Tuesday, January 31, 2023
- Advertisement -
- Advertisement -
ዜናየአዲስ አበባ ፖሊስ ኮሚሽን በዲሲፕሊን ምክንያት 146 አመራሮችንና አባላትን ማሰናበቱን አስታወቀ

የአዲስ አበባ ፖሊስ ኮሚሽን በዲሲፕሊን ምክንያት 146 አመራሮችንና አባላትን ማሰናበቱን አስታወቀ

ቀን:

የአዲስ አበባ ፖሊስ ኮሚሽን ባለፉት ስድስት ወራት የተለያዩ የዲሲፕሊን ጥፋት የተገኘባቸውን 146 የፖሊስ አመራሮችንና አባሎችን በፖሊስ ማባረሩን ዛሬ መጋቢት 7 ቀን 2014 ዓ.ም በሰጠው ጋዜጣዊ መግለጫ አስታወቀ፡፡

አመራሮቹና አባለቱ የተሰናበቱት በሰራዊቱ ህግና ደንብ መሰረት መሆኑን ያስታወቀው ፖሊስ ኮሚሽኑ፣ ይሄንን አይነት እርምጃ ሊወስድ የቻለው በስነምግባርና በአቅም ከተማዋን የሚመጥን የፖሊስ ሀይል ለማደራጀት መሆኑን ገልጿል፡፡

ፖሊስ ኮሚሽኑ ከዚህ ቀደም በተለያየ ደረጃ የፖሊስ አባል የነበሩና በአስተዳደር ችግሮች ሳቢያ ከሰራዊቱ ወጥተው የነበሩ ከ400 በላይ የቀድሞ አባላትን፣ በድጋሚ ወደ ሠራዊቱ መቀላቀሉን አስታውቋል፡፡ ወደ ስራ ገበታቸው የተመለሱት የቀድሞ የፖሊስ አባላት፣ በሰራዊቱ ውስጥ የነበረው አሰራር ቅሬታ ስላሳደረባቸው “መስራት አንፈልግም” በማለት ወጥተው የነበሩ መሆናቸውን የኮሚሽኑ የሕዝብ ግንኙነት ዳይሬክተር ኮማንደር ፋሲካ ፋንታ ተናግረዋል፡፡

ኮማደር ፋሲካ የአዲስ አበባ ፖሊስ ኮሚሽን የስድስት ወር ሥራ አፈፃፀምን አፈጻጸምን በሚመለከት እንዳብራሩት፣ በተለያየ መልኩ የተሰማሩ የፖሊስ አባላትን ስነምግባርን ለማሻሻልና ያለ አድልዎ እንዲሰሩ ለማስቻል የሪፎርም ስራዎችን እየተሠራ ነው፡፡

ኮሚሽኑ ባለፉት ስድስት ወራት በተደረገ ፍተሻና ብርበራ  47 ቦምብ፣ ስምንት ፈንጂዎች፣ 113 ክላሽን ኮቭ ጠብመንጃ፣ 422 ልዩ ልዩ ሽጉጦችና ሌሎች መሳሪያዎችን መያዙን አስታውቋል፡፡  እንደ የጦር መሳሪያ መነፅር፣ የጦር መሳሪያ ኮምፓስና ወታደራዊ የመገናኛ ሬድዮ ያሉ ወታደራዊ ቁሳቁሶችም ከእነ ተጠርጣሪዎቹ ተይዘው ምርመራ እየተደረገ መሆኑን ኮማንደር ፋሲካ በመግለጫው ላይ ተናግረዋል፡፡

ከዚህም ባለፈ ከሀምሌ 30 ቀን 2013 ዓ.ም. እስከ ታህሳስ 30 ቀን 2014 ዓ.ም. ባለው የስድስት ወር ባለው ጊዜ፣ በከተማዋ የተለያዩ ስፍራዎች 18 ፈንጂዎች፣ 50 ቦምቦች፣ 21 ክላሽን ኮቭ ጠብመንጃዎች፣ 16 ሽጉጦችና ሌሎች መሳሪያዎች ተጥለው መገኘታቸው ታውቋል፡፡ ከ2000 በላይ ልዩ ልዩ የፀጥታ አካላት የደንብ ልብሶችም ተጥለው እንደተገኙ ኮማንደር ፋሲካ አስረድተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...