በአፋን ኦሮሞ ለተሠሩ ኪነጥበባዊ ሥራዎች ዕውቅናና ሽልማት የሚሰጠው በሻቱ ቶለማርያም መልቲሚዲያ፣ በተለያዩ ዘርፎች የሸለመበትን 5ኛውን የኦዳ ሽልማት የካቲት 29 ቀን 2014 ዓ.ም. በሸራተን አዲስ አከናውኗል፡፡ በዕለቱ በሙዚቃ፣ በፊልምና በሥነ ጽሑፍ ዘውጎች በ21 ዘርፎች ሽልማትና እውቅና ሰጥቷል። በ2013 ዓ.ም. ከወጡ አልበሞች የሃጫሉ ሁንዴሳና ጅሬኛ ሽፈራው ዕውቅና ተሰጥቷቸዋል። ከሴቶች መርጊቱ ወርቅነህ «ኦቦምቦሌቲ» በሚለው የቪዲዮ ክሊፕ ሙዚቃዋ፣ በዓመቱ ምርጥ የነጠላ ዜማ ዘርፍ «ደርቤ ላላ» በሚል ሙዚቃው አንዱዓለም ጎሳ አሸናፊ ሆነዋል። የገላና ጋሮምሳ «ወል–አጋራ» የሙዚቃ ክሊፕም በዓመቱ ከፍተኛ ተደማጭነት ያገኘ በሚል፣ የዓመቱ ምርጥ ቪዲዮ ክሊፕ ሽልማትን ሌንጮ ገመቹ በ«ሰግሊ» ሙዚቃው፣ አባቦ ወርቅነህ በምርጥ ሴት ተዋናይነት፣ ታምራት ከበደ በምርጥ ወንድ ተዋናይነት፣ በፊልም «ላፋፍ–ላፌ» ተሸልመዋል፡፡ የሕይወት ዘመን ሽልማትን በአፋን ኦሮሞ የኪነጥበብ ሥራዎች ጉልህ አሻራን ያሳረፈው ነፍስ ኄር ኢብራሂም ሃጂ አሊ፣ እንዲሁም በአፋርኛ አሊዮ ያዮ እና በሲዳምኛ አዱኛ ዱቦ አግኝተዋል፡፡ ፎቶዎቹ የሽልማቱን ሥነ ሥርዓት ከፊል ገጸታ ያሳያሉ፡፡
