Thursday, May 30, 2024
- Advertisement -
- Advertisement -

- Advertisement -

ፌርማታ ፅሁፎች

ዓድዋና ኪነ ጥበብ

ትኩስ ፅሁፎች

የዓድዋ ድልን አስመልክቶ በተለያዩ የጥበብ ሰዎች የተሠሩ ኪነጥበብ ተኮር ሥራዎች በፊልም፣ በተውኔት፣ በሥነ ሥዕል፣ በሥነ ግጥም፣ በቅኔ ወዘተ. የቀረቡት በርካታ ናቸው፡፡
15 ዓመታት በፊት ታዋቂው የፊልም ዳይሬክተር ኃይሌ ገሪማ (ኘሮፌሰር)  «ዓድዋ» በሚል መጠሪያ የደረሰው ፊልም በበርካታ ታሪካዊ ፎቶግራፎች የታጀበ ነበር፡፡ በተውኔት ዘርፍ ጸሐፌ ተውኔትና ባለቅኔው ጸጋዬ ገብረመድኅን «ዓድዋ» ከተሰኘውና 1964 .. ከደረሰው ግጥም ሌላ አሜሪካ ውስጥ ለእይታ የበቃው «ምኒልክ» ተውኔት ዓድዋን ያጎላበት ነበር፡፡ የደጃዝማች ግርማቸው ተክለ ሐዋርያት «ዓድዋ» ተውኔታቸውም ይጠቀሳል፡፡  የድምፃውያኑ እጅጋየሁ ሺባባው (ጂጂ) እናቴዎድሮስ ካሳሁን (ቴዲ አፍሮ) ሥራዎችም ግዙፋን ናቸው፡፡

hjghj

«! . . . ያቺ ዓድዋ» የጸጋዬ ገብረመድኅን «እሳት ወይ አበባ» ከተሰኘው የሥነ ግጥም መድበሉ ውስጥ የሚገኝ ስለ ዓድዋ የዘከረበት ነው፡፡ ከፊሉ እነሆ፡-

. . . . !
ዓድዋ የዘር ዐፅመ ርስትዋ
የደም ትቢያ መቀነትዋ
በሞት ከባርነት ሥርየት
በደም ለነፃነት ስለት
አበው የተሰውብሽ ለት፤ . . .
ሲያስተጋባ ከበሮዋ
ሲያስገመግም ዳኘው መድፍዋ
ያባ መቻል ያባ ዳኘው
ያባ ነፍሶ ያባ ቃኘው
ያባ በለው በለው ሲለው
በለውበለውበለው!
! . . . ዓድዋ . . .

*******
የአዝማሪዎቹ ውሎ

በቅድመ ዓድዋና በዓድዋ ጦርነት አዝማሪዎች ለኢትዮጵያ ሠራዊት ይሰጡት የነበረው ወኔ ቀስቃሽ አዝመራ ጉልህ ነበር፡፡ ስለነዚያ አዝማሪዎች ቤርክሌይ ከጉዞው ጋር አያይዞ የጻፈው የሚጠቀስ ነው፡፡

«. . . በሠራዊቱ መሀል አዝማሪዎችም አብረው ይዘምታሉ፡፡ በዚያ ሁሉ ሁካታ አዝማሪዎቹ ዘማቹን እያጫወቱ ይሄዳሉ፡፡ አብሮአቸው የሚጓዘው ሠራዊትም ለአዝማሪዎቹ ግጥም ይነግሩዋቸዋል፡፡ አዝማሪዎቹ የደከመውን በግጥም እያበረታቱ ይጓዛሉ»

ወንድሜ ራበህ ወይ? ወንድሜ ጠማህ ወይ
      አዎን የናቴ ልጅ እርቦህ ጠምቶሃል
      ታዲያ የናቴ ልጅ አዳኝ ወፍ አይደለህም ወይ?
      ግፋ ብረር ወደፊትህ ሂደህ ጠላትህን አትበላም ወይ?
      ግፋ ወደፊት ከበዓሉ ቦታ ፈጥነህ ድረስ
      የምታርደውን ሥጋ የማቆራርጥልህ እኔ ነኝ
      ግፋ የናቴ ልጅ ውኃ ጠምቶሃል
     ጠጅ ብታጣ ደሜን እንድትጠጣ እሰጥሃለሁ

 

****

ፎቶ ካፕሽን

  1. ከዓመታት በፊት በዳግማዊ ምኒልክ አደባባይ የዓድዋ ድል በተከበረበት ወቅት

ፎቶ ታምራት ጌታቸው

  1. በሀገር ፍቅር ቴአትር ቤት የዓድዋ ድል 126ኛ ዓመት ሲከበር አርበኞች ኅብስት ባርከዋል
- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች