Thursday, July 25, 2024
- Advertisement -
- Advertisement -
ስፖርትታላቁ ሩጫ በኢትዮጵያ ላልተወሰነ ጊዜ ተራዘመ

ታላቁ ሩጫ በኢትዮጵያ ላልተወሰነ ጊዜ ተራዘመ

ቀን:

በታላቁ አትሌት ሻለቃ ኃይሌ ገብረሥላሴ መሥራችነት ላለፉት ሁለት አሠርታት  በአዲስ አበባና አካባቢዋ እንዲሁም ከመላው ዓለም ታላላቅና ታዋቂ ግለሰቦችና ተሳታፊዎች የሚታደሙበት ታላቁ ሩጫ በኢትዮጵያ፣ የዘንድሮው ፕሮግራሙ ላልተወሰነ ጊዜ መራዘሙ ዝግጅት ክፍሉ አስታውቋል፡፡ ዝግጅት ክፍሉ ተለዋጭ ጊዜውን በተመለከተ በቅርቡ አሳውቃለሁ ብሏል፡፡

የ2014 ዓ.ም. ቶታል ኢነርጅስ ታላቁ ሩጫ በኢትዮጵያ በመጪው ኅዳር 5 ቀን 2014 ዓ.ም. በተያዘለት ፕሮግራም መሠረት፣ በአዲስ አበባ እንደሚካሔድ ሲጠበቅ እንዲራዘም ምክንያት የሆነው በአገሪቱ የተፈጠረውን ችግር ተከትሎ መንግሥት በወሰነው አስቸኳይ ጊዜ አዋጅ የተነሳ እንደሆነ ታላቁ ሩጫ በኢትዮጵያ በማኅበራዊ ትስስር ገጹ አስታውቋል፡፡        

በኅብረተሰቡ ዘንድ ትልቅ ተቀባይነትን እያገኘ የመጣው ታላቁ ሩጫ በኢትዮጵያ፣ በተለይ በኅዳር ወር መጀመሪያ በአዲስ አበባ ከተማ የሚያከናውነው የአሥር ኪሎ ሜትር የሩጫ ውድድር በብዙዎች  ልብ ውስጥ መታተም የቻለ ብቻ ሳይሆን፣ የክብረ በዓል ያህል ትልቅ ቦታ የሚሰጠው ዓይነተኛ የመዝናኛ ፕሮግራም ሆኖም ቆይቷል፡፡

ውድድሮቹ በሚደረጉባቸው መንገዶች ከጅምሩ እስከ ፍጻሜው ለዓይንና ለጆሮ የማይሰለቹ የተለያዩ ትዕይንቶችን ያለከልካይ የሚንፀባረቁበት፣ ለኅብረተሰቡም ሆነ ለመንግሥት ጠቃሚ መልዕክቶች የሚተላለፉበት፣ ሰዎች ጾታ፣ ዕድሜ፣ ቋንቋና ማንነት ሳይገድባቸው ስሜታቸውን በነፃነት ከሚገልጹባቸው ተመሳሳይ ዝግጅቶች በቀዳሚነት የሚጠቀስ ሆኖም መዝለቁ የአደባባይ ምስጢር ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...