Thursday, February 2, 2023
- ማስታወቂያ -
- ማስታወቂያ -

ከ40 ቢሊዮን ዶላር በላይ የንግድና ኢንቨስትመንት ስምምነቶችን ያቀፈው የአፍሪካ የንግድ ትርዒት ተከፈተ

- ማስታወቂያ -

ተዛማጅ ፅሁፎች

  • ከ40 በላይ የአፍሪካ አገሮች ቢሳተፉም ከኢትዮጵያ የተገኘ ተሳታፊ የለም

ሳምሶን ብርሃኔ (ደርባን – ደቡብ አፍሪካ)

ከ40 ቢሊዮን ዶላር በላይ የንግድና የኢንቨስትመንት ስምምነቶች ይካሄዱበታል ተብሎ የሚጠበቀው የአፍሪካ ንግድ ትርዒት፣ የተለያዩ የአፍሪካ አገሮች መሪዎች በተገኙበት በደርባን ከተማ ደቡብ አፍሪካ ተከፈተ።

ከዓለም አቀፍ ድርጅቶች ድጋፍ አግኝተው ምርታቸውን ካቀረቡ ጥቂት አነስተኛ፣ መካከለኛ ኢንተርፕራይዞችና ዳንጎቴ ግሩፕን ጨምሮ በንግድ ትርዒቱ ከአንድ ሺሕ በላይ ኩባንያዎችና የተለያዩ ተቋማት በመሳተፍ ላይ ቢሆኑም፣ ከኢትዮጵያ አንድም ድርጅት አልተሳተፈም፡፡

በአፍሪ ኤግዚም ባንክ መሪነት የተዘጋጀው ንግድ ትርዒቱ ኅዳር 6 ቀን 2014 ዓ.ም. በተከፈተበት ወቅት፣ የአፍሪካ ነፃ ንግድ ስምምነትን ወደ ተግባር ለማሸጋገር ትልቅ ሚና ይጫወታል የተባለ ሲሆን፣ ከአነስተኛ ኢንተርፕራይዞች እስከ ትልልቅ አምራቾች ተሳትፈውበታል።

የአፍሪ ኤግዚም ባንክ ፕሬዚዳንት ቤኔዲክት ኦምራህ የንግድ ትርዒቱን ሲከፍቱ፣ የአፍሪካ ድርጅቶች በጋራ እንዲሠሩ ከማድረግ አኳያ ዝግጅቱ ትልቅ ሚና እንደሚኖረው የተናገሩ ሲሆን፣ 87 ሺሕ ኪሎ ሜትር ርዝመት ያለው ድንበር የከፋፈላቸው የአፍሪካ ድርጅቶች ተገናኝተው መሥራት እንደሚያስችላቸው አስረድተዋል።

የአፍሪካ አገሮች እርስ በእርስ መገበያየት የሚችሏቸውን ምርቶች ከውጭ በማስገባት ለከፍተኛ ወጪ እንደሚጋለጡ ያወሱት ፕሬዚዳንቱ፣ ይህንንም ለመቀነስ የንግድ ትርዒቱ አስፈላጊነት ቀላል እንዳልሆነ ጠቁመዋል።

የዛሬ ሦስት ዓመት የአፍሪካ ቀጣና ነፃ ንግድ ስምምነት በተፈረመበት ወቅት በግብፅ ካይሮ የተካሄደው የመጀመርያው የንግድ ትርዒት ከ32 ቢሊዮን ዶላር ስምምነቶች ተካሄደውበት ነበር። ኢትዮጵያን ጨምሮ ከ45 አገሮች የመጡ ድርጅቶችና ተቋማት፣ እንዲሁም 2,500 ጎብኚዎች ተሳትፈው ነበር። በወቅቱ ከተደረጉ ስምምነቶች ውስጥ 25 ቢሊዮን ዶላር የሚያወጡት በተግባር ላይ መዋላቸው ይፋ ተደርጓል።

በደርባን ከተማ በመካሄድ ላይ ባለው የንግድ ትርዒት እስካሁን ከተፈረሙ ስምምነቶች መካከል በናይጄሪያ መንግሥትና በአፍሪካ ኤግዚም ባንክ የተደረገው ሲሆን፣ ባንኩ  የአገሪቱን የነዳጅ አቅርቦት ለመጨመር የሚውል አንድ ቢሊዮን ዶላር ብድር ለመስጠት ተስማምቷል።

የአፍሪ ኤግዚም ባንክ ከዚህ ቀደም ኢትዮጵያ ለሚገኙ ባንኮች ግማሽ ቢሊዮን ዶላር ለመስጠት ስምምነት የፈጸመ መሆኑ ሲታወስ፣ በአፍሪካ አገሮች መካከል ያለውን የንግድ ግንኙነት ለማሳለጥ 20 ቢሊዮን ዶላር የሚያወጡ ብድሮች ባንኩ ሰጥቷል።

በተጨማሪ አፍሪካውያን የጋራ መገበያያ ገንዘብ እንዲኖራቸው ያለመ ፕሮጀክት ለመጀመር በማሰብ፣ በምዕራብ አፍሪካ ሞንታሪ ዞን በማቋቋም ሙከራ የጀመረ ሲሆን፣ ለዚህም ግማሽ ቢሊዮን ዶላር ብድር መድቧል። የአፍሪካ የክፍያ መሠረተ ልማትን ከማጠናከር አኳያም ትልቅ ሚና እንደሚኖረው ተጠቁሟል።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች