚሰማህ ግን አይኖርም። ሲደቁሱህ ሕጋዊነቱን የሚያገኙት ወይም ይሁንታውን የሚሰጣቸውራሱ የተባበሩት መንግሥታት ድርጅት የፀጥታው ምክር ቤት ኮሚቴዎች ተብለው የተዋቀሩ አካላት ናቸው። ሚዲያው ደግሞ ሲኤንኤን፣ አልጄዚራ፣ ቢቢሲ፣ ወዘተ. ዓለም እንዳይንጫጫ በቂ ትንተና ያቀርቡና ድቆሳው ትክክል እንደሆነ አድርገው ያቀርባሉ/ሕዝቡን ያሳምናሉ።

ኢራቅ ለዚህ ጥሩ ምሳሌ ናት። ከፈለጋችሁ አንድ የአገራችንን በዚህ ጉዳይ ላይ የሠራ ጋዜጠኛ ጠይቁት። በወቅቱ ጦርነቱን ከዘገቡት ውስጥ አንዱ እሱ ነበር። ቀልድ እንዳይመስላችሁ፣ እውነቴን ነው። ዓለምነህ በወቅቱ መረጃውን ከየት እንደሚያገኘው አትጠይቁኝ። ከሞሳድ ሊሆን ይችላል። በነገራችን ላይ የተባበሩት መንግሥታት ድርጅትን ጨምሮ በሥሩ የሚገኙት የሰብዓዊ መብት፣ የዓለም የምግብ ፕሮግራም፣ የጤና ድርጅት፣ የዓለም ባንክ፣ አይኤምኤፍ ሌሎችም ተቋማት የዘመናዊው ቅኝ ግዛት ማስፈጸሚያ መሣሪያ ናቸው። ይህ የማይዋጥለት ካለ ሰው አያስቸግር በቃ ዝም ብሎ እውነቱን ቢረዳ ይሻለዋል።

ባለፉት ዘመናት ሩሲያ ብቻዋን ምዕራባውያንን ስትታገል ቆይታለች። በእውነት እንደ ሩሲያ ጠንካራ/ቻይ አገር የለም። አሁን ግን እነ ቻይናቱርክ፣ ህንድ፣ ብራዚልና መሰል አገሮች ተገዳዳሪ ሆነው መጥተዋል። እነዚህ አገሮች ብዙ ስለተደቆሱ ጠባሳቸውን እያዩ መሰለኝ፣ አሁን ያላቸው ምልከታ ከሩሲያ ጋር አንድ እየሆነ መጥቷል። በመሆኑም ራሱን የተባበሩት መንግሥታት ድርጅትና በሥሩ ያሉ ተቋማት አሁን ጥያቄ ውስጥ እየገቡ ይገኛሉ። ተፅዕኗቸውንም ለመቆጣጠር በአሁኑ ወቅት የዓለም አገሮች (ምዕራባውያንን ሳይጨምር) በአንድ ላይ እየቆሙ ናቸው። እንዲያውም ዘመኑን የሚመጥን አዲስ ዓይነት ሕግ ይውጣልን ካልሆነ ግንእያሉ ይመስላል።

እናም ወደፊት ማለትም በቅርብ ዓመታት፣ ምናልባት የዓለም ምስኪንገሮች የሚደርስባቸው ተፅዕኖ ሊቀንስላቸው ይችላል። ይህን ስል ምዕራባውያን ዝም ብለው ይቀመጣሉ ማለት አይደለም። አዲስ መንገድ ይመጣል፣ ግን ምዕራባውያን ጥቅማቸውን ለማስጠበቅ የሚቋጥሩት ነገር ይኖራል ማለት ነው። አሁን ኢትዮጵያ የያዘችውን መንገድ በጥበብ ይዛ (የምዕራባውያን ዱላ/ዱቀሳ እንዳይበረታ አድርጋ) በቁርጠኝነት ከቀጠለች ወደፊት ሁሉም መልካም እንደሚሆን ተስፋ አደርጋለሁ።

እዚህ ላይ ምዕራባውያን ፈርጣማ ጉልበት ስላላቸው ክብራቸውንም አስጠብቀው መቀጠል ስለሚፈልጉ፣ ጀብደኝነትን በመጠኑ አድርገን (አስፈላጊ ነው ግን ሲበዛ ጥሩ አይደለምና) በጥንቃቄ መቀጠል ያስፈልጋል። እጃቸውም ረዥም መሆኑን መርሳት የለብንም። ሌላው ምዕራባውያንን በየዋህነት ማየትና ማመን በፍፁም አይገባም። ጥላቸው እያልኩ ሳይሆን አዕምሮን ተጠቅመን ቀድመን/በልጠን መገኘት ነው ያለብን። በዕውቀት ላይ የተመሠረተ ይሁን አካሄዳችን። እውነትን ደግሞ ከእኛ ጋር እናድርጋት። ያኔ ምናልባት ፈርተው ባይደግፉን እንኳን ገለልተኛ ይሆናሉ።

ሌላው እነሱ በሚያዘጋጁት መድረክ ላይ በመገኘት በፍፁም በፍፁም ትንተና ምናምን አንስጥ። ይህ መድረክ ለእኛ የክብር ቦታ ሊመስለን ይችላል። ነገር ግን የእነሱ አንደኛው የመረጃ ምንጫቸውና ውስጥን የሚበረብሩበት፣ አቋምን የሚለኩበት፣ መዳፋቸውም ውስጥ የሚያስገቡበት መንገዳቸው ነውና መጠንቀቅ ያስፈልጋል ከዚያም የሚያደርጉትን ይታወቃልና አልናገርም።የአበራሽን ጠባሳ ያየ በእሳት አይጫወትም› ለማለት ያህል ነው። ታዲያ ከእኛ የሚጠበቀው እዩኝ እዩኝ ሳይሆን ተደብቆ መሥራት ብቻ ነው። ቻይና ከጉድ የወጣችው ተደብቃ ነው።

‹‹ሌላው በጣም ጥንቃቄ የሚፈልገው ነገር የቤታችን ጉዳይ ነው። ቤታችንን በፍፁም ማዝረክረክ የለብንም። መረጃ ለእነሱ በጣም በጣም ወሳኝ ነገር ነው። በፊት ቤታችን ቤታቸው ነበር፣ ቤታቸው ግን ቤታችን አልነበረም። ቤታችንን ቤታቸው ለማድረግ የማይፈነቅሉት ድንጋይ አይኖርምና ምንጊዜም እንንቃ። እናም እላችኋለሁ ሁላችንም አንድ ሆነን በጥንቃቄ ከተጓዝን ከእኛ ኢትዮጵያውያን የተለየ ብቃት የላቸውም። እንዲያውም እኛ እንሻላለንና እንበርታ እላለሁ፤›› በማለት ነው ምልከታውን ያጋራን። እኔም ጠቃሚ ሐሳብ በመሆኑ ነው ለእናንት ማድረስ የፈለግኩት፡፡ ይህን የመሰለ ሐሳብ መባከን ስለሌለበት እንነጋገርበት እላለሁ፡፡

(ዳዊት አሰፋ፣ ከጎሮ)

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማራቶን ባለክብረ ወሰኗ ከተዓምራዊ ጫማ ባሻገር ድሏ በታሪክ የሚዘከርላት አትሌት

በኢትዮጵያ በየዕለቱ የረሃብ፣ የመፈናቀል፣ የጦርነትና የኑሮ ግሽበት በተለያዩ የሚዲያ...

ግብፅ የያዘችው አቋም ድርድሩ የተመሠረተበትን መርህ ለመናድ ያለመ ነው ተባለ

በታላቁ የኢትዮጵያ ህዳሴ ግድብ የመጀመሪያ የውኃ አሞላልና የግድቡ ዓመታዊ...

በጦርነት የወደመውን የአክሱም አውሮፕላን ማረፊያ ለመጠገን ተቋራጮች ሊመረጡ ነው

ከፍተኛ ጉዳት ለደረሰበት የባህር ዳር አውሮፕላን ማረፊያ ተርሚናል ምትክ...

ለአደጋ መከላከልና ምላሽ ለመስጠት የሚያግዝ ቴክኖሎጂ በ300 ሚሊዮን ብር ወጪ ተግባራዊ ሊደረግ ነው

በአዲስ አበባ ከተማ የድንገተኛ እሳትና አደጋን ለመከላከልና በፍጥነት ምላሽ...