Saturday, July 13, 2024
- ማስታወቂያ -
- ማስታወቂያ -

ዕድሜያቸው ከ18 እስከ 35 ያሉ ወጣቶች የሚሳተፉበት የዓመቱ ምርጥ የሥራ ፈጠራ ውድድር ተጀመረ

ተዛማጅ ፅሁፎች

በቶታል ኢነርጂ አዘጋጅነት የሚካሄድና ኢትዮጵያን ጨምሮ 32 የአፍሪካ አገሮች የሚሳተፉበትና ዕድሜያቸው 18 እስከ 35 ያሉ ወጣቶች ምርጥ የሥራ ፈጠራ ውድድር ትናንት ጥቅምት 30 ቀን 2014 ዓ.ም. ተጀመረ፡፡

ውድድሩን በማስመልከት ጋዜጣዊ መግለጫ የሰጡት ቶታል ኢነርጂ ማርኬቲንግ ኢትዮጵያ የኮሙዩኒኬሽን ዳይሬክተር ማርታ ካሳሁን እንደገለጹት፣ የመወዳደሪያ መደቦቹ በምርጥ የንግድ ፈጠራ ሥራ፣ ከሦስት ዓመት ያነሰ አዲስ ምርጥ የሥራ ጀማሪምርጥ ሴት የሥራ ጀማሪ ዘርፎች ናቸው፡፡

በውድድሩ ከሚያመለክቱ ምርጥ ሥራ ፈጣሪ ወጣቶች መካከል 15 ለመጨረሻው ዙር የሚያልፉ መሆኑን ጠቁመው፣ ለመጨረሻው ዙር ካለፉ አመልካቾች መካከልም ሦስቱ አሸናፊዎች ተለይተው የገንዘብ ሽልማትን ጨምሮ የክህሎት ማሳደጊያ ሥልጠናና ፈጠራቸውን የማስተዋወቅ ሥራ በቶታል ኢነርጂ ኩባንያ ዳይሬክተሯ አስታውቀዋል።

የፈጠራ ሐሳቦቹ ዘላቂነት ያለው ልማት የሚያሳዩ መሆናቸውን፣ የፈጠራው ባህሪ እንዲሁም የፕሮጀክቱ ተግባራዊነትና አዋጭነት የመመዘኛ መሥፈርቶች መሆናቸውንም ዳይሬክተሯ አስረድተዋል። ከጥቅምት 25 ቀን 2014 .. ጀምሮ ባሉት ሰባት ተከታታይ ሳምንታት ተወዳዳሪዎች የሚመዘገቡ htttp://startupper.totalenergies.com  ድረ ገጽ  መሆኑንም አክለዋል።

ወጣቱ ኳስ እግሩ ሥር እስክትመጣ ከመጠበቅ ይልቅ ኳስን አባሮ መንጠቅ አለበት ያለው ደግሞ የቶታል ኢነርጂ ማርኬቲንግ ኢትዮጵያ ብራንድ አምባሳደር አትሌት ኃይሌ ገብረ ሥላሴ ነው። በርካታ የፈጠራ ሥራዎች የወጣቶች ውጤት በመሆናቸው ወጣቱ ይህን ተረድቶ ሥራን ፈጥሮ ከራሱ አልፎ ለሌሎች እንዲደርስም ጥሪ አቅርቧል።

በቶታል ኢነርጂ ድጋፍ የተደረገላቸውና ልምዳቸውን ያጋሩ ወጣት ሥራ ፈጣሪዎች፣ ከሥራ አጥነት ወደ ሥራ ፈጣሪነት ያሸጋገሯቸውና ለሌሎች ሰዎችም ጊዜያዊና ቋሚ የሥራ ዕድል ለመፍጠር እንዳስቻላቸው ተናግረዋል።

በመጀመርያው ዙር የዓመቱ ምርጥ የሥራ ፈጠራ ውድድር 34 አገሮች የተውጣጡ 102 ተወዳዳሪዎች፣ በሁለተኛው ዙር ደግሞ 55 አገሮች የተውጣጡ 165 ተወዳዳሪዎች ሽልማት ማግኘታቸውም ተገልጿል።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች