Wednesday, June 19, 2024
- Advertisement -
- Advertisement -

ዜናየቀድሞ ሠራዊት አባላት ያቀረቡት ጥያቄ ምላሽ በማግኘቱ መደሰታቸውን ተናገሩ

የቀድሞ ሠራዊት አባላት ያቀረቡት ጥያቄ ምላሽ በማግኘቱ መደሰታቸውን ተናገሩ

ቀን:

የኢትዮጵያ የቀድሞ ሠራዊት ድጋፍ ልማት ማኅበር፣ የኢትዮጵያ የቀድሞ ሠራዊት አባላት በአገር ህልውና ማስከበር ዘመቻ ላይ ለመሳተፍ በተደጋጋሚ ጊዜ ለመንግሥት ያቀረበው ጥያቄ ወቅቱን ጠብቆ ምላሽ በማግኘቱ፣ በእጅጉ መደሰታቸውንና ለአፈጻጸሙም የበኩላቸውን ዕገዛና ትብብር ለማድረግ ዝግጁ መሆናቸውን  አስታወቀ፡፡

ማኅበሩ ማክሰኞ ጥቅምት 30 ቀን 2014 ዓ.ም. በጠራው ጋዜጣዊ መግለጫ፣ የማኅበሩ ፕሬዚዳንት ሃምሳ አለቃ ብሃኑ አማረ እንደገለጹት ለኢትዮጵያ ልዕልና ሲጋደል፣ ሲወድቅና ዋጋ ሲከፍል የቆየው የኢትዮጵያ የቀድሞ ሠራዊት ስለአገርና ስለሕዝብ ብሎ ያነሳው ጥያቄና ሐሳብ በመንግሥት በኩል ተቀባይነት ማግኘቱ በተደበላለቀ የደስታ ስሜቶች ውስጥ እንዲገባ አድርጎታል፡፡

ከተደበላለቁበት ስሜቶቹም መካከል ከተጣለበትና ከወደቀበት ሥፍራ ላይ ለቁም ነገር መጠራቱ፣ እንዲሁም ሲቆጨውና ሲያንገበግበው የነበረውን ስሜት መወጣት መቻሉ እንደሚገኝበት ነው ሃምሳ አለቃ ብርሃኑ ያስረዱት፡፡

- Advertisement -

ማኅበሩ በመላ አገሪቱ 292 ቅርንጫፎች እንዳሉት፣ በማኅበሩ የታቀፉና መንግሥት ያወጣውን መሥፈርት የሚያሟሉ አባላቱ በየአካባቢያቸው በሚገኙ ክፍላተ ከተሞች፣ ወረዳዎችና የሚሊሽያ ጽሕፈት ቤች እየቀረቡ ለዘመቻው ብቁ የሚያደርጋቸውን ምዝገባ እንዲያካሂዱ አሳስበዋል፡፡

እንደ ሃምሳ አለቃ ብርሃኑ ገለጻ፣ የሚመዘገቡትም ዕድሜያቸው ከ55 ዓመት በታች የሆኑ ከወታደር እስከ ሻለቃ ባሻ፣ እንዲሁም ከ55 እስከ 60 ዓመት የሆናቸው መስመራዊ መኮንኖች፣ ከ60 እስከ 64 ዓመት የሞላቸው ከፍተኛ መኮንኖች ተብሎ የወጣውን መመርያ ባገናዘበ መልኩ መሆን ይገባዋል፡፡

ከተጠቀሱት የዕድሜ ጣሪያ በላይ የሆኑ  የኢትዮጵያ የቀድሞ ሠራዊት አባላት በኬላ ፍተሻና ጠባቂነት፣ በትልልቅ የመንግሥት ተቋማት መንግሥት አስፈላጊ ናቸው ብሎ ባመነባቸው ቦታዎች ሁሉ እየተመደቡ የሚጠበቅባቸውን ግዳጅ እንዲወጡ እንደሚደረጉ ገልጿል፡፡

‹‹በተለያዩ ምክንያት ቤት የዋሉ የኢትዮጵያ የቀድሞ ሠራዊት አባላት እንደ እምነታቸው ስለአገራቸው ህልውናና ስለሕዝባቸው ደኅንነት በመፀለይ የመጣብንን አደጋ ለመታደግ ድጋፍ እንዲያደርጉ፤›› ሲሉ ሃምሳ አለቃ ብርሃኑ አሳስበዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...