Tuesday, January 31, 2023
- Advertisement -
- Advertisement -
ማኅበራዊሰዎች ለሰዎች ድርጅት በጦርነቱ ለተጎዱ አንድ ሚሊዮን ወገኖች ለመድረስ ማቀዱን አስታወቀ

ሰዎች ለሰዎች ድርጅት በጦርነቱ ለተጎዱ አንድ ሚሊዮን ወገኖች ለመድረስ ማቀዱን አስታወቀ

ቀን:

ሰዎች ለሰዎች (People to People)በጎ አድራጎት ድርጅት የሕክምና ባለሙያዎችን ወደ ኢትዮጵያ በማስመጣት፣ በጦርነቱ የተጎዱ ሰዎችን ለማከም ከሚያደርገው እንቅስቃሴ ባሻገር፣ በአንድ ዓመት ጊዜ ውስጥ በጦርነቱ ለተጎዱ ከአንድ ሚሊዮን በላይ ወገኖችን መድረስ የሚያስችል የሕክምና ቁሳቁስ ለማቅረብ ማቀዱን ገለጸ፡፡

ድርጅቱ በሰሜን ኢትዮጵያ እየተካሄደ ባለው ጦርነት ምክንያት የሚጎዱ ሰዎችን ለመርዳት የሚያስችል የሕክምና ተልዕኮ ቡድን ማዘጋጀቱን ያስታወቀ ሲሆን፣ በተልዕኮው አማካይት በውጭ አገር የሚገኙ ኢትዮጵያውያንና ትውልደ ኢትጵያውያን የሕክምና ባለሙያዎችን እያስመጣ ነው፡፡

ሪፖርተር ያነጋገራቸው የሕክምና ተልዕኮው ሊቀመንበር ዶ/ር አብርሃም በትረ፣ በጥቅምትና ኅዳር ወሮች ውስጥ ሁለት የሕክምና ቡድኖች ወደ ኢትዮጵያ መጥተው በጦርነቱ ለተጎዱ ሰዎች አገልግሎት መስጠታቸውን አስታውቀዋል፡፡ ሦስት የሕክምና ባለሙያዎችን የያዘው የመጀመርያው ቡድን በጥቅምት ወር በጎንደር ዩኒቨርስቲ ስፒሻላይዝድ ሆስፒታል ውስጥ የሕክምና አገልግሎት መስጠቱ ገልጸዋል፡፡ ሌሎች ሦስት የሕክምና ባለሙያዎችን ያካተተው ሁለተኛው ቡድን እንዲሁ ወደ ባህር ዳርና ደብረ ብርሃን ከተሞች መጓዙን፣ እንዲሁም አንድ የሕክምና ባለሙያ በአዲስ አበባ ጦር ኃይሎች ሆስፒታል አገልግሎት እየሰጡ መሆኑ ተናግረዋል፡፡

የሕክምና ባለሙያዎችን ወደ ኢትዮጵያ የማስመጣት ሥራው ቀጣይነት ያለው መሆኑን የገለጹት ዶ/ር አብርሃም፣ በተለያዩ አገሮች የሚገኙ ፈቃደኛ የሆኑ የሕክምና ባለሙያዎችን የመመዝገብ ሥራ ተሠርቶ ከ60 በላይ ባለሙያዎች ፈቃደኝነታቸውን ገልጸዋል፡፡

ሁሉም የሕክምና ባለሙያዎች ሲመጡ ቢያንስ 25 ሺሕ ዶላር የሚያወጡ የተለያዩ የሕክምና ቁሳቁሶችን ይዘው እንደሚመጡ የተጠቆመ ሲሆን፣ አሁን የመጡት የሕክምና ቡድን አባላት ያመጡትን ቁሳቁስ በባህር ዳር ለሚገኘው ፈለገ ሕይወት ሪፈራል ሆስፒታል መስጠታቸው ታውቋል፡፡

በተጨማሪም 1.5 ሚሊዮን ብር የሚያወጣ የአጥንት ሕክምና መሣሪያ ተገዝቶ ለደብረ ብርሃን ኮንፕርሄንሲቭ ስፔሻላይዝድ ሆስፒታልና ለፈለገይወት ሪፈራል ሆስፒታል ማበርከቱን ድርጅቱ ተናግሯል፡፡

በጦርነቱ የተጎዱ ሰዎችን መድረስ ያስችላል የተባለለት የበይነ መረብ የገቢ ማሰባሰቢያ በቅርቡ የማካሄድ ዕቅድ እንዳለ የተገለጸ ሲሆን፣ በዚህ የገቢ ማሰባሰቢያ የሚሰበሰበው ገቢ አንድ ሚሊዮን ሰዎችን ለመድረስ የተያዘውን ዕቅድ ለማሳካት ያግዛል ተብሏል፡፡

በቀጣይ ወር የሚመጡት የሕክምና ባለሙያዎች አሁን በመንግሥት ቁጥጥር ሥር ባሉት ኮምቦልቻና ደሴ ከተሞች አገልግሎት እንደሚሰጡና አገልግሎቱ በመንግሥት ቁጥጥር ሥር በሚሆኑ ሌሎች አካባቢዎች እየሰፋ እንደሚሄድ ዶ/ር አብርሃም ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...