Wednesday, July 24, 2024
- Advertisement -
- Advertisement -
ስፖርትበቫሌንሽያው ማራቶን ኢትዮጵያውያቱ ደምቀው አልፈዋል

በቫሌንሽያው ማራቶን ኢትዮጵያውያቱ ደምቀው አልፈዋል

ቀን:

ባለፈው ሳምንት መጨረሻ በርካታ ኢትዮጵያውያን አትሌቶች በቫሌንሽያው ማራቶን ውድድር ላይ ተካፍለዋል፡፡ እሑድ ኅዳር 26 ቀን 2014 ዓ.ም. በስፔንዋ ከተማ ቫሌንሽያ  በተደረገው የማራቶን ውድድር በኬንያውያን የበላይነት ሲጠናቀቅ፣ ኢትዮጵያውኑ ሁለተኛና ከዚያ በታች ያለውን ደረጃን በመያዝ አጠናቀዋል፡፡

በወንዶች ጫሉ ደምሴ 2፡05.16 በሆነ ጊዜ ሁለተኛ ደረጃን በመያዝ ሲያጠናቅቅ፣ አበበ ነገዎ 02፡05.27 አምስተኛ እንዲሁም ክንዴ አጥናው 2፡05.54 ሰባተኛ ደረጃን ይዘው አጠናቀዋል፡፡ ሌሎች ኢትዮጵያውያን አትሌቶች ከአሥረኛ ደረጃ እስከ 23ኛ ማጠናቀቅ ችለዋል፡፡ ርቀቱን ኬንያዊው ቼሮኖ ላውረንስ 2፡05.12 በሆነ ሰዓት በበላይነት አጠናቋል፡፡

በሴቶች ውድድር እታገኝ ወልዱ 2፡20.16 በሆነ ሰዓት ሁለተኛ፣ በየቀኑ ደገፋ 2፡23.04 በሆነ ጊዜ ሦስተኛ፣ እንዲሁም ረሃማ ቱሳ 2፡23.20 አራተኛ ደረጃን በመያዝ አጠናቀዋል፡፡ በሴቶች ምድብ በርካታ ኢትዮጵያውያት የተሳተፉ ሲሆን፣ ከወንዶቹ የተሻለ ውጤት ይዘው ማጠናቀቅ ችለዋል፡፡ በሴቶቹም ኬንያዊቷ ናንሲይ ጄልጋት 2፡29.31 በሆነ ሰዓት በአንደኝነት አጠናቃለች፡፡

በተለያዩ የአውሮፓ አገሮች በሚከናወኑ የጎዳና ውድድሮች ላይ የማይጠፉት ኢትዮጵያውያን አትሌቶች ቁጥራቸው ከጊዜ ወደ ጊዜ እየጨመረ መጥቷል፡፡ ሆኖም በውጤት ደረጃ የሴቶች የተሻለ ነው፡፡ ከዚህም ባሻገር አዳዲስ ስሞችን መመልከት ተለምዷል፡፡

የቫሌንሽያ ማራቶን በመጀመሪያዎቹ አምስትና ስድስት ዓመታት በአገራቸው ስፔናውያን አትሌቶች የበላይነት ቢያዝም እ.ኤ.አ. ከ1998 በኋላ ግን ኬንያውያን አትሌቶች ተቆጣጥረውታል፡፡ እስካሁን በተደረጉ ውድድሮች በሁለቱም ፆታ ስፔናውያን 26 ጊዜ በማሸነፍ ቀዳሚ ሲሆኑ፣ ኬኒያ 19 ጊዜ በማሸነፍ ሁለተኛ፣ ኢትዮጵያ በወንዶች ሦስት ጊዜ እንዲሁም በሴቶች ዘጠኝ ጊዜ በድምሩ 12 ጊዜ በማሸነፍ ሦስተኛ ደረጃ ላይ ተቀምጣለች፡፡

በስፖንሰር አድራጊዎች ምክንያት በየዓመቱ የውድድር ስያሜው የሚቀየረው የቫሌንሽያው ማራቶን ውድድር፣ ዓምና በኮቪድ-19 ምክንያት መሰረዙ ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...

አሳርና ተስፋ!

ከቱሉ ዲምቱ ወደ ቦሌ ጉዞ ልንጀምር ነው፡፡ ገና ከመንጋቱ...