Saturday, November 26, 2022
ሌሎች ዓምዶች
    - Advertisement -
    - Advertisement -
    ዜናመንግሥት ያሳለፈውን የግጭት ማቆም ውሳኔ ለዘላቂ ተኩስ አቁም ስምምነት መሠረት ማድረግ ይገባል...

    መንግሥት ያሳለፈውን የግጭት ማቆም ውሳኔ ለዘላቂ ተኩስ አቁም ስምምነት መሠረት ማድረግ ይገባል ተባለ

    ቀን:

    መንግሥት ለሰብዓዊ ድጋፍ አቅርቦት ግጭት ለማቆም መወሰኑን እንደምትደግፍና ይህንን ውሳኔ በድርድር ላይ የተመሠረተና ወደ ዘላቂ የተኩስ አቁም ስምምነት ለመለወጥ፣ ሁሉም ወገኖች ሊጠቀሙበት እንደሚገባ የአሜሪካ መንግሥት አሳሰበ።

    የኢትዮጵያ መንግሥት ያሳለፈው የግጭት ማቆም ውሳኔ ለሁሉም የአገሪቱ ሕዝቦች የጋራ ደኅንነት፣ ብልፅግናና ዕድገት ለማምጣት ሁሉን አቀፍ የፖለቲካ ሒደት ለመጀመር አስፈላጊ መሠረት ሆኖ ሊያገለግል እንደሚገባ የአሜሪካ የውጭ ጉዳይ ሚኒስትር አንቶኒ ብሊንከን አሳስበዋል።

    በመሆኑም ሰብዓዊ ድጋፍ እንዲቀርብ የኢትዮጵያ መንግሥት ያሳለፈውን ግጭት የማቆም ውሳኔ መሠረት በማድረግ፣ ሁሉም ወገኖች ለድርድርና ዘላቂነት ላለው የተኩስ አቁም ስምምነት እንዲጠቀሙበት ብሊንከን ጠይቀዋል።

    አሜሪካ የኢትዮጵያ መንግሥት ያሳለፈውን የግጭት ማቆም ውሳኔ በደስታ እንደተቀበለችውና በፅኑ እንደምትደግፈው የገለጹት ብሊንከንየአሜሪካ መንግሥት የኢትዮጵያን ሕዝብ ለመርዳትና የወደፊት ሰላሙን ለማረጋገጥ የተቻለውን ሁሉ ማድረግ እንደሚቀጥል አስታውቀዋል።

    መንግሥት ያሳለፈውን የግጭት ማቆም ውሳኔ አስመልክቶ የትግራይ ብሔራዊ ክልላዊ መንግሥት ባወጣው መግለጫ፣ ‹‹የትግራይ ሕዝብ መሬት ላይ ካለው ፍላጎት ጋር የሚመጣጠን ሰብዓዊ ዕርዳታ ማግኘት የሚችልበት ምቹ ሁኔታ ከተፈጠረ፣ የትግራይ አስተዳደር በአስቸኳይ ግጭት የማቆም ተመሳሳይ ውሳኔ ተግባራዊ ለማድረግ ቁርጠኛ ነው። ይህንን የግጭት ማቆሙ ጅማሮ የተሳካ እንዲሆን ሁሉንም ነገር ያደርጋል፤›› ሲል አስታውቋል።

    የአውሮፓ ኅብረት በተመሳሳይ የኢትዮጵያ መንግሥት ያሳለፈውን የግጭት ማቆም ውሳኔ በደስታ እንደሚቀበለው አስታውቋል። 

    የአውሮፓ ኅብረት ምክትል ፕሬዚዳንትና የኅብረቱ የውጭ ግንኙነት ኮሚሽነር ጆሴፍ ቦሬልየኢትዮጵያ መንግሥት የግጭት ማቆም ውሳኔን ተከትሎ ጠቃሚ ለውጦች እንደተስተዋሉ ተናግረዋል። 

    ‹‹የአውሮፓ ኅብረት በኢትዮጵያ መንግሥት የታወጀውንና በትግራይ ባለሥልጣናት ተመሳሳይ አፀፋ የተሰጠበትን ለሰብዓዊ ዕርዳታ ግጭት የማቆም ስምምነት በደስታ ይቀበላል። ሁሉም በግጭቱ ውስጥ ያሉ ወገኖች ያለ ምንም ተጨማሪ መዘግየትና ቅድመ ሁኔታ ለተቸገሩት ሁሉ የሰብዓዊ ድጋፍ ተደራሽነትን ለማረጋገጥ አሁን መሥራት አለባቸው፤›› ብለዋል።

    የአፍሪካ ኅብረት ኮሚሽን ሊቀመንበር ሙሳ ፋቂ ማሃማት በበኩላቸው፣ የኢትዮጵያ መንግሥት የሰብዓዊ ዕርዳታ እንዲቀርብ ላልተወሰነ ጊዜ የግጭት ማቆም ውሳኔ ማስተላለፉን ኅብረቱ በደስታ እንደተቀበለው ገልጸዋል።

    ሊቀመንበሩ አክለውም በትግራይ ክልላዊ መንግሥት የተላከውን ግጭት የማቆም ውሳኔ ስምምነት ለመቀበል መወሰኑንና አፋጣኝ ግጭት የማቆም ምላሽ ለመስጥት ቁርጠኛ ስለመሆኑ መግለጹን ደግፈዋል።

    በተጨማሪም የአፍሪካ ኅብረት በድርድር ላይ የተመሠረተ ዘላቂና ሁሉን አቀፍ የተኩስ አቁም ስምምነት እንዲደረስ፣ ሁሉንም ወገኖች በውይይት የማግባባት ሙከራውን እንደሚቀጥል ገልጸዋል።

    በዚህ ረገድም በአፍሪካ ቀንድ የአፍሪካ ኅብረት ከፍተኛ ተወካይ ሆነው እንዲሠሩ የተመደቡት የቀድሞው የናይጄሪያ ፕሬዚዳንት ኦሊሴጉን ኦባሳንጆ፣ ከሁሉም አካላትና ባለድርሻዎች ጋር በቅርበት በመሥራት ግጭቱን በፍጥነት ለማስወገድ የሚያደርጉትን ጥረት አጠናክረው እንዲቀጥሉ የኅብረቱ ሊቀመንበር አሳስበዋል።

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...