Tuesday, July 23, 2024
- Advertisement -
- Advertisement -
ስፖርትቅዱስ ጊዮርጊስ የሊጉን መሪነት ሲቀበል ጅማ አባ ጅፋር የመጀመሪያውን ሦስት ነጥብ አስመዝግቧል

ቅዱስ ጊዮርጊስ የሊጉን መሪነት ሲቀበል ጅማ አባ ጅፋር የመጀመሪያውን ሦስት ነጥብ አስመዝግቧል

ቀን:

ጅማ አባ ጅፋር የመጀመሪያውን ሦስት ነጥብ ባሳካበት የ10ኛው ሳምንት ቤትኪንግ የኢትዮጵያ ፕሪሚየር ሊግ ጨዋታ፣ አንጋፋው ቅዱስ ጊዮርጊስ ሊጉን መምራት ጀምሯል፡፡ የአዲስ አበባዎቹ ኢትዮጵያ ቡና፣ መከላከያ እና አዲስ አበባ ከተማ ደግሞ የድሬዳዋ ቆይታቸውን በሽንፈት ጀምረዋል፡፡

ቅዱስ ጊዮርጊስ በተለያዩ የውጪ አሠልጣኞች ላለፉት ዓመታት ቢሠለጥንም፣ በፕሪሚየር ሊጉ ለተከታታይ ዓመታት የተወሰደበትን የበላይነት መመለስ ሳይችል ቆይቷል፡፡ ይሁንና በአሁኑ ወቅት በክለቡ ውስጥ ከተጫዋችነት እስከ ምክትል አሠልጣኝነት በኃላፊነት በቆየው ዘሪሁን ሸንገታ አማካይነት እየሠለጠነ ፕሪሚየር ሊጉን መምራት ጀምሯል፡፡

ከሁለት አሠርታት በላይ ባስቆጠረው የፕሪሚየር ሊግ ታሪክ የሊጉን ዋንጫ 14 ጊዜ ከፍ በማድረግ ቅዱስ ጊዮርጊስ ብቸኛ ነው፡፡ የቀድሞ መብራት ኃይል በአሁኑ ኢትዮ ኤሌክትሪክ ሦስት ጊዜ፣ ሐዋሳ ከተማ፣ ኢትዮጵያ ቡና፣ ደደቢት፣ ጅማ አባ ጅፋር፣ መቐለ 70 እንደርታ እና ፋሲል ከተማ ደግሞ የሊጉን ዋንጫ አንድ አንድ ጊዜ ያነሱ ክለቦች ናቸው፡፡

የቅዱስ ጊዮርጊስ ኃላፊዎች ክለቡ በአገር ውስጥ ያለውን የበላይነት በአኅጉር ደረጃ ከፍ ማድረግ ይችል ዘንድ፣ የውጭ አሠልጣኞች አስፈላጊነት ላይ በተደጋጋሚ ሲገልጹ እንደነበር አይዘነጋም፡፡ ይሁንና ውሳኔውን ተግባራዊ ያደረገው ቅዱስ ጊዮርጊስ ባለፉት ጥቂት ዓመታት ያሰበውን ማሳካት ሳይችል ቆይቷል፡፡

በዩጎዝላቪያዊው ዝላትኮ ዋና አሠልጣኝነት የውድድር ዓመቱን የጀመረው ቅዱስ ጊዮርጊስ የወራት ዕድሜ ካስቆጠሩት አሠልጣኝ ጋር ለመለያየት የበቃው፣ በክለቡ ውጤት መዋዠቅ እንደሆነ መገለጹ አይዘነጋም፡፡ ክለቡን በጊዜያዊ አሠልጣኝነት የተረከበው ዘሪሁን ሸንገታ ውጤቱን ለመቀየር ያደረገው ጥረት ተሳክቶለት፣ ቡድኑ በሦስትና አራት ሳምንታት ውስጥ ወደ አሸናፊነት መመለሱ የክለቡ ኃላፊዎች ቀደም ሲል ‹‹የውጭ አሠልጣኝ›› በሚል የደረሱበት ድምዳሜ ስህተት ነበረውን? ሲሉ የሚጠይቁ አልጠፉም፡፡

ከዩጎዝላቪያዊ አሠልጣኝ ስንብት በኋላ ወደ አሸናፊነት የመጣው ቅዱስ ጊዮርጊስ፣ ፕሪሚየር ሊጉን ሲመራ ከነበረው የዓምናው አሸናፊ ፋሲል ከነማ ጋር በ10ኛው ሳምንት ተገናኝተው ቅዱስ ጊዮርጊስ 4ለ0 በሆነ ሰፊ ውጤት ማሸነፍ በመቻሉ የሊጉ መሪ ለመሆን በቅቷል፡፡

በሌላ በኩል በውድድር ዓመቱ አንድ ነጥብ ብቻ ይዞ በሊጉ ግርጌ ላይ እስከ ዘጠነኛው ሳምንት የዘለቀው ጅማ አባ ጅፋር፣ በ10ኛው ሳምንት የጨዋታ መርሐ ግብር ላይ የመጀመሪያውን ሦስት ነጥብ አሳክቷል፡፡ ጅማ አባ ጅፋር አዲስ አበባ ከተማን  1ለ0 በሆነ ውጤት ሲያሸንፍ፣ ብቸኛዋን የማሸነፊያ ጎል ያስቆጠረው ደግሞ በብሔራዊ ቡድን፣ በኢትዮጵያ ቡና፣ በመከላከያ፣ በሰበታ ከተማና ክለቦች በመጫወት የሚታወቀው ዳዊት እስጢፋኖስ ባስቆጠራት የቅጣት ምት ኳስ ነው፡፡

     

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

‹‹በየቦታው ምርት እየገዙ የሚያከማቹ ከበርቴ ገበሬዎች ተፈጥረዋል››

አቶ ኡስማን ስሩር፣ የማዕከላዊ ኢትዮጵያ ክልል በምክትል ርዕሰ መስተዳድር...

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...