Monday, March 4, 2024
- Advertisement -
- Advertisement -
ዜናአዲሱ የደቡብ ምዕራብ ኢትዮጵያ ሕዝቦች ክልል በይፋ ተመሠረተ

አዲሱ የደቡብ ምዕራብ ኢትዮጵያ ሕዝቦች ክልል በይፋ ተመሠረተ

ቀን:

የደቡብ ምዕራብ ኢትዮጵያ ሕዝቦች ክልል መስከረም 20 ቀን 2014 ዓ.ም. በተካሄደው ሕዝበ ውሳኔ ውጤት መሠረት፣ በክልልነት ለመደራጀት የመረጡ አምስት ዞኖችና አንድ ልዩ ወረዳዎችን አቅፎ በይፋ ተመሠረተ፡፡

በሕዝበ ውሳኔው የካፋ፣ የሸካ፣ የቤንች ሸኮ፣ የዳውሮና የምዕራብ ኦሞ ዞኖች እንዲሁም የኮንታ ልዩ ወረዳ ከደቡብ ክልል ወጥተው የራሳቸውን ክልል ለመመሥረት መወሰናቸው የሚታወስ ሲሆን፣ ድምፅ ከሰጡ መራጮች መካከል ከ98 በመቶ በላይ የሆኑት የክልሉን መመሥረት መደገፋቸውን በድምፃቸው ወስነዋል፡፡

በመመሥረቻ ጉባዔው ሕገ መንግሥት በማፅደቅ የምክር ቤት አፈ ጉባዔና ምክትል አፈ ጉባዔ፣ እንዲሁም የምክትል ርዕሰ መስተዳድርና የአስፈጻሚ አካላት ሹመት ተሰጥቷል፡፡

- Advertisement -

Video from Enat Bank Youtube Channel.

በዚህም መሠረት አቶ ወንድሙ ኮርታ የክልሉ ምክር ቤት አፈ ጉባዔ፣ ወ/ሮ ገነት መንገሻ ደግሞ ምክትል አፈ ጉባዔ በመሆን ተሹመዋል፡፡

ከዚህ በተጨማሪም የክልሉ አደራጅ ኮሚቴ ሰብሳቢ በመሆን ያገለገሉት ነጋሽ ዋጌሾ (ዶ/ር)፣ የክልሉ ምክትል ርዕሰ መስተዳድር እንደሆኑ በምክር ቤቱ ተሹመዋል፡፡

ምክትል ርዕሰ መስተዳድር ነጋሽ (ዶ/ር) የክልሉን ነዋሪዎች ተጠቃሚ ለሚያደርጉ የኢኮኖሚ ልማት ሥራዎችና የመሠረተ ልማት ዝርጋታዎች ቅድሚያ ይሰጠዋል ብለዋል፡፡

ሰኞ ኅዳር 13 ቀን 2014 ዓ.ም. የክልሉን ምሥረታ አስመልክተው በቦንጋ ከተማ ጋዜጣዊ መግለጫ የሰጡት የክልሉ አደራጅ ኮሚቴ ሰብሳቢ ነጋሽ (ዶ/ር)፣ አዲሱ ክልል የክልል ማዕከላትንና የሥልጣን ክፍፍልን ፍትሐዊ በሆነ መንገድ ለማከፋፈል ታልሞ በሕገ መንግሥት ውስጥ በድንጋጌ እንዲካተት ተደርጓል ብለዋል፡፡

በዚህም መሠረት ክልሉ ከአንድ በላይ ማዕከላት እንደሚኖሩትና ከአሁን ቀደም ከነበረው የአንድ ማዕከል አሠራር ለውጥ በማድረግ በጥናት ላይ የተመሠረተ የማዕከላት መረብ ለማድረግ ታስቧል ብለዋል፡፡

ይሁንና የቤንች ሸኮ ዞን ከሳምንት በፊት ባወጣው መግለጫ የዞኑ ምክር ቤት የክልል ማዕከል ምርጫ ከውይይት ውጪ በመወሰኑ፣ የክልሉ ምሥረታ ይኼ ጉዳይ ሳይፈታ እንዳይደረግ ብሎ ነበር፡፡ ይኼንን በተመለከተ ተጠይቀው ምላሽ የሰጡት የኮሚቴው ሰብሳቢ ነጋሽ (ዶ/ር) በዴሞክራሲያዊ ሥርዓት የተለያዩ ፍላጎቶች ያሏቸው አካላት ፍላጎቶቻቸውን መግለጽ አይከለከሉም በማለት፣ የክልል ማዕከላት ምርጫ በጥናት የሚወሰን እንደሆነ ተነግሮ ሳለ ከነባሩ የደቡብ ክልል ሥልጣን የተረከበው ክልል ሳይመሠረት አየር ላይ መቆየት ስለሌለበት ቦንጋ ላይ ምሥረታው እንዲደረግ ተወስኗል ብለዋል፡፡ በዚህም ዝግጅት ላይ በሕዝብ ውሳኔው ክልሉን ለመመሥረት ድምፅ የሰጡ ዞኖችና ልዩ ወረዳ ወኪሎች እንደሚታደሙ አስታውቀዋል፡፡

ከ30 በላይ አባላትን ከያዘው ዓብይ ኮሚቴ በተጨማሪ ዘጠኝ ንዑሳን ኮሚቴዎች ተመሥርተው የተለያዩ የሕግ ማዕቀፎችንና አደረጃጀቶችን ሲያጠኑና ሲያረቅቁ ቆይተዋል ተብሏል፡፡

ማክሰኞ ኅዳር 14 ቀን 2014 ዓ.ም. የፀደቀው ሕገ መንግሥት አሥራ አንድ ምዕራፎችና 123 አንቀጾች ያሉት ሲሆን፣ የአስፈጻሚ አካል ሥልጣኖች በአንድ ብሔር ብቻ እንዳይያዙ የሚያደርግ ድንጋጌ ይዟል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...