Thursday, July 25, 2024
- Advertisement -
- Advertisement -
ስፖርትየስፖርት ባለሙያና መምህር ሲራክ ሀብተ ማርያም (ዶ/ር) (1958-2014)

የስፖርት ባለሙያና መምህር ሲራክ ሀብተ ማርያም (ዶ/ር) (1958-2014)

ቀን:

በተለያዩ የመንግሥት ተቋማት ውስጥ በከፍተኛ አመራርነት፣ በመምህርነትና ኢንስትራክተርነት የሚታወቁት ሲራክ ሀብተ ማርያም (ዶ/ር) በሥራ ገበታቸው ላይ ሳሉ በድንገተኛ ሕመም ከዚህ ዓለም በሞት ተለይተዋል፡፡

የመጀመርያና ሁለተኛ ደረጃ ትምህርታቸውን በደብረ ብርሃን ከተማ ሙዳይ ቁጥር ሁለትና ኃይለ ማርያም ማሞ ሁለተኛ ደረጃ ትምህርት ቤት የተማሩት ሲራክ (ዶ/ር)፣ ይሠሩበት በነበረው ኮተቤ ሜትሮፖሊታን ዩኒቨርሲቲ በሥራ ገበታቸው ላይ ሳሉ ነው በድንገት ሕይወታቸው ማለፉ የተነገረው፡፡

ከኮተቤ መምህራን ትምህርት ኮሌጅ በስፖርትና ሰውነት ማጎልመሻ በዲፕሎማ ከተመረቁ በኋላ በጅማ ግብርና ኮሌጅ በስፖርት መምህርነት ማገልገላቸው የሕይወት ታሪካቸው ያስረዳል፡፡

ቀድሞ ለተጉለትና ቡልጋ አውራጃ ቡድን በተጫዋችነት የሚታወቁት ሲራክ፣ በጅማ ግብርና ኮሌጅ ከስፖርት መምህርነት ጎን ለጎን፣ የጅማ ከተማ እግር ኳስ ቡድንን በአሠልጣኝነት ያገለገሉ ስለመሆናቸውም ይነገርላቸዋል፡፡ የነበራቸውን የሥራ ታታሪነት ከግምት ያስገባው ኮሌጁ ወደ ቀድሞዋ ሶቪየት ኅብረት ዩክሬን ለከፍተኛ ትምህርት ልኳቸው በሰውነት ማጎልመሻና ስፖርት ሁለተኛ ዲግሪያቸውን፣ እንዲሁም ሦስተኛ ዲግሪያቸውን ከሩሲያ ዩኒቨርሲቲ አግኝተዋል፡፡

ወደ አገራቸው ከተመለሱ በኋላ የጅማ ግብርና ኮሌጅ ከጅማ ዩኒቨርሲቲ ጋር ሲቀላቀል፣ የስፖርት ሳይንስ መምህርና የዲፓርትመንቱ ኃላፊ ሆነው አገልግለዋል፡፡ ከስፖርት ሳይንስ መምህርነት ጎን ለጎን በሙያው ተመራማሪ እንደነበሩ የሚነገርላቸው  ሲራክ (ዶ/ር)፣ የኢትዮጵያ ወጣቶች ስፖርት አካዴሚ ሲመሠረት በዋና ዳይሬክተርነት  ለአራት ዓመታት ሠርተዋል፡፡ በአፍሪካ እግር ኳስ ኮንፌዴሬሽን (ካፍ) እስከ ኢንስትራክተር ደረጃ የደረሱና ለበርካታ አሠልጣኞች ሥልጠና በመስጠትም ይታወቃሉ፡፡

ዕረፍታቸው እስከተሰማበት ድረስ በኮተቤ ሜትሮፖሊታን ዩኒቨርሲቲ በማገልገል ላይ የነበሩት ሲራክ፣ ጥናታዊ ጽሑፎችን ያዘጋጁ ሲሆን፣ በቅርቡ የተሻሻለውን የካፍ አሠልጣኞች የብቃት ማረጋገጫ (ላይሰንስ) ሥልጠና ማንዋል በማዘጋጀት ላይ ነበሩ፡፡

 የአንጋፋው የስፖርት ባለሙያና መምህር ሲራክ ሀብተ ማርያም (ዶ/ር) ሥርዓተ ቀብር ታኅሣሥ 18 ቀን 2014 ዓ.ም. በቀራኒዮ መድኃኔ ዓለም ቤተ ክርስቲያን ተፈጽሟል፡፡ ነፍስ ኄር ሲራክ ሀብተ ማርያም ባለትዳርና የሁለት ሴትና የአንድ ወንድ ልጅ አባት ነበሩ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...