Monday, February 6, 2023
- ማስታወቂያ -
- ማስታወቂያ -

ዓለም ባንክ ለምርት ጥራት ማረጋገጫ ፕሮጀክት የሰጠው የ50 ሚሊዮን ዶላር የድጋፍ ጊዜ እንዲራዘም ጥያቄ ቀረበ

- ማስታወቂያ -

ተዛማጅ ፅሁፎች

በዓለም ባንክ የሚደገፈው የብሔራዊ ጥራት መሠረተ ልማት ፕሮጀክት ትግበራ በሚቀጥለው ሐምሌ ወር የሚጠናቀቅ በመሆኑ፣ የጊዜ ማራዘሚያ መጠየቁን መንግሥት አስታወቀ።

2010 .ም. የተጀመረው ‹‹ብሔራዊ ጥራት መሠረተ ልማት ፕሮጀክት›› ከዓለም ባንክ በተገኘ 50 ሚሊዮን ዶላር ድጋፍ የሚተገበር ሲሆን፣ በዋናነት ትኩረት አድርጎ የሚያከናውነው በምርት ጥራት ቁጥጥር ላይ የሚሠሩ ተቋማትን መደገፍ ላይ ነው።

ፕሮጀክቱ በተለይም ለኢትዮጵያ ደረጃዎች ኤጀንሲ፣ ለብሔራዊ ሚትዮሮሎጂ ኤጀንሲ፣ እንዲሁም ለኢትዮጵያ አክሪዲቴሽን ጽሕፈት ቤት የላብራቶሪ መሣሪያዎች ግዥ፣ የሰው ኃይል ሥልጠናና ቴክኒካዊ ድጋፎችን እንደሚያደርግ የፕሮጀክቱ የግል ዘርፍ አስተባባሪ አቶ አባተ አርጋው ገልጸዋል።

ከተመደበው 50 ሚሊዮን ዶላር ውስጥ ለጥራት ፍተሻ የሚሆኑ መሣሪያዎችን ለመግዛት 38 ሚሊዮን ዶላር የተያዘ ሲሆን፣ ቀሪው 12 ሚሊዮን ዶላር ለቴክኒካዊ ድጋፎችና የሰው ኃይል ሥልጠናዎች የሚውል መሆኑን አክለዋል።

እስካሁን 36 ሚሊዮን ዶላር ብቻ መጠቀም እንደተቻለ የገለጹት አቶ አባተ፣ በተለይ የመሣሪያ ግዥ በቀሪው ጊዜ ለማጠናቀቅ ስለማይቻል ቀሪ ሥራዎችን ለማጠናቀቅ የአንድ ዓመት ጊዜ ያስፈልጋል ብለዋል።

ለአምስት ዓመታት እንዲቆይ ታስቦ የተጀመረው ይህ ፕሮጀክት በኮቪድ 19 ወረርሽኝ ምክንያት በውጭ እንዲመረቱ የታዘዙ መሣሪያዎች በጊዜው ተመርተው ባለመምጣታቸው፣ እንዲሁም የሰው ኃይል ሥልጠና ሥራዎች በመጓተታቸው ምክንያት በተመደበው ጊዜ ማጠናቀቅ አለመቻሉን ተናግረዋል።

በዚህም ምክንያት በሐምሌ ወር 2014 ዓ.ም. የሚጠናቀቀውን ይህንን ፕሮጀክት ለአንድ ዓመት እንዲራዘምና ቀሪ ሥራዎች እንዲጠናቀቁ፣ ለዓለም ባንክ ጥያቄ ቀርቧል ብለዋል።

የጊዜ ማራዘሚያው ፕሮጀክቱ በተመደበለት ጊዜ እንዲጠናቀቅና የሚገኘው ውጤት ተገምግሞ ሁለተኛ ዙር ድጋፍ ለማግኘት የሚያስችል እንደሚሆንም አስረድተዋል፡፡

የዓለም ባንክ እስካሁን በፕሮጀክቱ አፈጻጸም ላይ በሠራው ግምገማ መሠረት በአጠቃላይ በአርኪ ሁኔታ ላይ እንደሚገኝ፣ በፕሮጀክቱ አፈጻጸም መሠረት በቀጣይ ሁለተኛ ዙር ድጋፍ ይደረጋል ተበሎ እንደሚጠበቅ አቶ አባተ ገልጸዋል።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች