Saturday, February 4, 2023
- ማስታወቂያ -
- ማስታወቂያ -

ዓባይ ባንክ ለተፈናቃዮች ድጋፍ የሚውል ‹‹አንድ ብር ለአንድ ዶላር›› የሚል አሠራር ጀመረ

- ማስታወቂያ -

ተዛማጅ ፅሁፎች

ወደ አገር እየገቡ ያሉ ትውልደ ኢትዮጵያውያንና ኢትዮጵያውያን በዓባይ ባንክ የውጭ ገንዘብ ሲመነዝሩ ከአንድ ዶላር አንድ ብር በማጠራቀም ለተፈናቃዮች ድጋፍ እንዲውል የሚስችል አሠራር መጀመሩን ባንኩ አስታወቀ፡፡

‹‹አንድ ብር ለአንድ ዶላር›› በሚል መሪ ቃል ያሰናዳው ይህ ፕሮግራም፣ በውጭ የሚኖሩ የኢትዮጵያ ዳያስፖራ ማኅበረሰብ በኢትዮጵያ በተከተሰው ጦርነት ምክንያት ከቤት ንብረታቸውና ከአካባቢያቸው ለተፈናቀሉ ወገኖች ዕርዳታ ማሰባሰብን ታሳቢ ያደረገ ነው፡፡

የባንኩ ዋና የስትራቴጂና ማርኬቲንግ መኮንን (ምክትል ፕሬዚዳንት) አቶ ወንድይፍራው ታደሰ እንደገለጹት፣ ባንኩ ያዘጋጀው ፕሮግራም ወደ አገር ቤት የገቡ ዳያስፖራዎች በዓባይ ባንክ የውጭ ገንዘብ ሲመነዝሩ በእያንዳንዱ የውጭ ምንዛሪ አንድ ብር ለተፈናቃይ ወገኖች የሚውልበት አሠራር ከታኅሳስ 20 እስከ ጥር 20 ቀን 2014 ዓ.ም. የሚተገበር ነው፡፡

ይህ አገልግሎት በሁሉም የባንኩ ቅርንጫፎች የሚሰጥ እንደሚሆን የገለጹት አቶ ወንድይፍራው፣ ዳያስፖራው በዓባይ ባንክ በሚመነዝረው በእያንዳንዱ አንድ ዶላር አንድ ብር ከባንኩ ገቢ በመቀነስ የሚጠራቀምና ለተፈናቀሉ ወገኖች ድጋፍ እንዲውል የሚደረግ ነው፡፡

አንድ ዳያስፖራ 500 ዶላር በባንኩ ሲመነዝር ባንኩ 500 ብር ከራሱ ገቢ ተቀናሽ በማድረግ ለተፈናቀሉ ወገኖች የሚያውል በመሆኑ ገንዘቡን ከሚመነዝረው ዳያስፖራ የሚደረግ ተቀናሽ እንደሌለ ጠቁመዋል፡፡

‹በዚህ አሠራር ትውልደ ኢትዮጵያውያን ምንም ዓይነት ተጨማሪ ክፍያ እንደማይከፍሉና በዕለቱ ባለው የውጭ ምንዛሪ ዋጋ ሙሉውን ገንዘብ እንደሚያገኙ የተናገሩት አቶ ወንድይፍራው፣ ለፕሮግራሙ የተያዘው የጊዜ ገደብ እንዳለቀም በዚህ መንገድ የተሰባሰበው ገንዘብ ይፋዊ በሆነ መንገድ በሚመለከተው አካል በኩል ለተፈናቃዮች የሚደርስ መሆኑንም አስታውቀዋል፡፡   

በቅርቡ የኢትዮጵያ መንግሥት በውጭ ለሚኖሩ የኢትዮጵያ ዳያስፖራ ማኅበረሰብ ባደረገው ጥሪ መሠረት በያዝነው ወር አንድ ሚሊዮን በውጭ የሚኖሩ የኢትዮጵያውያንና ትውልደ ኢትዮጵያውያን ዳያስፖራ ማኅበረሰብ ወደ አገር ቤት እንደሚመጡ ይጠበቃል፡፡

በኢትዮጵያ የተፈጠረውን የኢትዮጵያዊነትን መንፈስ መሠረት በማድረግ የቀረበው ጥሪ ጠንካራና ልማቷ የተረጋገጠ ኢትዮጵያን እንደገና ለመገንባት ጥሩ አጋጣሚ እንደሚሆን የሚታመን መሆኑን የሚገልጸው የባንኩ መረጃ፣ ከዚሁ ጋር ተያይዞ ከቤት ንብረታቸውና ከአካባቢያቸው የተፈናቀሉ ወገኖችን መልሶ ለማቋቋም ትልቅ አስተዋጽኦ ይጠበቃል ብሏል፡፡

በውጭ የሚኖሩ የኢትዮጵያ ዳያስፖራ ማኅበረሰብ የዕርዳታ እጃቸውን በመዘርጋት የብዙ ሚሊዮን ዜጎችን ሕይወት እንደሚታደጉና በኢትዮጵያዊነት የአሸናፊነት መንፈስ የተገኘው ድል የኢትዮጵያን ኢኮኖሚና ማኅበራዊ ተግዳሮቶችን ከመቀልበስ አንፃር ዓይነተኛ አስተዋጽኦ እንደሚኖረውና ለኢትዮጵያ ዕድገት አቅምን እንደሚፈጥር ባንኩ አስታውቋል፡፡

በተለያየ መልኩ ከዳያስፖራው የሚሰበሰበው የውጭ ምንዛሪ በኢትዮጵያ ኢኮኖሚ ዘርፍ ላይ የጎላ አስተዋጽኦ ይኖረዋል የሚል እምነት እንዳለውም በዚሁ መግለጫ ላይ አስፍሯል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች