Monday, November 28, 2022
ሌሎች ዓምዶች
    - Advertisement -
    - Advertisement -
    ማኅበራዊመዘናጋት ያልተለየው የኮቪድ-19 ወረርሽኝና ክትባቱ

    መዘናጋት ያልተለየው የኮቪድ-19 ወረርሽኝና ክትባቱ

    ቀን:

    የኮቪድ-19 ወረርሽኝ በዓለም አቀፍ ደረጃ ቁጥር እንደ ገዳይ ከሆኑት ወረርሽኞች መካከል ተጠቃሽ ነው፡፡ በዚህም የተነሳ የሰውን ልጅ ለከፋ በሽታና ለህልፈተ ሕይወት እየዳረገና በዚያው መጠንም የሥርጭት አድማሱን እያሰፋ መጥቷል፡፡ ወረርሽኙን ለመከላልም ሆነ ሥርጭቱን ለማስቆም የመከላከያ መንገዶችን ሳይዘናጉ ተግባራዊ ማድረግ እጅግ አስፈላጊ ነው፡፡

    ከመከላከያ መንገዶች መካከል አንደኛው ክትባትን መውሰድ ሲሆን፣ ይህም ሁኔታ የበሽታ መከላከል አቅምን ያጎለብታል፡፡ ከባድ ሕመምና ሞትንም ይቀንሳል፡፡ ማስክ ማድረግና ሌሎችንም መተግበር ደግሞ ከስቃይ፣ ሞትና ሐዘን ራስን መጠበቅ እንደሚቻል ከዘርፉ ባለሙያዎች ተደጋግሞ በተሰጠው ማብራሪያ ለመረዳት ተችሏል፡፡

    የተጠቀሱትን የመከላከያ መንገዶች ተግባራዊ ለማድረግ ዕድሜው 18 ዓመትና ከዚያ በላይ ለሆኑ ሰዎች ካለፈው ዓመት መጋቢት ጀምሮ የኮቪድ-19 ክትባትን በየአቅራቢያቸው በሚገኙ የመንግሥት ጤና ተቋማት እየቀረቡ የተከተቡ ሲሆን፣ በመላ አገሪቱ በሚገኙ 62 ከተሞች ውስጥ ላሉና ዕድሜያቸው 12 ዓመትና ከዚያም በላይ ለሆኑ ሰዎችም ክትባቱ በዘመቻ እየተሰጠ ነው፡፡

    የኢትዮጵያ የኅብረተሰብ ጤና ኢንስቲትዩት ድንገተኛ የጤና አደጋ ምላሽ ማስተባበሪያ ማዕከል ኅዳር 14 ቀን 2014 ዓ.ም. ባወጣው ሳምንታዊ የኮቪድ-19 ጋዜጣዊ መግለጫ ላይ፣ ከኅዳር 6 ቀን እስከ ኅዳር 15 ቀን ድረስ የተካሄደው የዚሁ ክትባት ዘመቻ ዋና ዓላማ፣ ክትባቱን ላላገኙ ማኅበረሰቦች ማዳረስ ነው፡፡ በዚህም ዘመቻ ላይ እየተሰጡ ያሉት የክትባት ዓይነቶች ዓይነቶች ፋይዘር፣ አስትራዜኒክ፣ ሲኖፋርም፣ ጆንሰንና ጆንሰን ናቸው፡፡

    የኮቪድ-19 በኢትዮጵያ ከተከሰተበት ወዲህ እስከ ኅዳር 15 ቀን 2014 ዓ.ም. ድረስ በመደበኛና በዘመቻ በተከናወነው ክትባት 5,466,920 ሰዎች የተከተቡ ሲሆን፣ ከእነዚህም ውስጥ 546,527 የሚሆኑ ደግሞ የአዲስ አበባ ነዋሪዎች ናቸው፡፡

    ከዚህም ሌላ 3,836,900 የላቦራቶሪ ምርመራ ተደርጎላቸው ቫይረሱ የተገኘባቸው 370,712 ሲሆኑ፣ 347,686ቱ ደግሞ አገግመዋል፡፡ በአሁኑ ጊዜ ቫይረሱ ያለባቸው ደግሞ 16,316 ናቸው፡፡ ሕይወታቸው ካለፈው 6708 ሰዎች መካከል 4,269 ያህሉ ወይም 63.6 በመቶ የሚሆኑት የአዲስ አበባ ነዋሪዎች ናቸው፡፡ የቀሩት 2,439 የሚሆኑት ደግሞ ከአዲስ አበባ ውጪ በተለያዩ ክልሎች ነዋሪ የነበሩ እንደሆነ ተገልጿል፡፡

    በዝርዝር የቀረቡት መረጃዎች የሚያሳዩት ነገር ቢኖር በአገር አቀፍ ደረጃ በተከፈተው ዘመቻ 20 ሚሊዮን፣ እንዲሁም በአዲስ አበባ ከተማ አንድ ሚሊዮን ሰዎችን ለመከተብ የተያዘው ዕቅድ ግቡን እንዳልመታ ነው፡፡

    ይህም የሆነበት በቂ የሆነ ቅስቀሳና የማስገንዘቢያ ሥራ አለመከናወኑ፣ ሰው ቀደም ሲል የጀመረውን መዘናጋትና ችላ ባይነትን አጠናክሮ መቀጠሉን የሚያመላክት መሆኑን ባለሙያዎች ገልጸዋል፡፡  

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...