Friday, July 12, 2024
- Advertisement -
- Advertisement -
ዜናአካል ጉዳተኛ በመመስል ለሽብር ድርጊት ሲንቀሳቀሱ የነበሩ ግለሰቦችን በቁጥጥር ሥር ማዋሉን ፖሊስ...

አካል ጉዳተኛ በመመስል ለሽብር ድርጊት ሲንቀሳቀሱ የነበሩ ግለሰቦችን በቁጥጥር ሥር ማዋሉን ፖሊስ አስታወቀ

ቀን:

የደቡብ ክልል ፖሊስ ኮሚሽን በክልሉ የተለያዩ አካባቢዎች አካል ጉዳተኛ በመመስል፣ የሽብር ድርጊት ለመፈጸም ሲንቀሳቀሱ የነበሩ ግለሰቦችን በቁጥጥር ሥር ማዋሉን አስታወቀ፡፡

የደቡብ ክልል የመንግሥት ኮሙዩኒኬሽን ጉዳዮች ቢሮ የክልሉ ፖሊስ ኮሚሽን የሰጠውን መግለጫ ጠቅሶ እንዳስታወቀው፣ ባለፈው ሳምንት የወጣውን  የአስቸኳይ ጊዜ አዋጅ ተከትሎ በሕዝብ ተወካዮች ምክር ቤት በአሸባሪነት ከተፈረጁት ሕወሓትና ኦነግ ሸኔ ጋር ግንኙነት አላቸው የተባሉና በክልሉ የሽብር ድርጊት ለመፈጸም ሲንቀሳቀሱ የነበሩ ግለሰቦችን በቁጥጥር ሥር ውለዋል፡፡

የደቡብ ክልል ፖሊስ ኮሚሽነር ነብዩ ኢሳያስ በወቅታዊ አገራዊ ጉዳይ ላይ ማክሰኞ ጥቅምት 30 ቀን 2014 ዓ.ም. በሰጡት ጋዜጣዊ  መግለጫ እንዳስታወቁት፣ የክልሉ ፖሊስ የአስቸኳይ ጊዜ አዋጅ  ይፋ ከተደረገበት ጊዜ አንስቶ  ባደረጋቸው ጥብቅ ቁጥጥሮች 237 ተጠርጣሪዎችን በቁጥጥር ሥር ውለዋል፡፡

በክልሉ የተለያዩ አካባቢዎች አካል ጉዳተኛ በመምሰል የሽብር ቡድኑን ዓላማ ለማስፈጸም ሲንቀሳቀሱ በቁጥጥር ሥር ከዋሉት ግለሰቦች በተጨማሪ፣ 46 የጦር መሣሪያዎችም በተደረገው ጥብቅ ክትትል በቁጥጥር ሥር መዋላቸውን ኮሚሽነሩ አስታውቀዋል።

ተጠርጣሪዎቹ የሽብር ቡድኖን በገንዘብ፣ በሞራል፣ በሐሳብና መረጃ በማቀበል ሲረዱ የነበሩ እንደሆነ የተገለጸ ሲሆን፣ የፀጥታ አባላት ጭምር በተጠርጣሪነት በቁጥጥር ሥር መዋላቸው ተገልጿል።

የሽብር ቡድኖቹ ተባባሪዎች በክልሉ ሽብርን በመንዛት በአካባቢው ፀጥታ እንዲደፈርስ አፍራሽ ዓላማቸውን ተግብረው ተሽከርካሪን በመያዝ ከአገር ለመውጣት ሲሞክሩ  ጠረፍ ላይ መያዛቸውን፣ ኮሚሽነሩ በመግለጫቸው እንደገለጹ ቢሮው አስታውቋል።

ከፌዴራል የአስቸኳይ ጊዜ አዋጅ መምሪያ ዕዝ  የሚተላለፉ መመርያዎች እንደተጠበቁ ሆነው፣ የደቡብ ክልል መንግሥት በክልሉ ውስጥ ከጥቅምት 28 ቀን 2014 ዓ.ም. ጀምሮ ተግባራዊ የሚደረጉ  የክልከላ መመርያ ማውጣቱ ተገልጿል፡፡ በዚህም መሠረት በክልሉ ውስጥ ባሉ አካባቢዎች ማንኛውም ባለሁለት እግር ተሽከርካሪ ከቀኑ 12፡00 ሰዓት በኋላ እንቅስቃሴ ማድረግ መከልከሉን ማንኛውም የሕዝብ ማመላለሻ ከምሽቱ 2፡00 ሰዓት በኋላ መንቀሳቀስ እንደማይችል፣ የምርት እንቅስቃሴ እንዳይስተጓጎል የጭነት መኪኖች በየኬላው ጥብቅ ፍተሻ እየተደረገባቸው እንዲንቀሳቀሱ ሲፈቀድላቸው ከረዳቱና ከአሽከርካሪው ውጪ መጫን ክልክል ነው፡፡

በተጨማሪም ከፀጥታ አካላት ውጪ ማንኛውም እግረኛ በክልሉ ውስጥ ከምሽቱ 3፡00 ሰዓት በኋላ መንቀሳቀስ ሲከለከል ከጤና ተቋማት፣ ከነዳጅ ማደያዎችና ከፖሊስ ጣቢያዎች ውጪ ማንኛውም አገልግሎት ሰጪ ተቋም ከምሽቱ 3፡00 በኋላ አገልግሎት መስጠት አይችልም፡፡ በመንግሥት ባለቤትነት የሚተዳደሩትን ጨምሮ ማንኛውም ባለ ሁለት እግር ተሽከርካሪና አሽከርካሪ   ከጥቅምት 29 ቀን 2014 ዓ.ም. ጀምሮ እስከ ኅዳር 3 ቀን 2014 ዓ.ም. ድረስ በአቅራቢያቸው ባለው የፖሊስ ተቋም ቀርበው እንዲያስመዘግቡ መመርያ ተላልፏል፡፡

ማንኛውም ግለሰብ ከቦታ ወደ ቦታ ሲንቀሳቀስ ማንነቱን የሚገልጽ መታወቂያ መያዝ እንዳለበት በመግለጫቸው ያስታወቁት  የፖሊስ ኮሚሽነሩ፣ የጦር መሣሪያና ባለ ሁለት እግር ሞተር ያለው ማንኛውም ግለሰብ በተገለጹ ቀሪ ቀናት ውስጥ ማስመዝገብ እንዳለበትም አሳስበዋል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የሰብዓዊ መብት ጉዳይና የመንግሥት አቋም

ሰኔ ወር አጋማሽ የተባበሩት መንግሥታት ድርጅት (ተመድ) ከፍተኛ የሰብዓዊ...

ከሰሜኑ ጦርነት አገግሞ በሁለት እግሩ ለመቆምና ወደ ባንክነት ለመሸጋገር የተለመው ደደቢት ማክሮ ፋይናንስ

በኢትዮጵያ የፋይናንስ ኢንዱስትሪ ውስጥ በቀዳሚነት ስማቸው ከሚጠቀሱት ውስጥ ደደቢት...