Thursday, December 1, 2022
ሌሎች ዓምዶች
    - Advertisement -
    - Advertisement -
    ዜናዓለም አቀፍ ድርጅቶች በቂ ዕርዳታ እያቀረቡ አለመሆናቸውን የአፋር ክልል አስታወቀ

    ዓለም አቀፍ ድርጅቶች በቂ ዕርዳታ እያቀረቡ አለመሆናቸውን የአፋር ክልል አስታወቀ

    ቀን:

    • በጦርነቱ ከአሥር ቢሊዮን ብር በላይ ውድመት መድረሱን ተናግሯል

    በሕወሓት ኃይሎች በተፈጸመው ወረራ ከአሥር ቢሊዮን ብር በላይ የንብረት ውድመት እንደ ደረሰበት የገለጸው የአፋር ክልል፣ በዓለም አቀፍ ዕርዳታ ድርጅቶች ትኩረት እንዳልተሰጠው አስታወቀ፡፡

    የአፋር ክልል አደጋ መከላከልና ምግብ ዋስትና ቢሮ ኃላፊ አቶ መሐመድ ሁሴን በክልሉ ከ1.3 ሚሊዮን በላይ ሕዝብ በሕወሓት ወረራ መፈናቀሉን ለሪፖርተር ተናግረዋል፡፡

    ባለፈው ሳምንት ዓለም አቀፍ የዕርዳታ ድርጅቶችና የተባበሩት መንግሥታት ድርጅት (ተመድ) ኤጀንሲዎች ተወካዮች ወደ አፋር ክልል መጓዛቸው ተነግሯል፡፡ በጭፍራ የሚገኝ የተፈናቃዮችን ጣቢያ ጎብኝተው የችግሩን ስፋትም ከራሳቸው ከተጎጂዎች አንደበት ተወካዮቹ ሰምተዋል የሚሉት አቶ መሐመድ፣ ‹‹አዲስ አበባ ሲመለሱ ሐሳባቸውን ካልቀየሩ በስተቀር፣ የአፋር ክልል አፋጣኝ ዕርዳታ እንደሚያስፈልገው ተግባብተን ተመልሰዋል፤›› ሲሉ ስለጉብኝቱ ተናግረዋል፡፡

    የዕርዳታ ድርጅቶቹ ተወካዮች የአፋር ክልል ፕሬዚዳንት አቶ አወል አርባን ጨምሮ የአገር ሽማግሌዎችንና የጎሳ አለቆችን ማናገራቸውንና ስለክልሉ ቀውስ ሰፊ ማብራሪያ ማግኘታቸውን አቶ መሐመድ አስረድተዋል፡፡

    በክልሉ እስካሁን ባለው ሁኔታ ከዓለም አቀፍ ድርጅቶች በቂ የሰብዓዊ ዕርዳታ እንዳልቀረበ የተናገሩት አቶ መሐመድ፣ ችግሩ የመረጃ ክፍተት ከሆነ በሚል ድርጅቶቹ በክልሉ ጉብኝት እንዲያደርጉና ሁኔታውን እንዲመለከቱ መደረጉን ጠቁመዋል፡፡ ይሁን እንጂ ከውጭ ረጂዎች እንደ የዓለም ምግብ ፕሮግራም (WFP) ያሉ ተቋማት የመጀመርያ ዙር ዕርዳታ ማቅረባቸውን ኃላፊው አመልክተዋል፡፡

    የዓለም ምግብ ፕሮግራም ለ534 ሺሕ ሕዝብ የመጀመርያ ዙር ድጋፍ አድርጓል ያሉት አቶ መሐመድ፣ ይሁን እንጂ አሁንም ቢሆን ዕርዳታ ያላገኙ ከ376 ሺሕ በላይ ተፈናቃዮች በ12 መጠለያ ጣቢያዎች እንደሚገኙና ለእነዚህ ወገኖችም አጣዳፊ ዕርዳታ እንደሚያስፈልጋቸው አመልክተዋል፡፡

    የሕወሓት ኃይሎች የአፋር ክልልን ከፊል አካባቢዎች በወረሩበት ወቅት ከፍተኛ ሰብዓዊና ቁሳዊ ውድመት ማድረሳቸውን አቶ መሐመድ አንስተዋል፡፡ የአፋር ሕዝብ በወረራው ከአሥር ቢሊዮን ብር በላይ የንብረት ውድመትና አስከፊ ሰብዓዊ ቀውስ ቢያጋጥመውም፣ ክልሉን አቋርጦ ወደ ትግራይ የሚያልፈው የዕርዳታ አቅርቦት ኮንቮይ እንዳይቋረጥ ጨዋነት በተሞላው መንገድ ጥበቃ እያደረገ እንደሚገኝ አቶ መሐመድ ገልጸዋል፡፡

    በደረሰበት ጉዳት ልክ የአፋር ክልል ሕዝብ ከዓለም አቀፍ ዕርዳታ አቅራቢዎች በቂ ትኩረትና ተገቢ ድጋፍ እያገኘ አለመሆኑን አስረድተው፣ ‹‹በቀጣይ ቀናት ድርጅቶቹ የሚሰጡትን ምላሽ እንጠብቃለን፤›› ብለዋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...