Saturday, May 25, 2024
- Advertisement -
- Advertisement -

ዜናየዓለም የምግብ ፕሮግራም በኮምቦልቻ የሚገኙ መጋዘኖቹን መረከቡን አስታወቀ

የዓለም የምግብ ፕሮግራም በኮምቦልቻ የሚገኙ መጋዘኖቹን መረከቡን አስታወቀ

ቀን:

የተባበሩት መንግሥታት ድርጅት (ተመድ) የዓለም የምግብ ፕሮግራም፣ ባለፈው ሳምንት በአማራ ክልል ኮምቦልቻ ከተማ ላይ የሚገኙ መጋዘኖቹን እንዲያገኝ ፈቃድ እንደተሰጠው  አስታወቀ፡፡ ይሁንና ባደረገው የመጀመርያ ግምገማ በመጋዘኖቹ ውስጥ የሚገኙ መገልገያ ዕቃዎች መውደማቸውን፣ የማከማቻ ክፍሎች መበላሸታቸውንና ከፍተኛ መጠን ያለው ምግብ ከተቋሙ መዘረፉን እንዳረጋገጠ ገልጿል፡፡

የዓለም የምግብ ፕሮግራም ማክሰኞ ኅዳር 14 ቀን 2014 ዓ.ም. ባወጣው መግለጫ፣ ‹‹በመጋዘን የነበረው ምግብ በመዘረፉ በዓለም የምግብ ፕሮግራምና በአጋሮቹ፣ እንዲሁም ዕርዳታ የሚደርሳቸው ሰዎች ቁጥር እንዲቀንስ ያደርጋል፤›› ብሏል፡፡

የዓለም የምግብ ፕሮግራም እስካሁን በትግራይ ለ2.9 ሚሊዮን ሰዎች፣ በአፋር ለ124 ሺሕ ሰዎች፣ እንዲሁም በአማራ ክልል ለ220 ሺሕ ሰዎች የምግብ ዕርዳታ ማቅረቡን ገልጿል፡፡ ከኅዳር 14 ቀን 2014 ዓ.ም. ጀምሮ ባሉት ሁለት ሳምንታት ውስጥ ደግሞ በኮምቦልቻና በደሴ ከተሞች ውስጥ ከ450 ሺሕ በላይ ለሚሆኑ ሰዎች ዕርዳታ የማቅረብ ሥራ እንደጀመረ አስታውቋል፡፡

- Advertisement -

ይሁንና ፕሮግራሙ የእስካሁኑን ዕርዳታ ያቀረበው፣ ‹‹በትግራይና በአማራ ክልሎች ዋና ዋና ኮሪደሮች እንዲዘጉ ያደረገ ጦርነት እየተካሄደ ባለበት ነው፤›› ብሏል፡፡ አሁንም በሰሜን ኢትዮጵያ ዕርዳታ የሚያቀርብላቸው ሰዎች ቁጥር ወደ 3.7 ሚሊዮን ለማሳደግ እንዲቻል፣ ሁሉም አካላት ትብብር ማድረግ እንዳለባቸው አሳስቧል፡፡

ከጦርነቱም ባሻገር ‹‹ታይቶ የማይታወቅ›› የገንዘብ ድጋፍ ክፍተት እንዳጋጠመው የገለጸው የዓለም የምግብ ፕሮግራም፣ በቀጣዮቹ ስድስት ወራት ውስጥ በሰሜን ኢትዮጵያ ለሚያደርገው ድጋፍ 279 ሚሊዮን ዶላር በአስቸኳይ እንደሚያስፈልገው አስታውቋል፡፡

በተጨማሪም በቀጣዮቹ ስድስት ወራት ውስጥ በሁሉም የአገሪቱ ክፍሎች የሚገኙ ከ12 ሚሊዮን በላይ ሰዎችን ሕይወት ለመታደግ በሚያደርገው እንቅስቃሴ፣  የ546 ሚሊዮን ዶላር ክፍተት እንዳለበት ገልጿል፡፡

የገንዘብ ድጋፍ ክፍተቱ በአገሪቱ ሊደረግ የታሰበውን ለሚሊዮኖች የምግብ ዕርዳታ የማቅረብ ዕቅድን ጥያቄ ውስጥ እዳስገባው ጠቁሟል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...