Monday, October 3, 2022
ሌሎች ዓምዶች
    - Advertisement -
    - Advertisement -
    ዜናየአስቸኳይ ጊዜ አዋጅ መምሪያ ዕዝ መዋቅርና አደረጃጀት መመርያ ወጣ

    የአስቸኳይ ጊዜ አዋጅ መምሪያ ዕዝ መዋቅርና አደረጃጀት መመርያ ወጣ

    ቀን:

    ሰኞ ጥቅምት 23 ቀን 2014 .. ይፋ ለተደረገው የአስቸኳይ ጊዜ አዋጅ ማስፈጸሚያ የመምርያ ዕዝ መዋቅርና አደረጃጀት መመርያ ወጣ፡፡

    የአስቸኳይ ጊዜ አዋጅ ቁጥር 5/2014 መመርያ ቁጥር 1/2014 የአገርን ህልውናና ሉዓላዊነት ላይ የተደቀነን አደጋ ለመከላከል የወጣ አዋጅ ሲሆን፣ የአስቸኳይ ጊዜ አዋጁን የሚያስፈጽም፣ ለኢፌዴሪ ጠቅላይ ሚኒስትርና የጦር ኃይሎች አዛዥ ተጠሪ የሆነ፣ በኢፌዴሪ ጦር ኃይሎች ጠቅላይ ኤታ ማዦር ሹም የሚመራ የአስቸኳይ ጊዜ አዋጅ መምርያ ዕዝ አቋቁሟል፡፡

    በመመርያው መሠረት የአስቸኳይ ጊዜ አዋጁ መምርያ ዕዙ መዋቅርና አደረጃጀት በጠቅላይ ሚኒስትሩ የሚወሰን ይሆናል፡፡ የአስቸኳይ ጊዜ አዋጁ መምርያ ዕዙ መዋቅርና አደረጃጀት በፌዴራልና በክልል ደረጃ የአዋጁን አፈጻጸም የሚከታተሉ ኮሚቴዎች ተቋቁሟል፡፡

     በመሆኑም በፌዴራል የአስቸኳይ ጊዜ አዋጅ የክትትል ኮሚቴ፣ የፌዴራል የአስቸኳይ ጊዜ አዋጅ መምርያ ዕዝ የፀጥታ ኮሚቴና የክልል የአስቸኳይ ጊዜ አዋጅ መምርያ ዕዝ ኮሚቴ ሲሆን፣ ተጠሪነቱ ለጠቅላይ ሚኒስትሩ ነው። ኮሚቴዎቹ የሥራ አፈጻጸማቸውን አስመልክቶም ለጠቅላይ ሚኒስትሩ በየጊዜው ሪፖርት ያቀርባል።

     በፌዴራልና በክልል ደረጃ የአዋጁን አፈጻጸም እንዲከታተሉ የተቁቋሙት ኮሜቴዎች ኃላፊነት የተገለጸ ሲሆን፣ የፌዴራል የአስቸኳይ ጊዜ አዋጅ የክትትል ኮሚቴ ኃላፊነት፣ ከአስቸኳይ ጊዜ አዋጁ አፈጻጸም ጋር በተገናኘ ያለ የፖለቲካ፣ የዲፕሎማሲና የሕዝብ ግንኙነት ሥራዎችን ማስተባበርና መከታተል፣ የአስቸኳይ ጊዜ አዋጁን ዓላማ ለማሳካት የሚሠሩ የሕዝብ አደረጃጀትና እንቅስቃሴ ሥራዎችን ማስተባበርና መከታተል፣ ከአስቸኳይ ጊዜ አዋጁን አፈጻጸም ጋር በተገናኘ የሚኖሩ የሕዝብ ቅሬታዎች ምላሽ እንዲያገኙ ክትትልና ድጋፍ ማድረግ፣ በሽብርተኛው ቡድን የተፈናቀሉና ጉዳት የደረሰባቸውን ዜጎች አስፈላጊውን ድጋፍ የሚያገኙበትን መንገድ ማሳለጥ እንዲሆን ይገልጻል፡፡

    የፌዴራል የአስቸኳይ ጊዜ አዋጅ መምርያ ዕዝ የፀጥታ ኮሚቴ ኃላፊነትን  በሚመለከት በወጣው መመርያ ላይ የተመለከቱት ድንጋጌዎች፣ የክልል አስቸኳይ ጊዜ ኮሚቴዎች፣ ለአዲስ አበባና ለድሬዳዋ ከተማ አስተዳደርም ያገለግላሉ።

    የአስቸኳይ ጊዜ አዋጁን የቀን ተቀን አፈጻጸም በፌዴራል ደረጃ መምራት፣ ማስተባበርና መከታተል፣ በአስቸኳይ ጊዜ አዋጁ የተደነገጉ ክልከላዎችና ግዴታዎችን ተፈጻሚነት ማረጋገጥ፣ ሁሉንም ፀጥታ፣ የደኅንነትና የሕግ አስከባሪ አካላት በተቀናጀ ሁኔታ እንዲንቀሳቀሱ ማስቻል፣ ለአስቸኳይ ጊዜ አዋጁ መሳካት አስፈላጊ የሆኑ ኦፕሬሽኖችን በቅንጅት ማቀድና ተግባራዊ ማድረግ በፌዴራል ለተቋቋመው ኮሚቴ የተሰጠ ኃላፊነት ነው፡፡

    የክልል የአስቸኳይ ጊዜ አዋጅ መምርያ ዕዝ ኮሚቴ ኃላፊነት ደግሞ  በዞን፣ በወረዳና በቀበሌ ደረጃ፣ የአስቸኳይ ጊዜ አዋጁን የሚያስፈጽሙ ግብረ ኃይሎችን ማቋቋም፣ በክልል ደረጃ ከአስቸኳይ ጊዜ አዋጁ አፈጻጸም ጋር በተገናኘ ያለ የፖለቲካና የሕዝብ ግንኙነንት ሥራዎችን ማስተባበርና መከታተል በክልል ደረጃ የአስቸኳይ ጊዜ አዋጁን ዓላማ ለማሳካት የሚሠሩ የሕዝብ አደረጃጀትና እንቅስቃሴ ሥራዎችን ማስተባበርና መከታተል፣ በክልል ደረጃ ከአስቸኳይ ጊዜ አዋጁ አፈጻጸም ጋር በተገናኘ የሚኖሩ የሕዝብ ቅሬታዎች ምላሽ እንዲያገኙ ክትትልና ድጋፍ ማድረግ፣ በክልል ደረጃ በሽብርተኛው ቡድን ለተፈናቀሉና ጉዳት የደረሰባቸው ዜጎች አስፈላጊውን ድጋፍ የሚያገኙበትን መንገድ ማሳለጥ፣ ከፌዴራል የአስቸኳይ ጊዜ አዋጅ መምርያ ዕዝ የፀጥታ ኮሚቴ ጋር በተናበበ መንገድ በክልል የፀጥታ ማስክበር ሥራዎችን መምራት፣ ማስተባበርና መከታተለል መሆኑም በመመርያው ተዘርዝሯል፡፡

    የኮሜቴዎች ስብጥርን በሚመለከት ደግሞ፣ በፌዴራል  በክልል ደረጃ የአዋጁን አፈጻጸም እንዲከታተለሉ የተቋቋሙት ኮሜቴዎች ስብጥር ተገልጿል፡፡ ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን ሰብሳቢ ሲሆኑ፣ ብርሃኑ ነጋ (ፕሮፌሰር) አቶ በለጠ ሞላ፣ አቶ ቀጀላ መርዳሳ፣ ዓይሻ መሐመድ (ኢንጂነር) ኤርጎጌ ተስፋዬ (/) / ጫሌቱ ሳኒ፣ አቶ ሬድዋን ሁሴን (አምባሳደር) እና አቶ ምትኩ ካሳ አባል ሆነው ተመድበዋል፡፡

    የፌዴራል የአስቸኳይ ጊዜ አዋጅ መምርያ ዕዝ የፀጥታ ኮሚቴ ሰብሳቢ ደግሞ የጦር ኃይሎች ጠቅላይ ኤታ ማዦር ሹም ጄኔራል ብርሃኑ ጁላ ሲሆኑ፣ የብሔራዊ መረጃና ደኅንነት አገልግሎት ዋና ዳይሬክተር የፌዴራል ፖሊስ ኮሚሽነር፣ የፍትሕ ሚኒስትር፣ የመንግሥት ኮሙዩኒኬሽን አገልግሎት ሚኒስትር አባል ሆነው ተመድበዋል፡፡

    የክልል የአስቸኳይ ጊዜ አዋጅ መምርያ ዕዝ ኮሚቴን የክልሎቹ ርዕሰ መስተዳድሮች ሰብሳቢ እንዲሆኑ፣ ምክትል ርዕሰ መስተዳድሮችና የፀጥታና አስተዳደር ቢሮ ኃላፊዎች፣ ፖሊስ ኮሚሽነሮች፣ ፍትሕ ቢሮዎችና ዓቃቤያነ ሕግ አባል ሆነው እንዲሠሩ መመደባቸውን መመርያው ያብራራል፡፡

    - Advertisement -

    ይመዝገቡ

    spot_img
    spot_img