Sunday, January 29, 2023
- ማስታወቂያ -
- ማስታወቂያ -

አርሶ አደሮች በመንግሥት ዋስትና ብድር የሚያገኙበት ሥርዓት እንዲዘረጋ ምክረ ሐሳብ ቀረበ

- ማስታወቂያ -

ተዛማጅ ፅሁፎች

በኢትዮጵያ ጥናት ሲያደርግ የነበረው የኔዘርላንድስ ዋገንገን ዩኒቨርሲቲ፣ አርሶ አደሮች በመንግሥት ዋስትና ብድር የሚያገኙበት ሥርዓት እንዲዘረጋ ለብሔራዊ ባንክ ምክረ ሐሳብ አቀረበ።

ላለፉት አምስት ዓመታት በግብርና ኤክስቴንሽንና በተሻሻሉ የዘር ቴክኖሎጂዎች ላይ ጥናት ሲያካሂድ የነበረው ዩኒቨርሲቲው፣ ጥናቱን መሠረት በማድረግ በአነስተኛ ማሳዎች የሚተዳደሩ አርሶ አደሮች በመንግሥት ዋስትና ብድር የሚያገኙበትን ሥርዓት ለኢትዮጵያ ብሔራዊ ባንክ ማቅረቡን፣ የዩኒቨርሲቲው የኢትዮጵያ ዳይሬክተር ዳዊት ዓለሙ (ዶ/ር) ገልጸዋል።

 ጥናቱ ከ2009 ዓ.ም. ጀምሮ በዋናነት በምርት ዘር ማሻሻያ፣ በግብርና ኤክስቴንሽንና በቴክኖሎጂዎች ላይ ከግብርና ሚኒስቴር፣ ከግብርና ምርምር ኢንስቲትዩትና ሌሎች አጋር አካላት ጋር በመተባበር ሲተገበር መቆየቱ ታውቋል፡፡

አዲስ አበባ ዩኒቨርሲቲን ጨምሮ አሥር የአገር ውስጥ ዩኒቨርሲቲዎች የተሳተፉበት መሆኑን፣ በአጠቃላይ 40 ሚሊዮን ዩሮ ወጪ እንደተደረገበት ዳዊት (ዶ/ር) ገልጸዋል።

አነስተኛ መሬት ያላቸው አርሶ አደሮች ማስያዣ በማጣት ብድር ማግኘት የሚቸገሩ በመሆናቸው፣ ችግሩ የሚፈታበትን አራር ለመዘርጋት ጥናት ሲደረግ መቆየቱን አክለዋል። ለብድር አቅርቦት እጥረቱ ዋና ምክንያት በተለይ በአበዳሪዎች ዘንድ ብድሩ አይመለስም የሚል ጋት እንደነበር ገልጸው የብድሩን አመላለስ ለማረጋገጥም የሙከራ ፕሮጀክት መተግበሩን ተናግረዋል።

የሙከራ ፕሮጀክቱ ሦስት የግል ባንኮችና ሁለት የማይክሮ ፋይናንስ ተቋማት ብድር እንዲያቀርቡ በማድረግ የአመላለስ ሒደቱ ጥናት ተደርጎበታል ብለዋል።

ለሙከራ ፕሮጀክቱ አሥር ሚሊዮን ብር ተዘጋጅቶ በኅብረት ሥራ ማኅበራት በኩል ለአራት ዓመታት የሚቆይ ብድር የተሰጠ መሆኑን፣ በተቀመጠው ጊዜ ብድሩ ሙሉ ለሙሉ መመለሱን ዳዊት (ዶ/ር) አስረድተዋል።

በጥናት ግኝቱ መሠረት፣ የዋስትና ብድር አገልግሎት በሁሉም የኢትዮጵያ ክፍል የሚገኙ አነስተኛ አርሶ አደሮች ምርታማነታቸውን እንደሚያሳድጉ፣ ወደ አነስተኛ ኢንዱስትሪ አምራችነት እንዲያድጉ የሚያግዝ ነውም ብለዋል።

የጥናት ግኝቱን መሠረት በማድረግም የዋስትና ብድር ደቱ በብሔራዊ ባንክ በኩል እንዲመራ በሁሉም ባንኮችና ማይክሮ ፋይናንሶች ተግባራዊ እንዲደረግ ምክር ሐሳብ መቅረቡን አስረድተዋል።

ዋገንገን ዩኒቨርሲቲ ባለፉት አምስት ዓመታት በግብርና ግብዓት አቅርቦት፣ በተሻሻሉ ዘሮችና ቴክኖሎጂዎች ሲያደርጋቸው በነበሩ የጥናት ፕሮጀክቶች በመላ ኢትዮጵያ ከ200 በላይ ወረዳዎች የሚገኙ ከ12 ሚሊዮን በላይ አርሶ አደሮች መካተታቸውን ዳዊት (ዶ/ር) አብራርተዋል።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች