Friday, April 19, 2024
- Advertisement -
- Advertisement -
ዜናዓቃቤ ሕግ በእነ አቶ እስክንድር ላይ የቆጠራቸውን ምስክሮች ፈቃደኝነታቸውን ጠይቆ እንደሚያቀርብ አስታወቀ

ዓቃቤ ሕግ በእነ አቶ እስክንድር ላይ የቆጠራቸውን ምስክሮች ፈቃደኝነታቸውን ጠይቆ እንደሚያቀርብ አስታወቀ

ቀን:

የምስክሮች  ዝርዝር  በሚዲያ  እንዳይቀርብ ትዕዛዝ እንዲሰጥለት ጠይቋል

 

ዓቃቤ ሕግ በእነ አቶ እስክነድር ነጋ ላይ የመሠረተው የወንጀል ክስ እውነት መሆኑን ለፍርድ ቤት ያስረዱልኛል ብሎ ከቆጠራቸው 21 ምስክሮች መካከል የዘጠኙን ስም ዝርዝር ለፍረድ ቤቱ ያቀረበ ቢሆንም፣ የቀሪዎቹን 12 ምስክሮች ስም ዝርዝር የሚያቀርበው ፈቃደኝነታቸውን ጠይቆ መሆኑን ጥቅምት 5 ቀን 2014 ዓ.ም.  ለፌዴራል ከፍተኛ ፍርድ ቤት ከሰዓት በኋላ በነበረው ችሎት ቀርቦ አስታወቀ፡፡

- Advertisement -

Video from Enat Bank Youtube Channel.

ዓቃቤ ሕግ 12ቱ ምስክሮቹ መመስከር እንደሚፈልጉና እንደማይፈልጉ ፈቃዳቸውን ጠይቆ ከተስማሙ እንደሚያቀርባቸው የተናገረው፣ ክሱን እያየው ያለው የፌዴራል ከፍተኛ ፍርድ ቤት ልደታ ምድብ የሕገ መንግሥትና የሽብር ጉዳዮች የወንጀል ችሎት በዕለቱ ከሰዓት በፊት፣ ዓቃቤ ሕግ የምስክሮች ዝርዝርንና ጭብጥ  በግልጽ አለማቅረቡን ተከትሎ ማን በማን ላይና በየትኛው ክስ ላይ እንደሚመሰክር ለይቶ እንዲቀርብ በሰጠው ትዕዛዝ መሠረት ማቅረብ አለማቅረቡን አረጋግጦ፣ ምስክሮቹን ለመስማት በተሰየመበት ሰዓት ነው፡፡

ፍርድ ቤቱ ከሰዓት በኋላ ሲሰየም ዘግይቶና ሳይሟላ (ሁለት ዳኞች) በመሰየሙና የሚያቀርባቸው ምስክሮች ስም ዝርዝር በሚዲያ እንዳይቀርብ ትዕዛዝ እንዲሰጥለት  በማስገባቱ፣ እነ አቶ እስክንድር የቅሬታ አቤቱታ አቅርበዋል፡፡

አቶ እስክንድር ነጋ ለፍርድ ቤቱ እንዳስረዳው፣ ‹‹ምስክሮች እንዲፈሩ ሳይሆን እውነታውን ሕዝብ እንዲረዳ ስም ዝርዝራቸው በሚዲያ እንዲቀርብ እንፈልጋለን፤›› በማለት ትዕዛዝ እንዲሰጥላቸው ፍርድ ቤቱን ጠይቋል። ጠበቆቹም አክለው፣ ዓቃቤ ሕግ 15 ወራት ሙሉ የተለያዩ ምክንያቶችን በመጠቀም መዝገቡ እንዲዘገይና በተፋጠነ ሁኔታ ዕልባት እንዳያገኝ መጓተቱን አስረድተዋል፡፡

ፍርድ ቤቱ በዕለቱ የጠዋት ችሎት ላይ፣ ዓቃቤ ሕግ የምስክሮች ስም ዝርዝርና ጭብጥ እንዲያቀርብ የሰጠውን ተዕዛዝ እየጣሰ መሆኑን በማስታወስ፣ትዛዙ መሠረት እንዲያስፈጽምላቸውም ጠይቀዋል።

ዓቃቤ ሕግ በበኩሉ በሰጠው ምላሽ፣ ‹‹እኛ የጠየቅነው ዳኝነት ነው፡፡ እንደኛ ፍላጎት ቢሆን ኖሮ የምስክር ስም ዝርዝር አስቀድመን አናቀርብም ነበር፡፡ ነገር ግን ስም ዝርዝራቸው በሚዲያ እንዳይገለጽ የጠየቅነው በምስክሮቻችን ላይ ሊከሰት የሚችልን  አደጋ ለመቀነስ ነው›› በማለት አስረድቷል።

የችሎቱ አንድ ዳኛ በድንገተኛ ችግር ምክንያት  ሊሰሙ እንዳልቻሉና በሌሎች ዳኞችም ተሟልቶ ለመቅረብ ተሞክሮ እንዳልተቻለ ለታዳሚው በማስረዳት፣ ችሎቱ ባለመሟላቱና በምስክር አሰማም ሒደት ላይ አቤቱታና ክርክር በመነሳቱ በዕለቱ የቀረበውን ክርክር መርምሮ ትዕዛዝ መስጠት እንደማይቻል አስረድቷል። በመሆኑም በተሟላ ችሎት ትዕዛዝ ለመስጠት ለማክሰኞ (ረቡዕ) ቀጠሮ ሰጥቷል። አቶ ስንታየው ቸኮል  ጠቅምት 4 ቀን 2014 ዓ.ም. ያለበትን  የኩላሊትየዓይንና  የጥርስ ሕመም እንዳለበት አስረድቶ ከማረሚያ ቤቱ የሕክምና አቅም በላይ ስለሆነ  በግሉ  እንዲታከም ያቀረበውን አቤቱታን በሚመለከት ማረሚያ ቤቱ በቀጠሮው ዕለት አስተያየት እንዲሰጥበት ትዕዛዝ ሰጥቷል፡፡

ዓቃቤ ሕግ አስተያየት ለመስጠት ቢፈልግም፣ ከማረሚያ ቤቱ አስተያየት በኋላ  እንደሚሰጥበት ፍርድ ቤቱ ስታውቋል።

አቶ እስክንድር ነጋ፣ አቶ ስንታየሁ ቸኮል፣ ወ/ሮ ቀለብ (አስቴር) ሥዩምና ወ/ሮ አስካለ ደምሌ፣ ከኦሮሚኛ ድምፃዊው ሃጫሉ ሁንዴሳ ሞት ጋር በተያያዘ በአዲስ አበባ ከተማ ተፈጠሮ በነበረው ሁክትና ብጥብጥ፣ ከጠፋው የሰው ሕይወትና ከወደመው ንብረት ጋር በተያያዘ ክስ እንደተመሠረተባቸው ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...