Tuesday, October 4, 2022
ሌሎች ዓምዶች
    - Advertisement -
    - Advertisement -
    ስፖርትኢትዮጵያ ያስተናገደችውን የአፍሪካ ዊልቸር ቅርጫት ውድድር አልጄሪያና ግብፅ አሸነፉ

    ኢትዮጵያ ያስተናገደችውን የአፍሪካ ዊልቸር ቅርጫት ውድድር አልጄሪያና ግብፅ አሸነፉ

    ቀን:

    • ኢትዮጵያ በሴቶች የነሐስ ሜዳሊያ አግኝታለች

    በኢትዮጵያ አስተናጋጅነት ለአንድ ሳምንት ሲካሄድ የቆየው 11ኛው የአፍሪካ ዊልቸር ቅርጫት ኳስ ውድድር በሴቶች አልጀሪያ፣ በወንዶች ደግሞ ግብፅ አሸናፊ ሆነዋል፡፡ ሦስት አገሮች ብቻ በተሳተፉበት የሴቶች ምድብ ለመጀመሪያ ጊዜ የተሳተፈው የኢትዮጵያ ሴቶች ቡድን ሦስተኛ በመሆን አጠናቋል፡፡

    ጥር 21 ቀን 2014 ዓ.ም. ፍጻሜውን ባገኘው ውድድር በወንዶች ኢትዮጵያ ግብፅ፣ ደቡብ አፍሪካ፣ ዲሞክራቲክ ኮንጎና አልጀሪያ በሴቶች ደግሞ ኢትዮጵያ፣ አልጀሪያና ደቡብ አፍሪካ ተሳታፊ ሆነዋል፡፡

    በሴቶች ኢትዮጵያ ለመጀመሪያ ጊዜ በተሳተፈችበት ውድድር ለፍጻሜው አልጀሪያና ደቡብ አፍሪካ ቀርበው በአልጀሪያ አሸናፊነት ተጠናቋል፡፡ በወንዶች በአምስት አገሮች መካከል በተደረገው በዚሁ ውድድር ግብፅ ደቡብ አፍሪካን ስትረታ ዲሞክራቲክ ኮንጎ፣ ኢትዮጵያና አልጀሪያ ከሦስተኛ እስከ አምስተኛ ያለውን ደረጃ ይዘው አጠናቀዋል፡፡ በውጤቱ መሠረት በዱባይ አስተናጋጅነት በሚቀጥለው ዓመት በሚካሄደው የዓለም ዊልቸር ቅርጫት ኳስ ሻምፒዮና ላይ በሴቶች አልጀሪያ፣ በወንዶች ደግሞ ግብፅ አፍሪካን በመወከል የሚሳተፉ ይሆናል፡፡

    በሌላ በኩል በውድድሩ ዝግጅት የተደሰተው የአፍሪካ ዊልቸር ቅርጫት ኳስ ፌዴሬሽን በመጪው መስከረም የሚካሄደውን የሴቶች ዊልቸር ቅርጫት ኳስ ሻምፒዮን ኢትዮጵያ እንድታስተናግድ መርጧታል፡፡

    - Advertisement -

    ይመዝገቡ

    spot_img
    spot_img