Sunday, June 23, 2024
- Advertisement -
- Advertisement -
ማኅበራዊለሰብል ስብሰባ የከተቱት የአዲስ አበባ ተማሪዎችና መምህራን

ለሰብል ስብሰባ የከተቱት የአዲስ አበባ ተማሪዎችና መምህራን

ቀን:

በአዲስ አበባ ከተማ ከ30 ሺሕ በላይ የሁለተኛ ደረጃ ተማሪዎችና መምህራን የአርሶ አደሮችን የደረሱ ሰብሎች በተለያዩ የገጠር አካባቢዎች እየሰበሰቡ ነው፡፡ የትምህርቱ ማኅበረሰብ ከአዲስ አበባ ከንቲባ ወ/ሮ አዳነች አቤቤ ጋር በመሆን፣ ኅዳር 28 ቀን 2014 ዓ.ም. በኦሮሚያ ክልል በፊንፊኔ ዙሪያ በበረክ ወረዳ በግራር በረክ ቀበሌ ለሚኖሩ የዘማች አርሶ አደሮችና የሚሊሻ ቤተሰቦች የደረሰ 15 ሔክታር የመኸር የስንዴ ሰብል ሰብስበዋል፡፡

ከንቲባዋ በማኅበራዊ ትስስር ገጻቸው እንደገለጹት የልማት ዘመቻው በቀጣይም ቀናት በደም ልገሳ፣ በአካባቢ ጥበቃና የዘማች አርሶ አደርና ሚሊሻዎችን የደረሰ ሰብል በመሰብሰብ የሚቀጥል ይሆናል፡፡

ትምህርት ሚኒስቴር የሁለተኛ ደረጃ ትምህርት ቤቶች ከኅዳር 27 እስከ ታኅሣሥ 3 ቀን 2014 ዓ.ም. ተዘግተው የዘማች አርሶ አደሮች ሰብል እንዲሰበሰብ ባሳለፈው ውሳኔ መሠረት ነው የአዲስ አበባ የትምህርት ማኅበረሰብ አገራዊ ጥሪውን ተቀብሎ የተንቀሳቀሰው፡፡

የአዲስ አበባ ትምህርት ቢሮም የትምህርት ሚኒስቴርን ውሳኔ ተከትሎ ‹‹ዘመቻ  በትምህርት ልማት ግንባር›› በሚል መሪ ቃል የዘማች ቤተሰቦችን ሰብል ለመሰብሰብ የትምህርት ማኅበረሰብ አባላትን ወደ ተለያዩ አካባቢዎች አሰማርቷል፡፡

የአዲስ አበባ ከተማ ፕሬስ ሴክሬትሪያት ጽሕፈት ቤት እንዳስታወቀው፣ በፊንፊኔ ዙሪያ በበረክ ወረዳ ግራር በረክ ቀበሌ አካባቢ በይፋ በተጀመረው ዘመቻ ከሦስት ሺሕ በላይ የሁለተኛ ደረጃ ተማሪዎች፣ መምህራንና የትምህርቱ ማኅበረሰብ አካላትና የፖሊስ አባላት ተሳትፈው በ15 ሄክታር የደረሰ የስንዴ ሰብል ሰብስበዋል፡፡

tender

‹‹የአገር ሉዓላዊነትን ለማስከበር ልጆቻቸውን፣ ቤተሰቦቻቸውን፣ ክረምት ከበጋ የለፉበትን ማሳ ትተው ወደ ግንባር የዘመቱ አርሶ አደሮችንና ሚሊሻዎችን የመኸር ሰብል መሰብሰብ፣ ቤተሰቦቻቸውን ማገዝ ትልቅ ክብር ነው፤›› ያሉት ከንቲባ አዳነች ናቸው፡፡

በሁሉም የጦር ግንባሮች የተሳኩት ድሎች በኢኮኖሚው ዘርፍም መደገም ይገባል ሲሉም አሳስበዋል፡፡

ለአዲስ አበባ የትምህርት ማኅበረሰብ፣ በአበበ ቢቂላ ስታዲየም ኅዳር 27 ቀን አሸኛኘት ሲደረግ የተገኙት የከተማው የትምህርት ቢሮ ኃላፊ አቶ ዘለዓለም ሙላቱ፣ የሰብል ስብሰባውና ሌሎች የበጎ አድራጎት ሥራዎች፣ ኅዳር 29 ቀን ከሚታሰበው የብሔር ብሔረሰቦችና ሕዝቦች ቀንን፣ ኢትዮጵያና ኢትዮጵያዊነት፣ እንዲሁም ጀግኖችንና ጀግንነትን በሚዘክር መልኩ መሆን ይገባዋል ብለዋል፡፡

የትምህርት ማኅበረሰቡ ለአገር ህልውና ዘመቻው በሁለት ሳምንታት ውስጥ ከ100 ሚሊዮን ብር በላይ አዋጥቶ ለመከላከያ ሠራዊት ድጋፍ ማድረጉን ያስታወሱት ኃላፊው፣ የአሁኑ ፈተና ኢትዮጵያ በተለያዩ ወቅቶች ከገጠሟት ፈተናዎች ሁሉ የከፋ መሆኑን በመረዳት በአሸናፊነት ለመወጣት ድጋፉ ተጠናክሮ መቀጠል እንዳለበት አስገንዝበዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...