Tuesday, July 23, 2024
- Advertisement -
- Advertisement -
ስፖርትደጋሹን ከጨዋታ ውጪ ያደረገው የአዲስ አበባ ከተማ ዋንጫ በጣና ሞገዶቹ አሸናፊነት ተጠናቀቀ

ደጋሹን ከጨዋታ ውጪ ያደረገው የአዲስ አበባ ከተማ ዋንጫ በጣና ሞገዶቹ አሸናፊነት ተጠናቀቀ

ቀን:

 አዲስ አበባ እግር ኳሱን ጨምሮ በሁሉም ስፖርቶች ቀዳሚና መሥራች ብትሆንም፣ ከቅርብ ዓመታት ወዲህ ግን የከተማዋን ስፖርት የሚመጥን ቡድን መገንባት ባለመቻሏ በክልል ቡድኖች ብልጫ እየተወሰደባት ይገኛል፡፡ የዚህ ማሳያ ከተማዋ ዘንድሮ ለ15ኛ ጊዜ ያዘጋጀችው የአዲስ አበባ ከተማ ዋንጫ ባለፈው እሑድ በባህር ዳር አሸናፊነት ሲጠናቀቅ ለፍፃሜ የቀረበው የመከላከያ እግር ኳስ ቡድንን 1ለ0 በመርታት ነበር፡፡

የአዲስ አበባ ከተማ ዋንጫ ባለፈው የውድድር ዓመት በተከሰተው ‹‹ኮቪድ-19›› ምክንያት ሳይካሄድ መቅረቱ ይታወሳል፡፡ አራት የክልል ቡድኖችን ተጋባዥ በማድረግ አንጋፋው ቅዱስ ጊዮርጊስ፣ ኢትዮጵያ ቡና፣ መከላከያና በውድድር ዓመቱ በኢትዮጵያ ፕሪሚየር ሊግ ለመወዳደር በዝግጅት ላይ የሚገኘው የአዲስ አበባ ከተማ እግር ኳስ ቡድን በመያዝ ነበር ከመስከረም 15 እስከ 30 ቀን 2014 ዓ.ም. ድረስ ከፍጻሜው ጨዋታ በስተቀር በአዲስ አበባ አበበ ቢቂላ ስታዲየም ሲካሄድ የቆየው፡፡

ለሦስት ተከታታይ ሳምንታት በሁለት ምድብ በመክፈል ማለትም በምድብ አንድ ኢትዮጵያ ቡና፣ አዲስ አበባ ከተማ፣ መከላከያና ተጋባዡ ጅማ አባ ጅፋር ሲገኙ፣ በምድብ ሁለት ደግሞ ቅዱስ ጊዮርጊስ፣ ተጋባዦቹ ባህር ዳር ከተማ፣ ፋሲል ከተማና አዳማ ከተማን ሲያጫውት የሰነበተው የአዲስ አበባ ከተማ ዋንጫ፣ ደጋሹን ከጨዋታ ውጪ ያደረገው ገና በጠዋቱ መሆኑ ለብዙዎች መነጋገሪያ ሆኖ ይገኛል፡፡

ፍጻሜውን በባህር ዳር ዓለም አቀፍ ስታዲየም ያደረገው የአዲስ አበባ ከተማ ዋንጫ፣ በባህር ዳር ከተማ እግር ኳስ ቡድን የዋንጫው ባለቤትነት ቢጠናቀቅም፣ የዝግጅቱ ባለቤት የሆነው የአዲስ አበባ ከተማ እግር ኳስ ቡድን ወቅታዊ አቋምና በቅርቡ ይጀመራል ተብሎ በሚጠበቀው የኢትዮጵያ ፕሪሚየር ሊግ ቆይታው ጋር እየተነጻጸረ ለትችት እየዳረገው ይገኛል፡፡

ከዚሁ ጋር ተያይዞም ቡድኑን በበላይነት የሚያስተዳድረው አካል፣ ከቡድኑ ወቅታዊ ብቃት በመነሳት የማስተካከያ ዕርምት ከወዲሁ የማይወስድ ከሆነ ቡድኑ በመጣበት አግባብ ተመልሶ እንዳይወርድ ሥጋታቸውን የሚናገሩም አልጠፉም፡፡

አስተያየት ሰጪዎቹ በቅርቡ ቡድኑ ወደ ኢትዮጵያ ፕሪሚየር ሊግ ማደጉን ተከትሎ የከተማ አስተዳደሩ ባዘጋጀው ማበረታቻ የሽልማት ሥነ ሥርዓት ላይ ከንቲባዋ ወ/ሮ አዳነች አበቤ፣ ‹‹አዲስ አበባ እንደ ስሟና ቀደምትነቷ የሚመጥናትን ቡድን ለመገንባት ከተማ አስተዳደሩ የሚችለውን ሁሉ ድጋፍ ያደርጋል፤›› ማለታቸውን ገልጸው ድጋፍና ክትትሉ ወደ መሬት ወርዶ ተግባራዊ እንዲደረግም ይጠይቃሉ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

‹‹በየቦታው ምርት እየገዙ የሚያከማቹ ከበርቴ ገበሬዎች ተፈጥረዋል››

አቶ ኡስማን ስሩር፣ የማዕከላዊ ኢትዮጵያ ክልል በምክትል ርዕሰ መስተዳድር...

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...