Wednesday, February 28, 2024
- Advertisement -
- Advertisement -
ስፖርትየወልቂጤ ከተማ ግብ ጠባቂ አይቮሪኮስታዊው ሲልቫይን ግቦሆ በፊፋ ዕገዳ ተጣለበት

የወልቂጤ ከተማ ግብ ጠባቂ አይቮሪኮስታዊው ሲልቫይን ግቦሆ በፊፋ ዕገዳ ተጣለበት

ቀን:

የዓለም አቀፍ እግር ኳስ ማኅበር (ፊፋ) ዲሲፕሊን ኮሚቴ፣ ለወልቂጤ ከተማ እግር ኳስ ክለብ በግብ ጠባቂነት በመጫወት ላይ የሚገኘው አይቮሪኮስታዊ ሲልቫይን ግቦሆ ከአበረታች ንጥረ ነገሮች ጋር በተያያዘ ጊዜያዊ ዕገዳ እንዳስተላለፈበት የኢትዮጵያ እግር ኳስ ፌዴሬሽን አስታወቀ፡፡

ሲልቫይን ግቦሆ፣ ባለፈው ኅዳር ወር፣ አይቮሪኮስት ከጋቦን ጋር ስትጫወት በዕጣ የአበረታች ንጥረ ነገር (ዶፒንግ) ምርመራ እንዲሠራለት ወጥቶበት የሽንት ናሙና ሰጥቶ ነበር፡፡ በዚህ ናሙና ውስጥ ‹‹ትራሜታዚዲን›› የሚባል ከ2014 ጀምሮ አትሌቶች እንዳይጠቀሙት በዓለም አቀፉ የፀረ አበረታች ኤጀንሲ (ዋዳ) የታገደ ንጥረ ነገር ተገኝቷል፡፡

ፌዴሬሽኑ በማኅበራዊ ትስስር ገጹ እንደገለጸው፣ ንጥረ ነገሩ በደም ሥር መጥበብ ምክንያት የሚመጣ የልብ በሽታን ለማከም የሚጠቅሙ መድኃኒቶች ላይ የሚገኝ ሲሆን፣ የልብ ጡንቻዎችን የግሉኮስ አጠቃቀምን ያጎለብታል፡፡ ይህንን ተከትሎም በዋዳ ጥቅም ላይ እንዳይውል ተከልክሏል፡፡

- Advertisement -

Video from Enat Bank Youtube Channel.

ለሕክምናው ሌላ አማራጭ በማይኖርበት ጊዜ ይህንን በሐኪሞች በማረጋገጥ ‹‹ልዩ ለሕክምና የመጠቀም ፈቃድ›› ከዋዳ በማግኘት መጠቀም የሚቻል ቢሆንም፣  ሲልቫይን ግቦሆ ግን ይህ ፈቃድ እንደሌለው ኤጀንሲው አስታውቋል፡፡

በሕጉ መሠረትም ይህ ሲያጋጥም፣ ወዲያውኑ ጊዜያዊ ዕገዳ በተጫዋቹ ላይ ከተጣለ በኋላ የኤጀንሲው ዲሲፒሊን ኮሚቴ የመጨረሻውን ውሳኔ በአጭር ጊዜ ውስጥ የሚሰጥ ይሆናል፡፡ በውሳኔው መሠረትም ሲልቫይን ግቦሆ በአገርም ሆነ በዓለም አቀፍ ደረጃ በጊዜያዊነት የታገደ መሆኑ ታውቋል፡፡

በፊፋ የፀረ አበረታች ንጥረ ነገሮች ሕግ (2021) ውስጥ በተካተቱት ድንጋጌዎች መሠረት ቀደም ብሎ ካልተቋረጠ በስተቀር፣ ጊዜያዊ ዕገዳው በፊፋ የዲሲፒሊን ኮሚሽን የመጨረሻ ውሳኔ እንደሚሰጥበት ጭምር መገለጹን የፌዴሬሽኑ መግለጫ አመልክቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...