Wednesday, December 7, 2022
ሌሎች ዓምዶች
    - Advertisement -
    - Advertisement -
    ኪንና ባህልሩብ ጉዳይ ለሰብዓዊነት

    ሩብ ጉዳይ ለሰብዓዊነት

    ቀን:

    የፀሐፌ ተውኔት ሎሬት ፀጋዬ ገብረመድህን ሥራ ከሆኑት ውስጥ በስድስት ወር አንዱ ነው። ይህን ተውኔት ለየት የሚያደርገው ሰብዓዊነትን ያነገበና ለተቸገሩ ዜጎች የደረሰ በመሆኑ ነው።

    ተውኔቱ ተሰናድቶ የመጀመሪያ ገቢው በወቅቱ በድርቅ ለተጎዱ ወገኖች የሚውል መሆኑን የሚገልጸው ማስታወቂያም ለምስክርነት ተቀምጧል። በኪነ ጥበብ ዘርፍ በተለያዩ ምክንያቶች ለተጎዱ ዜጎች መድረስ ያለ ቢሆንምየቴአትር ገቢን ለሰብዓዊ ዕርዳታ ማዋል እምብዛም አልተለመደም ሊባል ይችላል

    በአሁኑ ወቅት ኢትዮጵያ ያጋጠሟት ፈተናዎች በርካታ በመሆናቸው ሰብዓዊ ድጋፍ ማቅረብ ላይ በመንግሥት ብቻ የሚዘለቅ አልሆነም፡፡ በመሆኑም ዘርፈ ብዙውን ችግር የተረዱ ዜጎች በያሉበት ሆነው የጎደለውን እየሞሉ ይገኛሉ፡፡ ከእነዚህም ውስጥ የኪነ ጥበብ ዘርፍ ተዋናዮች ይገኙበታል።

    በደራሲ ቴዎድሮስ ተክለአረጋይ ተደርሶበተፈራ ወርቁ ተዘጋጅቶ፣ ዘወትር ማክሰኞ የሚቀርበው ‹‹ሩብ ጉዳይ›› አስቂኝ ቴአትር የአንድ ቀን ገቢ ለሰብዓዊ ድጋፍ እንዲውል ተደርጓል፡፡ ሳምሶን ታደሰሸዊት ከበደና ሌሎች አንጋፋ ተዋናዮች የሚሳተፉበት ቴአትር፣ በኢትዮጵያ ብሔራዊ ቴአትር እየተሰናዳ ተመልካችን ሲያዝናና ቆይቷል።

    ማክሰኞ ታኅሣሥ 26 ቀን 2014 .ም. ከሚታየው የሚገኘው ገቢ ደግሞ ሙሉ ለሙሉ በጦርነቱ ለተጎዱ ወገኖች ይውላል።

    የሩብ ጉዳይ ቴአትር አዘጋጅ ተፈራ ወርቁ እንደተናገሩትየኪነ ጥበብና የጋዜጠኞች ባለሙያዎች ማኅበር ሰሜን ሸዋ ለጉብኝት ሄደው በጦርነቱ በተጎዱ ዜጎች ሁኔታ አዝነው ተመልሰዋል። ከእነዚህ ባለሙያዎች ውስጥ የሩብ ጉዳይ ቴያትር ደራሲ ቴዎድሮስ ተክለ አረጋይ አንዱ ሲሆንቴአትሩን ለበጎ ዓላማ እንዲውል ሐሳብ ማቅረቡን ተናግረዋል።

    በዚህም ዘወትር ማክሰኞ በኢትዮጵያ ብሔራዊ ቴአትር የሚታየውን የአንድ ቀን ገቢ ለዚሁ ዓላማ እንዲውል ተዋናዮችም ጭምር መስማማታቸውን ጠቁመዋል። ዋና አዘጋጁ እንደተናገሩትፌስ ቡክን ለበጎ ዓላማ በማዋልከአገር ውስጥ አልፎከአገር ውጭ የሚኖሩ ኢትዮጵያውያን ጭምር ትኬቱን እየቆረጡ ይገኛሉ።

    በዕለቱ የቴአትሩ ተዋናዮች ከክፍያ ነፃ የሚሠሩ ሲሆን፣ ትኬቱን በመግዛት ጭምር በግንባር ቀደምነት ለበጎ ተግባር ተሰልፈዋል። የመግቢያ ዋጋው 100 ብር መሆኑን ነገር ግን ታኅሣሥ 26 ቀን ቴአትሩ ሲቀርብ 200 ብር እንደሚሆን ገልጸዋል።

    የኢትዮጵያውያን ትብብር የሚያስደንቅና ባለሙያዎችንም የሚያነቃቃ ተግባር መሆኑን ጠቁመዋል። ከተለያዩ ዓለም አገሮች የሚኖሩ ኢትዮጵያውያንና በአገር ውስጥም ያሉቴአትሩ ላይ የሚተውኑትን ጨምሮ እስካሁን የተሰበሰበው ገቢ ከታሰበው በላይ መሆኑን አብራርተዋል።

     ‹‹ሩብ ጉዳይ ለአገር ጉዳይ›› በሚል በጦርነቱ የተጎዱትን ወገኖች የሚውለው ገቢ ማሰባሰቢያ ቴአትሩን እስከሚታይበት ቀን ይቀጥላል። የሩብ ጉዳይ ቴአትር ደራሲ ቴዎድሮስ በበኩላቸው፣ በአጣዬና በሸዋ ሮቢት በጦርነቱ የተጎዱ ሲጎበኙ የገጠማቸው አሳዛኝ በመሆኑ፣ የቴአትሩ የአንድ ቀን ገቢ ለበጎ ተግባር ለማዋል መስማማታቸውን፣ የዚህ ሐሳብ እየሰፋና እያደገ ከአገር ውስጥ አልፎ በዓለም ላይ የሚኖሩ ኢትዮጵያውያን እየተሳተፉበት መሆኑን ገልጸዋል።

    ከዚህ ቀደም በደራሲው ተጽፈው ለንባብ የበቁት ፍልስምና አምስት ስድስት 100 ኮፒ በዕለቱ ተሽጦ ለበጎ ተግባር ይውላል።

    ከዚህም በተጨማሪ ተጓዡ ጋዜጠኛ ሔኖክ ሥዩም ለንባብ ካበቃው ‹‹ሀገሬን›› ከሚለው መጽሐፍ የተወሰነ ኮፒ የለገሰ መሆኑን ተናግረዋል፡፡

    የገቢ ማሰባሰቢያው ቴአትሩ እስከሚታይበት ቀን የሚቀጥል ሲሆን፣ እስከ ሳምንቱ ማገባደጃ 900,000 ብር በላይ መሰብሰቡንና በሚሰበሰበው ብር መሠረታዊ የምግብ ፍጆታዎችና ሌሎች ግብዓቶች ተሸምተውቦታው ድረስ በመሄድ ለተጎዱ ወገኖች እንደሚሰጥ ደራሲው ተናግረዋል።  

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    በኦሮሚያ ክልል የተፈጸመው ጭፍጨፋና ሥጋቱ

    ኦሮሚያ ክልል ከቀውስ አዙሪት መላቀቅ ያቃተው ይመስላል፡፡ ከ200 በላይ...

    እናት ባንክ ካፒታሉን ወደ አምስት ቢሊዮን ብር ለማሳደግ ወሰነ

    መጠባበቂያን ሳይጨምር የባንኩ የተጣራ ትረፍ 182 ሚሊዮን ብር ሆኗል እናት...

    ቡና ባንክ ዓመታዊ ትርፉን ከአንድ ቢሊዮን ብር በላይ ማሻገር ቻለ

    ቡና ባንክ በ2014 የሒሳብ ዓመት ዓመታዊ የትርፍ ምጣኔውን ለመጀመርያ...